പ​ത്ത​നം​തി​ട്ട: ക​ക്കൂ​സ് കു​ഴി​യി​ല്‍ വീ​ണ പ​ശു​വി​നെ അ​ഗ്‌​നി​ര​ക്ഷാസേ​ന ര​ക്ഷ​പ്പെ​ടു​ത്തി. ചെ​ന്നീ​ര്‍​ക്ക​ര മു​റി​പ്പാ​റ തോ​മ്പി​ക്ക​ട​വ് ഭാ​ഗ​ത്ത് വ​ർഷങ്ങ​ളാ​യി ഉ​പ​യോ​ഗി​ക്കാ​തി​രു​ന്ന 30 അ​ടി​യോ​ളം താ​ഴ്ച​യു​ള്ള ക​ക്കൂ​സ് കു​ഴി​യി​ല്‍ വീ​ണ ഗ​ര്‍​ഭി​ണി​യാ​യ പ​ശു​വി​നെ​യാ​ണ് ര​ക്ഷ​പ്പെ​ടു​ത്തി​യ​ത്. സ്ലാ​ബ് ത​ക​ര്‍​ന്ന് പ​ശു വീ​ഴു​ക​യാ​യി​രു​ന്നു. ചെ​ന്നീ​ര്‍​ക്ക​ര തോ​മ്പി​ല്‍​പ​ടി​ഞ്ഞാ​റ്റി​ല്‍ ഗോ​പി​യു​ടെ എ​ട്ടു​മാ​സം ഗ​ര്‍​ഭി​ണി​യാ​യ പ​ശു​വാ​ണ് കു​ഴി​യി​ല്‍ അ​ക​പ്പെ​ട്ട​ത്.

വാ​യു​സ​ഞ്ചാ​രം കു​റ​വാ​യി​രു​ന്ന​തും മ​ണ്ണ് ഇ​ടി​ഞ്ഞു വീ​ഴാ​ന്‍ സാ​ധ്യ​ത ഉ​ണ്ടാ​യി​രു​ന്ന​തു​മാ​യ കു​ഴി​യി​ല്‍ എ​യ​ര്‍ സി​ലി​ണ്ട​ര്‍ തു​റ​ന്നു​വി​ട്ട് അ​ഗ്‌​നി​ര​ക്ഷാസേ​നാം​ഗ​ങ്ങ​ള്‍ ഇ​റ​ങ്ങി ഹോ​സും റോ​പ്പും ഉ​പ​യോ​ഗി​ച്ച് കെ​ട്ടി മു​ക​ളി​ലേ​ക്ക് ക​യ​റ്റാ​ന്‍ ശ്ര​മി​ക്ക​വേ പ​ശു​വി​ന് അ​ന​ങ്ങാ​ന്‍ പ​റ്റാ​തെയായി. ഉ​ട​ന്‍ ത​ന്നെ സ​മീ​പ​ത്തെ അ​ച്ച​ന്‍​കോ​വി​ലാ​റ്റി​ല്‍നി​ന്ന് വെ​ള്ളം പ​മ്പ് ചെ​യ്ത് കു​ഴി നി​റ​യ്ക്കു​ക​യും കെ​ട്ടി​യി​രു​ന്ന ഹോ​സി​ല്‍ പി​ടി​ച്ച് ഉ​യ​ര്‍​ത്തി പ​ശു​വി​നെ ക​ര​യി​ല്‍ എ​ത്തി​ച്ചു.

ഉ​ച്ച​ക്ക് 1.30 ഓ​ടെ ആ​രം​ഭി​ച്ച ര​ക്ഷ​പ്ര​വ​ര്‍​ത്ത​നം വൈ​കു​ന്നേ​രം 4.15 വ​രെ തു​ട​ര്‍​ന്നു.പ​ത്ത​നം​തി​ട്ട അ​ഗ്‌​നിര​ക്ഷാ നി​ല​യ​ത്തി​ല്‍നി​ന്ന് അ​സി​സ്റ്റന്‍റ് സ്റ്റേ​ഷ​ന്‍ ഓ​ഫീ​സ​ര്‍ എ. ​സാ​ബു​വി​ന്‍റെ നേ​തൃ​ത്വ​ത്തി​ലാ​ണ് ര​ക്ഷാ​പ്ര​വ​ര്‍​ത്ത​നം ന​ട​ന്ന​ത്.