കൃപാസനം അഖണ്ഡ ജപമാല മഹാറാലി ഇന്ന്
1464039
Saturday, October 26, 2024 5:21 AM IST
ചേര്ത്തല: ലോകസമാധാനത്തിനായി കൃപാസനം ഡയറക്ടര് ഫാ. വി.പി. ജോസഫ് വലിയവീട്ടില് നയിക്കുന്ന അഖണ്ഡ ജപമാല മഹാറാലി ഇന്നു നടക്കും. യുദ്ധങ്ങള് അവസാനിക്കാന് രാജ്യങ്ങള് തമ്മില് സഹവര്ത്തിത്വം പുലരാന് കൃപാസനം മരിയന് പ്രത്യക്ഷീകരണ സന്നിധാനത്തുനിന്നു രാവിലെ ആറിന് അര്ത്തുങ്കല് ബസിലിക്കയിലേക്ക് പുറപ്പെടുന്ന അഖണ്ഡ ജപമാല മഹാറാലിയില് ജനങ്ങള് അണിചേരും.
കൃപാസനത്തില്നിന്ന് ആരംഭിക്കുന്ന ജപമാല 6.30ന് മാരാരിക്കുളം ബീച്ചില് എത്തിച്ചേരുമ്പോള് കോഴിക്കോട് രൂപതാധ്യക്ഷന് ഡോ. വര്ഗീസ് ചക്കാലയ്ക്കല് ഉദ്ഘാടനം ചെയ്യും. തുടര്ന്ന് ഡോ. വര്ഗീസ് ചക്കാലയ്ക്കല് ഫ്ളാഗ് ഓഫ് കര്മം നിര്വഹിച്ച് കൃപാസനം ഡയറക്ടര് വിജയകുമാറിന് പതാക കൈമാറും. ജപമാല മഹാറാലി അര്ത്തുങ്കല് ബസിലിക്കയില് എത്തിച്ചേരുമ്പോള് ബസിലിക്ക റെക്ടര് ഡോ. യേശുദാസ് കാട്ടുങ്കല്തയ്യിലിന്റെ നേതൃത്വത്തില് സ്വീകരണം നലകും.
തുടര്ന്ന് ആലപ്പുഴ ബിഷപ് ഡോ. ജയിംസ് റാഫേല് ആനാപറമ്പില് വിശുദ്ധ കുര്ബാന അര്പ്പിച്ച് സന്ദേശം നല്കും. വികാരി ജനറല് മോണ്. ജോയ് പുത്തന്വീട്ടില്, എപ്പിസ്കോപ്പല് വികാര് ഫാ. പോള് ജെ. അറയ്ക്കല് എന്നിവര് തിരുവചനസന്ദേശങ്ങള് നലകും.
തുടര്ന്ന് കോഴിക്കോട് രൂപതാധ്യക്ഷന് ഡോ. വര്ഗീസ് ചക്കാലയ്ക്കല് പരിശുദ്ധ കുര്ബാന അര്പ്പിച്ച് സന്ദേശം നല്കും. ബസിലിക്ക മുന് റെക്ടര് ഫാ. സ്റ്റീഫന് ജെ. പുന്നയ്ക്കല്, ആലപ്പുഴ രൂപത കെഎല്സിഎ ബിസിസിലിറ്റിക്ക് കമ്മീഷന് ഡയറക്ടര് ഫാ. ജോണ്സണ് പുത്തന്വീട്ടില് എന്നിവര് തിരുവചന സന്ദേശങ്ങല് നല്കും.
തുടര്ന്ന് എറണാകുളം-അങ്കമാലി അതിരൂപത അപ്പസ്തോലിക് അഡ്മിനിസ്ട്രേറ്റര് മാര് ബോസ്കോ പുത്തൂര് ദിവ്യകുര്ബാനയര്പ്പിച്ച് സമാപനസന്ദേശം നല്കും. തുടര്ന്ന് മരിയന് പ്രത്യക്ഷീകരണ നൊവേന സിസ്റ്റര് ജോമോള് ജോസഫ് നയിക്കും.
ദിവ്യകാരുണ്യ ആരാധനയില് ഫാ. അലക്സ് കൊച്ചീക്കാരന്വീട്ടില്, ഫാ. ജോസഫ് അല്ഫോന്സ് കൊല്ലാപറമ്പില്, ഫാ. അലക്സാണ്ടര്, ബ്രദര് എഡ്വേര്ഡ് തുറവൂര് എന്നിവര് നയിക്കും. തുടര്ന്ന് സമാപന ആരാധനയും സന്ദേശവും ആശീര്വാദവും കൃപാസനം സ്ഥാപക ഡയറക്ടര് ഡോ. വി.പി. ജോസഫ് വലിയവീട്ടില് നിര്വഹിക്കും.
ജപമാല മഹാറാലിയുടെ യാത്രാവഴി
കൃപാസനം മുന്വശത്തുള്ള ദേശീയപാതയുടെ പടിഞ്ഞാറുഭാഗത്തുള്ള കൃപാസനം സോഷ്യോയില്നിന്നാണ് അഖണ്ഡ ജപമാല മഹാറാല ആരംഭിക്കുന്നത്. പ്രീതികുളങ്ങര, പെരുമ്പന, വാറാന്കവല ജംഗ്ഷന് വഴി കടപ്പുറത്തേക്കും തുടര്ന്ന് കടപ്പുറത്തിന്റെ സമാന്തര റോഡുകളിലൂടെ അര്ത്തുങ്കല് പടിഞ്ഞാറെ കുരിശടിയില് എത്തിച്ചേര്ന്ന് ബസിലിക്ക മൈതാനിയിലേക്ക് അഖണ്ഡ ജപമാല മഹാറാലി പ്രവേശിക്കും.
കൃപാസനം ജനറല് മാനേജര് സണ്ണി പരുത്തിയില്, വൈസ് ഡയറക്ടര് തങ്കച്ചന് പനയ്ക്കല്, സിസ്റ്റര് ജോമോള് ജോസഫ്, ഫാ. അലക്സ് കൊച്ചീക്കാരന്വീട്ടില്, ഫാ. അലക്സ് ജോസഫ് കൊല്ലാപറമ്പില്, അഡ്വ.എഡ്വേര്ഡ് തുറവൂര്,
ചീഫ് എക്സിക്യൂട്ടീവ് റോബര്ട്ട് കണ്ണന്ചിറ, ജനറല് സെക്രട്ടറി റ്റി.എക്സ്. പീറ്റര്, എച്ച്ആര് മാനേജര് ജോസഫ് അരൂര്, അലോഷ്യസ് തൈക്കല്, സി.ജെ. ആന്റണി, ജോസി കണ്ടക്കടവ്, മനോജ് കുരിശിങ്കല് എന്നിവരടങ്ങുന്ന 1001 അംഗ പ്രവര്ത്തകരാണ് റാലിക്ക് നേതൃത്വം നല്കുന്നത്.