വയലാര് രാമവര്മ അനുസ്മരണം: സൗഹാര്ദ സന്ദേശയാത്ര 26ന്
1463818
Friday, October 25, 2024 5:00 AM IST
ചേര്ത്തല: മലയാളത്തിന്റെ പ്രിയകവി വയലാര് രാമവര്മയുടെ 49-ാം ചരമവാര്ഷികത്തിന്റെ ഭാഗമായി വയലാര് ഫാന്സിന്റെ സൗഹാര്ദ സന്ദേശയാത്ര 26ന് നടക്കും. എസ്എല് പുരം സദാനന്ദന്റെ സ്മൃതി മണ്ഡപത്തില് രാവിലെ 10ന് കെ.കെ. കുമാരന് ആൻഡ് പാലിയേറ്റീവ് കെയര് സൊസൈറ്റി ചെയര്മാന് എസ്. രാധാകൃഷ്ണന് ഉദ്ഘാടനം ചെയ്യും.
ജനറല് സെക്രട്ടറി കരപ്പുറം രാജശേഖരന് യാത്ര നയിക്കും. വയലാര് രാഘവപ്പറമ്പിലെ ചന്ദ്രകളഭത്തില് 11.30ന് നടക്കുന്ന അനുസ്മരണ സമ്മേളനത്തില് ടി.പി. സുന്ദരേശന് അധ്യക്ഷനാകും. മണ്ണഞ്ചേരി യൂണിവേഴ്സിറ്റി ഇന്സ്റ്റിറ്റ്യൂട്ട് ഓഫ് ടെക്നോളജി പ്രിന്സിപ്പല് ഡോ.പ്രദീപ് ഉദ്ഘാടനം ചെയ്യും.
കാഥികന് മുതുകുളം സോമനാഥ് അനുസ്മരണ പ്രഭാഷണം നടത്തും. സാഹിത്യകാരന് ഹരികുമാര് കണിച്ചുകുളങ്ങരയ്ക്ക് വയലാര് ശരത്ചന്ദ്രവര്മ പുരസ്കാരം നല്കും.