ഉയരപ്പാതയോ അടിപ്പാതയോ വേണം: പായൽക്കുളങ്ങരയിൽ ഉപവാസസമരം
1463817
Friday, October 25, 2024 5:00 AM IST
അമ്പലപ്പുഴ: കരൂർ പായൽക്കുളങ്ങരയിൽ ഉയരപ്പാത അല്ലെങ്കിൽ അടിപ്പാത നിർമിക്കണമെന്നാവശ്യപ്പെട്ടു ജനകീയ സമിതിയുടെ ആഭിമുഖ്യത്തിൽ ഉപവാസസമരം സംഘടിപ്പിച്ചു. സ്ത്രീകളടക്കം നൂറുകണക്കിന് ആളുകൾ പങ്കെടുത്ത ഉപവാസസമരം ചെട്ടികുളങ്ങര ക്ഷേത്രം തന്ത്രി ഹരി നാരായണൻ നമ്പൂതിരിയും വെള്ളാഞ്ഞിലി ജുമാ മസ്ജിദ് ഇമാം നൗഷാദ് സഖാഫിയും ചേർന്ന് ഭദ്രദീപം തെളിച്ച് ഉപവാസസമരം ഉദ്ഘാടനം ചെയ്തു.
ജനകീയസമതി ചെയർമാൻ പുറക്കാട് പഞ്ചായത്ത് പ്രസിഡന്റ് എ.എസ്. സുദർശനൻ അധ്യക്ഷത വഹിച്ചു. എച്ച്. സലാം എംഎൽഎ മുഖ്യപ്രഭാഷണം നടത്തി. വി.ദിനകരൻ, ടി.എ. ഹാമിദ്, എസ്. രാജീവൻ, രാജേഷ്, എ. ഓമനക്കുട്ടൻ, വി.എസ്. മായാദേവി, ഫൈസൽ പഴയങ്ങാടി, എസ്. സുരേഷ് കുമാർ തുടങ്ങിയവർ പ്രസംഗിച്ചു.