അ​മ്പ​ല​പ്പു​ഴ: ക​ള​ഞ്ഞു​കി​ട്ടി​യ പ​ഴ്സും പ​ണ​വും ഉ​ട​മ​യ്ക്കു തി​രി​കെ ന​ൽ​കി പാ​ലി​യേ​റ്റീ​വ് പ്ര​വ​ർ​ത്ത​ക​ർ. വ​ണ്ടാ​നം മെ​ഡി​ക്ക​ൽ കോ​ള​ജ് ആ​ശു​പ​ത്രി​ക്കു സ​മീ​പം പ്ര​വ​ർ​ത്തി​ക്കു​ന്ന ചേ​ത​ന പെ​യ്ൻ ആ​ൻഡ് പാ​ലി​യേ​റ്റീ​വ് കെ​യ​ർ സൊ​സൈ​റ്റി കോ-ഓ​ർ​ഡി​നേ​റ്റ​ർ വി. ​രാ​ജ​ൻ, നഴ്സ് പ്രീ​തിമോ​ൾ എ​ന്നി​വ​രാ​ണ് പ​ഴ്സും പ​ണ​വും ഉ​ട​മ​യ്ക്കു ന​ൽ​കി മാ​തൃ​ക​യാ​യ​ത്.

ദേ​ശീ​യ​പാ​ത​യോ​ര​ത്ത് ക​ള​ർ​കോ​ട് ചി​ന്മ​യ സ്കൂ​ളി​നു സ​മീ​പ​ത്ത് രോ​ഗീ​സ​ന്ദ​ർ​ശ​നം ക​ഴി​ഞ്ഞു മ​ട​ങ്ങുന്ന​തി​നി​ടെ തി​ങ്ക​ൾ രാ​വി​ലെ 9നാ​ണ് ഇ​രു​വ​ർ​ക്കും പഴ്സ് കി​ട്ടി​യ​ത്. 5000 രൂ​പ, ആ​ധാ​ർ കാ​ർ​ഡ്, പാ​ൻ കാ​ർ​ഡ് മാ​റ്റ് വി​ല​പ്പെ​ട്ട രേ​ഖ​ക​ൾ ഉ​ൾ​പ്പെടെ പ​ഴ്സി​ലു​ണ്ടാ​യി​രു​ന്നു. സ​മീ​പ​ത്ത് ഉ​ട​മ​യെ അ​ന്വേ​ഷി​ച്ചെ​ങ്കി​ലും ക​ണ്ടെ​ത്താ​നാ​യി​ല്ല. തു​ട​ർ​ന്ന് ഇ​ത് പു​ന്ന​പ്ര സ്റ്റേ​ഷ​നി​ൽ ഹാ​ജ​രാ​ക്കി.

പഴ്സി​ൽനി​ന്നു ല​ഭി​ച്ച ആ​ധാ​ർ കാ​ർ​ഡി​ലെ മേ​ൽ​വി​ലാ​സ​ത്തി​ൽ അ​ന്വേ​ഷ​ണം ന​ട​ത്തി​യ പോ​ലീ​സ്, തി​രു​വ​മ്പാ​ടി കു​തി​ര​പ്പ​ന്തി കോ​നാ​ട്ട് വീ​ട്ടി​ൽ ജി. ​ഷൈ​ജു​വി​ന്‍റേ​താ​ണ് പ​ഴ്സ് എ​ന്ന് ക​ണ്ടെ​ത്തി. ത​ടിക്കച്ച​വ​ട​ക്കാ​ര​നാ​യ ഷൈ​ജു ക​ച്ച​വ​ട​ത്തി​നാ​യി ക​രു​തി​യ പ​ണ​മാ​യി​രു​ന്നു. പി​ന്നീ​ട് ഷൈ​ജു സ്റ്റേ​ഷ​നി​ലെ​ത്തി രാ​ജ​നി​ൽ നി​ന്ന് പ​ഴ്സ് ഏ​റ്റു​വാ​ങ്ങു​ക​യാ​യി​രു​ന്നു.