അ​മ്പ​ല​പ്പു​ഴ: ചെ​മ്മീ​നി​ലൂ​ടെ ക​റു​ത്ത​മ്മ​യു​ടെ​യും പാ​രി​ക്കു​ട്ടി​യു​ടെ​യും അ​ന​ശ്വ​ര പ്ര​ണ​യം ലോ​ക​ത്തി​ന്‍റെ നെ​റു​കയി​ലെ​ത്തി​ച്ച കു​ട്ട​നാ​ടി​ന്‍റെ ക​ഥാ​കാ​ര​ൻ ത​ക​ഴി ശി​വ​ശ​ങ്ക​ര​പി​ള്ള വി​ടപ​റ​ഞ്ഞി​ട്ട് കാ​ൽ​നൂ​റ്റാ​ണ്ട്. പു​റ​ക്കാ​ടും പു​ന്ന​പ്ര​യി​ലെ​യു​മൊ​ക്കെ ക​ട​ലോ​ര​ത്തെ നി​ഷ്ക​ള​ങ്ക​രാ​യ മ​ത്സ്യത്തൊഴി​ലാ​ളി​ക​ളു​ടെ ജീ​വി​തം പ​ക​ർ​ത്തി​യ ചെ​മ്മീ​ൻ എ​ന്ന നോ​വ​ലാ​ണ് ത​ക​ഴി​യി​ലെ ക​ഥാ​കാ​ര​ന് ലോ​ക പ്ര​ശ​സ്തി നേ​ടി കൊ​ടു​ത്ത​ത്. 1965 ൽ ​രാ​മു കാ​ര്യാ​ട്ട് ഈ ​നോ​വ​ൽ സി​നി​മ​യാ​ക്കി. ഇ​ന്നും ഇ​തി​ലെ ക​ഥാ​പാ​ത്ര​ങ്ങ​ളും ഗാ​ന​ങ്ങ​ളും മ​ല​യാ​ളി​ക​ളു​ടെ​യും സം​ഗീ​ത പ്രേ​മി​ക​ളു​ടെ​യും മ​ന​സിൽ ജീ​വി​ക്കു​ന്നു.

കൂ​ടാ​തെ തോ​ട്ടി​യു​ടെ മ​ക​ൻ, ര​ണ്ടി​ട​ങ്ങ​ഴി, ഏ​ണി​പ്പ​ടി​ക​ൾ, ക​യ​ർ, അ​നു​ഭ​വ​ങ്ങ​ൾ പാ​ളി​ച്ച​ക​ൾ തു​ട​ങ്ങി 39 നോ​വ​ലു​ക​ളും 600ൽപ​രം ചെ​റു​ക​ഥ​ക​ളും ര​ചി​ച്ചി​ട്ടു​ണ്ട്. 1980ൽ ​പ​ത്മ​ഭൂ​ഷ​ൻ ബ​ഹു​മ​തി​യും 1984ൽ ​ജ്ഞാ​ന​പീ​ഠം പു​ര​സ്കാര​വും ന​ൽ​കി രാ​ജ്യം അ​ദ്ദേ​ഹ​ത്തെ ആ​ദ​രി​ച്ചു. ത​ക​ഴി​യി​ലെ ശ​ങ്ക​ര​മം​ഗ​ലം ത​റ​വാ​ട്ട് വീ​ട്ടി​ൽ എ​ഴു​ത്തു​കാ​ര​ന് എ​ന്നും കൂ​ട്ടാ​യി ഉ​ണ്ടാ​യി​രു​ന്ന​ത് പ​ത്നി കാ​ത്ത​യാ​യി​രു​ന്നു. അ​വ​ർ 2011 ജൂ​ൺ ഒ​ന്നി​ന് മ​രി​ച്ചു. 1999 ഏ​പ്രി​ൽ 10നാ​ണ് മ​ണ്ണി​ന്‍റെയും മ​നു​ഷ്യ​ന്‍റെയും ക​ഥ പ​റ​ഞ്ഞ സാ​ഹി​ത്യ​കാ​ര​ൻ വി​ടപ​റ​ഞ്ഞ​ത്. ഇ​തി​നുശേ​ഷം വീ​ടും സ്ഥ​ല​വും സാം​സ്കാ​രി​ക വ​കു​പ്പ് ഏ​റ്റെ​ടു​ത്തു ത​ക​ഴി സ്മ്യ​തി മ​ണ്ഡ​പ​വും മ്യൂ​സി​യ​വു​മാ​ക്കി.