ചെങ്ങ​ന്നൂ​ർ: ചെ​ങ്ങ​ന്നൂ​ർ വ​ണ്ടി​മ​ല ദേ​വ​സ്ഥാ​നം ക്ഷേ​ത്ര​ത്തി​നു സ​മീ​പ​മു​ള്ള നാ​ഗ​വി​ഗ്ര​ഹ ക​ൽ​വി​ള​ക്ക് ത​ക​ർ​ത്ത് മാ​ലി​ന്യ​ക്കു​ള​ത്തി​ൽ എ​റി​ഞ്ഞ സം​ഭ​വ​ത്തി​ൽ ചെ​ങ്ങ​ന്നൂ​ർ ന​ഗ​ര​സ​ഭ യു​ഡി​എ​ഫ് കൗ​ൺ​സി​ല​റെ​യും സ​ഹാ​യി​ക​ളെ​യും റി​മാ​ൻ​ഡ് ചെ​യ്തു.

ന​ഗ​ര​സ​ഭ കൗ​ൺ​സി​ല​റും കേ​ര​ള കോ​ൺ​ഗ്ര​സ് ജോ​സ​ഫ് വി​ഭാ​ഗം സം​സ്ഥാ​ന ജ​ന​റ​ൽ സെ​ക്ര​ട്ട​റി​യു​മാ​യ ചെ​ങ്ങ​ന്നൂ​ർ തി​ട്ട​മേ​ൽ ക​ണ്ണാ​ട്ട് തോ​മ​സ് വ​ർ​ഗീസ് (രാ​ജ​ൻ ക​ണ്ണാ​ട്ട് -64), തി​ട്ട​മേ​ൽ കൊ​ച്ചു കു​ന്നും​പു​റ​ത്ത് രാ​ജേ​ഷ് (ശെ​ൽ​വ​ൻ-53), പാ​ണ്ട​നാ​ട് കീ​ഴ്‌വ​ന്മ​ഴി ക​ള​ക്ക​ണ്ട​ത്തി​ൽ കു​ഞ്ഞു​മോ​ൻ (49) എ​ന്നി​വ​രെ​യാ​ണ് ചെ​ങ്ങ​ന്നൂ​ർ സി​ഐ എ.​സി. വി​പി​ന്‍റെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘം പി​ടി​കൂ​ടി​യ​ത്.

വെ​ള്ളി​യാ​ഴ്ച്ച വൈ​കി​ട്ട് അ​ഞ്ചു മ​ണി​യോ​ടെ​യാ​ണ് സം​ഭ​വം ന​ട​ന്ന​ത്. റെ​യി​ൽ​വേ സ്റ്റേ​ഷ​ൻ റോ​ഡി​ൽ വ​ണ്ടി​മ​ല ക്ഷേ​ത്ര​ത്തി​ന്‍റെ തെ​ക്കേ ക​വാ​ട​ത്തി​നു മു​ൻ​വ​ശ​ത്ത് സ്ഥാ​പി​ച്ചി​ട്ടു​ള്ള നാ​ഗ​വി​ഗ്ര​ഹ ക​ൽ​വി​ള​ക്ക് രാ​ജ​ൻ ക​ണ്ണാ​ട്ടിന്‍റെ നി​ർ​ദേശ​പ്ര​കാ​രം ശെ​ൽ​വ​ൻ ഇ​ള​ക്കി മാ​റ്റു​ക​യാ​യി​രു​ന്നു.

തു​ട​ർ​ന്ന് പെ​ട്ടി ഓ​ട്ടോ​യി​ൽ ക​യ​റ്റി ഒ​രു കി​ലോ​മീ​റ്റ​ർ അ​ക​ലെ​യു​ള്ള പെ​രു​ങ്കു​ളം പാ​ട​ത്തെ മാ​ലി​ന്യ​ക്കു​ഴി​യി​ൽ ഉ​പേ​ക്ഷി​ച്ചു. ക​ൽ​വി​ള​ക്ക് ന​ഷ്ട​പ്പെ​ട്ട​ത് ശ്ര​ദ്ധ​യി​ൽ​പ്പെ​ട്ട ക്ഷേ​ത്ര ഭാ​ര​വാ​ഹി​ക​ളാ​ണ് ചെ​ങ്ങ​ന്നൂ​ർ പോ​ലീ​സി​ൽ പ​രാ​തി ന​ൽ​കി​യ​ത്. തു​ട​ർ​ന്ന് ന​ട​ത്തി​യ അ​ന്വേ​ഷ​ണ​ത്തി​ൽ ശെ​ൽ​വ​നെ പി​ടി​കൂ​ടി.

പോ​ലീ​സി​ന്‍റെയും ക്ഷേ​ത്ര ഭാ​ര​വാ​ഹി​ക​ളു​ടെ​യും നേ​തൃ​ത്വ​ത്തി​ൽ ജെ​സി​ബി ഉ​ൾ​പ്പെ​ടെ ഉ​പ​യോ​ഗി​ച്ച് ന​ട​ത്തി​യ തി​ര​ച്ചി​ലി​ൽ വി​ള​ക്ക് രാ​ത്രി ഒ​രു മ​ണി​യോ​ടെ ക​ണ്ടെ​ത്തു​ക​യാ​യി​രു​ന്നു. തു​ട​ർ​ന്ന് ക​ൽ​വി​ള​ക്ക് വൃ​ത്തി​യാ​ക്കി പ​ഴ​യ സ്ഥാ​ന​ത്ത് സ്ഥാ​പി​ച്ചു.

ശെ​ൽ​വ​ൻ ന​ൽ​കി​യ മൊ​ഴി​യു​ടെ അ​ടി​സ്ഥാ​ന​ത്തി​ലാ​ണ് രാ​ജ​ൻ ക​ണ്ണാ​ട​നെ​യും കു​ഞ്ഞു​മോ​നെ​യും അ​റ​സ്റ്റ് ചെ​യ്ത​ത്. ​ക​ൽ​വി​ള​ക്ക് സ്ഥി​തി ചെ​യ്യു​ന്ന സ്ഥ​ല​ത്തി​ന്‍റെ തൊ​ട്ടു​പു​റ​കി​ലു​ള്ള വ​സ്തു​വി​ന്‍റെ വി​ൽ​പ്പ​ന​യു​മാ​യി ബ​ന്ധ​പ്പെ​ട്ട വി​ഷ​യ​ത്തി​ലാ​ണ് വി​ള​ക്കു ത​ക​ർ​ത്ത​തെന്നു പോ​ലീ​സ് പ​റ​ഞ്ഞു.