ജർമൻ വൈദിക സംഘം കട്ടച്ചിറ മരിയൻ തീർഥാടനകേന്ദ്രം സന്ദർശിച്ചു
1464261
Sunday, October 27, 2024 5:00 AM IST
കായംകുളം: മരിയൻ തീർഥാടന കേന്ദ്രമായ കട്ടച്ചിറ സെന്റ് മേരീസ് യാക്കോബായ ചാപ്പലിൽ ജർമനിയിൽനിന്നുള്ള വൈദിക പ്രതിനിധി സംഘം സന്ദർശനം നടത്തി.
ജർമനിയിലെ വാർ ബുർഗ് സ്രൂഗിലെ യാക്കോബിന്റെ ദയറായിലെ ശുശ്രൂഷകനും സെമിനാരി അധ്യാപകനുമായ ശെമവൂൻ റമ്പാൻ, ഡീക്കൻ യാക്കോബ് തുടങ്ങിയവർ അടങ്ങിയ പ്രതിനിധി സംഘമാണ് ഇന്നലെ ഉച്ചയോടെ മരിയൻ തീർഥാടന കേന്ദ്രത്തിലെത്തിയത്.
സംഘത്തെ സഭാ വൈദിക ട്രസ്റ്റി ഫാ. റോയി ജോർജ് കട്ടച്ചിറ, ഫാ. രാജു ജോൺ, ഫാ. ജോർജ് പെരുമ്പട്ടേത്ത്, ഫാ. റോജൻ, ഫാ. സാബു, പള്ളി ഭാരവാഹികൾ എന്നിവർ ചേർന്ന് സ്വീകരിച്ചു.