കര്ഷകന് ഷോക്കേറ്റു മരിച്ച സംഭവത്തില് പ്രതിഷേധം
1464051
Saturday, October 26, 2024 5:26 AM IST
എടത്വ: പൊട്ടിവീണ വൈദ്യുത ലൈനില്നിന്ന് ഷോക്കേറ്റ് കര്ഷകന് മരിച്ച സംഭവത്തില് വ്യാപക പ്രതിഷേധം. വിവിധ സംഘടനകളുടെ നേതൃത്വത്തില് എടത്വ കെഎസ്ഇബി സെക്ഷന് ഓഫീസിലേക്ക് പ്രതിഷേധ മാര്ച്ച് നടത്തി. എടത്വ വികസനസമതി പ്രതിഷേധം രേഖപ്പെടുത്തി.
നെല്കര്ഷക സംരക്ഷണ സമതിയുടെ നേതൃത്വത്തില് എടത്വ കെഎസ്ഇബി സെക്ഷന് ഓഫീസ് പടിക്കല് പ്രതിഷേധ സമരം നടത്തി. ഉദ്യോഗസ്ഥര്ക്കെതിരേ നടപടി സ്വീകരിക്കണമെന്നും കര്ഷകന്റെ കുടുംബത്തിന് നഷ്ടപരിഹാരം നല്കണമെന്നും പ്രതിഷേധക്കാര് ആവശ്യപ്പെട്ടു.
പ്രതിഷേധ സമരം സംസ്ഥാന വൈസ് പ്രസിഡന്റ് വേലായുധന് നായര് ഉദ്ഘാടനം ചെയ്തു. കറിയാച്ചന് ചേന്ദങ്കര അധ്യക്ഷത വഹിച്ചു.
റോയി ഊരാംവേലില്, സോണിച്ചന് പുളിങ്കുന്ന്, പി.ആര്. സതീശന്, ലാലിച്ചന് പള്ളിവാതുക്കല്, ഹരിപ്പാട് വിശ്വനാഥപിള്ള, അജയകുമാര് തകഴി, പി.സി. ജോസഫ്, അലക്സാണ്ടര്, കുഞ്ഞച്ചന്, പുഷ്പന് എടത്വ എന്നിവര് പ്രസംഗിച്ചു.