ഓപ്പണ്‍ പ്രിസിഷന്‍ ഫാമിംഗ് തുടങ്ങി
1494037
Friday, January 10, 2025 4:01 AM IST
വള്ളിക്കോട്: കൃഷിസമൃദ്ധി പദ്ധതിയുടെ ഭാഗമായി ഓപ്പണ്‍ പ്രിസിഷന്‍ ഫാമിംഗിന്‍റെ ഉദ്ഘാടനം വള്ളിക്കോട് ഗ്രാമപഞ്ചായത്ത് പ്രസിഡന്‍റ് ആര്‍.മോഹനന്‍ നായര്‍ നിര്‍വഹിച്ചു. വള്ളിക്കോട് കൃഷ്ണകൃപയില്‍ ബിജുവിന്‍റെ 50 സെന്‍റ് സ്ഥലത്താണ് പ്രിസിഷന്‍ ഫാമിംഗ് രീതിയില്‍ പച്ചക്കറി കൃഷി നടത്തുന്നത്.
വള്ളിക്കോട് പഞ്ചായത്തിന്‍റെയും കൃഷി ഭവന്‍റെയും ആഭിമുഖ്യത്തിലാണ് പദ്ധതി. വികസന സ്റ്റാന്‍ഡിംഗ് കമ്മിറ്റി ചെയര്‍മാന്‍ എം.പി. ജോസ്, ആരോഗ്യ വിദ്യാഭ്യാസ സ്റ്റാന്‍ഡിംഗ് കമ്മിറ്റി ചെയര്‍മാന്‍ ജി. സുഭാഷ്, പഞ്ചായത്തംഗം തോമസ് ജോസ് അയ്യനേത്ത്,
കൃഷി ഓഫീസര്‍ അനില ടി. ശശി, അസിസ്റ്റന്‍റ് കൃഷി ഓഫീസര്‍ എസ്. ബിജു, കൃഷി അസിസ്റ്റന്‍റുമാരായ കെ.കെ. ഷിബു, ജെറിന്‍ ടി. ജോര്‍ജ് തുടങ്ങിയവർ പ്രസംഗിച്ചു.