അഴിമതിക്കാരനായ എംഎൽഎ രാജിവയ്ക്കണമെന്ന്
1464260
Sunday, October 27, 2024 5:00 AM IST
മങ്കൊമ്പ്: കൈക്കൂലി നൽകി അധികാരം കൈവശത്താക്കാനും ജനാധിപത്യത്തിന് വില പറയുകയും ചെയ്ത കുട്ടനാട് എംഎൽഎ സ്ഥാനം രാജിവയ്ക്കണമെന്ന് യുഡിഎഫ്. ജനാധിപത്യത്തെ പണാധിപത്യമായിക്കാണുന്ന ഇത്തരം പൊതുപ്രവർത്തകർ കുട്ടനാടിന് തന്നെ നാണക്കേടാണ്.
വർഷങ്ങളായി കുട്ടനാടൻ ജനതയ്ക്കുവേണ്ടി ഒരു വാക്കുപോലും അസംബ്ലിയിൽ ശബ്ദിക്കാത്ത എംഎൽഎ തനിക്ക് മന്ത്രിസ്ഥാനം ലഭിക്കാൻ നാടിന്റെ അഭിമാനത്തിനുതന്നെ വില പറഞ്ഞിരിക്കുകയാണ്. എംഎൽഎ രാജിവച്ച് കുട്ടനാട്ടുകാരോട് ക്ഷമ ചോദിക്കണമെന്ന് യുഡിഎഫ് നിയോജക മണ്ഡലം ചെയർമാൻ ജോസഫ് ചേക്കോടൻ, കൺവീനർ തങ്കച്ചൻ വാഴച്ചിറ എന്നിവർ ആവശ്യപ്പെട്ടു.