ഇലക്ട്രിക്കൽ വയർമെൻ & സൂപ്പർവൈസേഴ്സ് അസോസിയേഷൻ : ജില്ലാ സമ്മേളനം ചേർത്തലയിൽ
1464256
Sunday, October 27, 2024 5:00 AM IST
ചേര്ത്തല: കേരള ഇലക്ട്രിക്കൽ വയർമെൻ ആൻഡ് സൂപ്പർവൈസേഴ്സ് അസോസിയേഷൻ ജില്ലാ സമ്മേളനം 29ന് രാവിലെ 10ന് ചേർത്തല നഗരസഭ ടൗൺ ഹാളിൽ മന്ത്രി പി. പ്രസാദ് ഉദ്ഘാടനം ചെയ്യും.
സംഘടന ജില്ലാ പ്രസിഡന്റ് പി.കെ. ബെന്നി അധ്യക്ഷത വഹിക്കും. സംസ്ഥാന ജനറൽ സെക്രട്ടറി വി. ഗോപകുമാരൻ നായർ മുഖ്യപ്രഭാഷണം നടത്തും. ചേർത്തല നഗരസഭാധ്യക്ഷ ഷേർളി ഭാർഗവൻ വിദ്യാഭ്യാസ അവാർഡ് വിതരണം നടത്തും.
സംഘടന സംസ്ഥാന സെക്രട്ടറി തോമസ് കെ. കുറിയാക്കോസ് മരണാനന്തര സഹായവിതരണം നിർവഹിക്കുമെന്ന് സംസ്ഥാന ക്ഷേമഫണ്ട് സെക്രട്ടറി കെ.എച്ച്. മേരീദാസ്, ജനറൽ കൺവീനർ കെ.എസ്. ശ്രീകുമാർ എന്നിവർ അറിയിച്ചു. 2.30ന് പ്രതിനിധി സമ്മേളനം സംസ്ഥാന ജനറൽ സെക്രട്ടറി വി. ഗോപകുമാരൻ നായർ ഉദ്ഘാടനം ചെയ്യും.
ലൈസൻസ് ഇല്ലാത വയറിംഗ് ജോലികൾ ചെയ്യുന്നവർക്കെതിരേ നടപടി സ്വീകരിക്കുക, വയറിംഗ് തൊഴിലാളികൾക്ക് പ്രത്യേക ക്ഷേമനിധി ഏർപ്പെടുത്തുക, ഇഎസ്ഐ ആനുകൂല്യത്തിന്റെ പരിധിയിൽ തൊഴിലാളികളെ ഉൾപ്പെടുത്തുക തുടങ്ങിയ ആവശ്യങ്ങളും സമ്മേളനം ചർച്ച ചെയ്യുമെന്നും സംസ്ഥാന ഭാരവാഹികളായ ഡി. സുരേഷ്, എൻ.എസ്. രാജേഷ് എന്നിവർ അറിയിച്ചു.