മരക്കൊമ്പ് തെറിച്ചുവീണ് തൊഴിലാളി മരിച്ചു
1464042
Saturday, October 26, 2024 5:21 AM IST
ചേർത്തല: മരം മുറിക്കുന്നതിനിടയിൽ മരക്കൊമ്പ് തെറിച്ച് തലയിൽ വീണ് തൊഴിലാളി മരിച്ചു. ചേർത്തല നഗരസഭ എട്ടാം വാർഡ് വട്ടക്കാട്ട് പരേതനായ പരമേശ്വര മകൻ ഹരികുമാർ (മധു-50) ആണ് മരിച്ചത്.
ഇന്നലെ ഉച്ചയോടെ ശവേശേരി ക്ഷേത്രത്തിന് സമീപമായിരുന്നു അപകടം. മരക്കൊമ്പ് തലയില്വീണ് ഗുരുതരമായി പരിക്കേറ്റ ഹരിക്കുമാറിനെ ചേർത്തല താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
സംസ്കാരം വീട്ടുവളപ്പിൽ നടന്നു. അമ്മ: പരേതയായ വിലാസിനി. ഭാര്യ: ജോസ്ന. മകൻ: ശരൺകൃഷ്ണ.