ചക്കുളത്തുകാവ് പൊങ്കാല: ഗണപതിക്ക് വയ്പ് ഇന്ന്
1464249
Sunday, October 27, 2024 4:49 AM IST
എടത്വ: ചക്കുളത്തുകാവ് ശ്രീഭഗവതി ക്ഷേത്രത്തില് പൊങ്കാല വിളംബരമായി ഗണപതിക്ക് വയ്പ് ചടങ്ങ് ഇന്നു നടക്കും. രാവിലെ 10.30ന് മഹാഗണപതി ഹോമത്തിനുശേഷം വായ്ക്കുരവയുടെയും മുത്തുക്കുടയുടെയും വാദ്യമേളങ്ങളുടെയും അകമ്പടിയോടെ ഗണപതി ബിംബവും നാളികേരവും എഴുന്നള്ളിച്ച് മൂല കുടുംബക്ഷേത്ര ദര്ശനം നടത്തി പ്രദക്ഷിണം വച്ച് നാളികേരം, നെല്ല്, അരി, എള്ള്, പുഷ്പം പ്രത്യേകം തയാറാക്കിയ നിലവിളക്കിനു മുമ്പില് കന്നിമൂലയിലെ ഗണപതി ക്ഷേത്രത്തിനു സമീപം സമര്പ്പിക്കുന്നതോടെ ഗണപതിക്ക് വയ്പ് ചടങ്ങ് സമാപിക്കും.
മുഖ്യകാര്യദര്ശി രാധാകൃഷ്ണന് നമ്പൂതിരി, കാര്യദര്ശി മണിക്കുട്ടന് നമ്പൂതിരി, മേല്ശാന്തിമാരായ അശോകന് നമ്പൂതിരി, രഞ്ജിത്ത് ബി. നമ്പൂതിരി, ദുര്ഗാദത്തന് നമ്പൂതിരി എന്നിവര് കാര്മികത്വം വഹിക്കും. മീഡിയ കോ-ഓർ ഡിനേറ്റര് അജിത്ത് കുമാര് പിഷാരത്ത്, ഉത്സവകമ്മിറ്റി പ്രസിഡന്റ് എം.പി. രാജീവ്, സെക്രട്ടറി സ്വാമിനാഥന് എന്നിവര് നേതൃത്വം നല്കും. ഡിസംബര് 13നാണ് കാര്ത്തിക പൊങ്കാല മഹോത്സവം.