ശാന്തിഭവൻ അന്തേവാസി അന്തരിച്ചു
1464257
Sunday, October 27, 2024 5:00 AM IST
അമ്പലപ്പുഴ: പുന്നപ്ര ശാന്തിഭവൻ അന്തേവാസി ഇന്ദിര (70) അന്തരിച്ചു. അരൂർ പഞ്ചായത്ത് 21-ാം വാർഡിൽ ആരോരുമില്ലാതെ താമസിച്ചിരുന്ന 70 വയസുകാരിയായ ഇന്ദിരയെ പഞ്ചായത്തിന്റെയും അരൂർ പോലീസിന്റെയും നിർദേശപ്രകാരം സാമൂഹ്യപ്രവർത്തകനായ ഷാജു ആളൂക്കാരനാണ് 2024 ഓഗസ്റ്റ് 24ന് ശാന്തിഭവനിലെത്തിച്ചത്.
ശാരീരിക അവശതകളും ഹൃദ്രോഗവും ഉണ്ടായിരുന്ന ഇവർ ആലപ്പുഴ വണ്ടാനം മെഡിക്കൽ കോളജിലെ ചികിത്സയിലിരിക്കെ ഇന്നലെ മരിച്ചു. മൃതദേഹം വണ്ടാനം മെഡിക്കൽ കോളജ് ആശുപത്രിയിലെ മോർച്ചറിയിൽ.
ഇവരെക്കുറിച്ച് എന്തെങ്കിലും വിവരം ലഭിക്കുന്നവർ പുന്നപ്ര ശാന്തി ഭവനുമായി ബന്ധപ്പെടണം. ഇന്ദിരയുടെ സംസ്കാര ചടങ്ങുകൾ ഏറ്റെടുത്ത് നടത്താൻ താത്പര്യമുള്ള സന്നദ്ധ സംഘടകൾ ശാന്തിഭവനുമായി ബന്ധപ്പെടുക. ഫോൺ: 9447403035, 0477-2287322.