റാ​ന്നി: വ​നം നി​യ​മ ഭേ​ദ​ഗ​തി ക​ര​ട് വി​ജ്ഞാ​പ​ന​വു​മാ​യി ബ​ന്ധ​പ്പെ​ട്ട് ജ​ന​ങ്ങ​ൾ​ക്കു​ണ്ടാ​യി​ട്ടു​ള്ള ആ​ശ​ങ്ക​ക​ൾ പ​രി​ഹ​രി​ക്കു​ന്ന​തി​ന് മു​ഖ്യ​മ​ന്ത്രി ഇ​ട​പെ​ട​ണ​മെ​ന്ന് പ്ര​മോ​ദ് നാ​രാ​യ​ൺ എം​എ​ൽ​എ.
ഇ​ക്കാ​ര്യം ആ​വ​ശ്യ​പ്പെ​ട്ട് മു​ഖ്യ​മ​ന്ത്രി​യെ നേ​രി​ൽ ക​ണ്ട് നി​വേ​ദ​നം ന​ൽ​കു​മെ​ന്നും എം​എ​ൽ​എ അ​റി​യി​ച്ചു.

വ​നാ​തി​ർ​ത്തി​യി​ൽ മാ​ത്ര​മ​ല്ല, കേ​ര​ള​ത്തി​ൽ എ​വി​ടെ​യും താ​മ​സി​ക്കു​ന്ന​വ​രെ വാ​റ​ന്‍റി​ല്ലാ​തെ അ​റ​സ്റ്റ് ചെ​യ്യാ​നും ക​സ്റ്റ​ഡി​യി​ലെ​ടു​ക്കാ​നും വ​നം​വ​കു​പ്പി​ന് അ​ധി​കാ​രം ന​ൽ​കു​ന്ന​താ​ണ് പു​തി​യ നി​യ​മ ഭേ​ദ​ഗ​തി. ഇ​തം​ഗീ​ക​രി​ക്കാ​നാ​കി​ല്ലെ​ന്നും നി​ല​വി​ൽ കാ​ട്ടു മൃ​ഗ​ങ്ങ​ളു​ടെ ആ​ക്ര​മ​ണം ജ​ന​ജീ​വി​ത​ത്തെ​യാ​കെ ദുഃ​സ​ഹ​മാ​ക്കി​യി​രി​ക്കു​ക​യാ​ണെ​ന്നും എം​എ​ൽ​എ പ​റ​ഞ്ഞു. കാ​ട്ടു​മൃ​ഗ​ങ്ങ​ൾ മ​നു​ഷ്യ​ജീ​വ​നു ഭീ​ഷ​ണി​യാ​ണെ​ന്ന​തു മാ​ത്ര​മ​ല്ല ഒ​രു തു​ണ്ട് ഭൂ​മി​യി​ൽ​പോ​ലും കൃ​ഷി ചെ​യ്യാ​ൻ പ​റ്റാ​ത്ത അ​വ​സ്ഥ​യാ​ണ്. കാ​ർ​ഷി​ക​വൃ​ത്തി​യെ ആ​ശ്ര​യി​ച്ചു ക​ഴി​ഞ്ഞി​രു​ന്ന മ​ല​യോ​ര മേ​ഖ​ല​യി​ലെ ജ​ന​ങ്ങ​ൾ കാ​ട്ടു​മൃ​ഗ​ങ്ങ​ളു​ടെ ആ​ക്ര​മ​ണം കാ​ര​ണം കൃ​ഷി ഉ​പേ​ക്ഷി​ച്ച മ​ട്ടാ​ണ്.

നി​യ​മ​ങ്ങ​ളി​ലെ ക​ടു​ത്ത ന​ട​പ​ടി​ക​ൾ ജ​ന​ങ്ങ​ളെ ഇ​പ്പോ​ൾ​ത്ത​ന്നെ ദു​രി​ത​ത്തി​ലാ​ക്കി​യി​രി​ക്കു​ക​യാ​ണ്. വ​ന്യ​ജീ​വി ആ​ക്ര​മ​ണ​ങ്ങ​ൾ വ​ർ​ധി​ച്ചി​രി​ക്കു​ന്ന സാ​ഹ​ച​ര്യ​ത്തി​ൽ നി​ല​വി​ലെ വ​നം വ​ന്യ​ജീ​വി നി​യ​മ​ങ്ങ​ൾ ജ​ന​ങ്ങ​ൾ​ക്ക് കൂ​ടു​ത​ൽ ബു​ദ്ധി​മു​ട്ട് ഉ​ണ്ടാ​ക്കി​യി​രി​ക്കു​ക​യാ​ണ്. പു​തി​യ ഭേ​ദ​ഗ​തി​കൂ​ടി വ​ന്നാ​ൽ ജ​ന​ജീ​വി​തം കൂ​ടു​ത​ൽ ദു​രി​ത​ത്തി​ലാ​കു​മെ​ന്നും ക​ര​ടു വി​ജ്ഞാ​പ​നം പി​ൻ​വ​ലി​ക്കു​ക​ത​ന്നെ വേ​ണ​മെ​ന്നും പ്ര​മോ​ദ് നാ​രാ​യ​ൺ അ​ഭി​പ്രാ​യ​പ്പെ​ട്ടു.