ദേശീയ സാഹിത്യസംഗമം വൈഖരിക്കു തുടക്കമായി
1464262
Sunday, October 27, 2024 5:00 AM IST
മാവേലിക്കര: ഓണാട്ടുകര സാഹിതി ഒരുക്കുന്ന ദേശീയ സാഹിത്യ സംഗമം വൈഖരി 2024 നു പുന്നമൂട് ജീവാരാമിൽ തുടക്കമായി. ഗോവ ഗവർണർ പി.എസ്. ശ്രീധരൻപിള്ള ഓൺലൈനായി സംഗമം ഉദ്ഘാടനം ചെയ്തു. ഓണാട്ടുകരയുടെ സാഹിത്യ, സാംസ്കാരിക പൈതൃകം കാത്തുസൂക്ഷിക്കാൻ എല്ലാവർക്കും ഉത്തരവാദിത്വം ഉണ്ടെന്നു പി.എസ്. ശ്രീധരൻപിള്ള പറഞ്ഞു. ജ്ഞാനപീഠ ജേതാവ് ഡോ. ദാമോദർ മൗസോ ഭദ്രദീപം തെളിച്ചു.
സാഹിതി പ്രസിഡന്റ് ഡോ. മധു ഇറവങ്കര അധ്യക്ഷത വഹിച്ചു. സരസ്വതി സമ്മാൻ ജേതാവ് ശരൺകുമാർ ലിംബാളെ പ്രഭാഷണം നടത്തി. സ്മരണിക ശശികുമാർ മാവേലിക്കരയ്ക്കു നൽകി ദാമോദർ മൗസോ പ്രകാശനം ചെയ്തു. ഡോ. ജോർജ് ഓണക്കൂർ, കെ.പി.രാമനുണ്ണി, സാഹിതി സെക്രട്ടറി സുരേഷ് വർമ, ട്രഷറർ ജോർജ് തഴക്കര,
മീഡിയ കോ-ഓർഡിനേറ്റർ ബിനു തങ്കച്ചൻ എന്നിവർ പ്രസംഗിച്ചു. ഇന്നു വൈകിട്ട് നാലിനു സാഹിത്യസംഗമം സമാപിക്കും. 3.30നു സമാപന സമ്മേളനം ദാമോദർ മൗസോ ഉദ്ഘാടനം ചെയ്യും. ഡോ.മധു ഇറവങ്കര അധ്യക്ഷനാകും. ഇന്നു നടക്കുന്ന സംവാദങ്ങളിൽ ഡോ.എം.ജി. ശശിഭൂഷൺ, ആർ. ഉണ്ണി, പ്രഭാവർമ, കെ. രാജഗോപാൽ, ലോപാ മുദ്ര, ഡോ. ഷീജ വക്കം എന്നിവർ പങ്കെടുക്കും.