പ​ത്ത​നം​തി​ട്ട: കു​റ്റ​വാ​ളി​ക​ൾ​ക്കും സാമൂ​ഹി​ക വി​രു​ദ്ധ​ർ​ക്കും ഗു​ണ്ടാ​പ്ര​വ​ർ​ത്ത​ന​ങ്ങ​ളി​ൽ ഏ​ർ​പ്പെ​ടു​ന്ന​വ​ർ​ക്കു​മെ​തി​രാ​യ നി​യ​മ​ന​ട​പ​ടി​ക​ൾ ക​ർ​ശ​ന​മാ​ക്കി പോ​ലീ​സ്. പ​ത്തു ദി​വ​സ​ങ്ങ​ൾ​ക്കു​ള്ളി​ൽ നാ​ലു​പേ​രെ കാ​പ്പ ചു​മ​ത്തി ജ​യി​ലി​ൽ അ​ട​ച്ച​താ​യി ജി​ല്ലാ പോ​ലീ​സ് മേ​ധാ​വി വി.​ജി. വി​നോ​ദ് കു​മാ​ർ അ​റി​യി​ച്ചു.

തി​രു​വ​ല്ല പോ​ലീ​സ് സ്റ്റേ​ഷ​നി​ലെ ര​ണ്ടു​പേ​രെ​യും കൊ​ടു​മ​ൺ അ​ടൂ​ർ പോ​ലീ​സ് സ്റ്റേ​ഷ​നു​ക​ളി​ലെ ഓ​രോ​രു​ത്ത​രെ വീ​ത​വു​മാ​ണ് കാ​പ്പ പ്ര​കാ​രം ന​ട​പ​ടി​ക​ൾ​ക്ക് വി​ധേ​യ​രാ​ക്കി​യ​ത്. തി​രു​വ​ല്ല തു​ക​ല​ശേ​രി അ​ഞ്ജ​ലി റോ​ഡി​ൽ ചി​റ​പ്പാ​ട്ട് വീ​ട്ടി​ൽ റോ​ഷ​ൻ വ​ർ​ഗീ​സ്(29), കു​റ്റ​പ്പു​ഴ കി​ഴ​ക്ക​ൻ മു​ത്തൂ​ർ പ്ലാ​പ്പ​റ​മ്പി​ൽ ക​രു​ണാ​ല​യം ദീ​പു മോ​ൻ (28), കൊ​ടു​മ​ൺ ഇ​ട​ത്തി​ട്ട ഐ​ക്ക​രേ​ത്ത് കി​ഴ​ക്കേ​ചെ​രു​വ് വി​ഷ്ണു ഭ​വ​നം വി​ഷ്ണു​ത​മ്പി (28), അ​ടൂ​ർ പ​ള്ളി​ക്ക​ൽ പ​ഴ​കു​ളം മേ​ട്ടു​പ്പു​റം പൊ​ന്മാ​ത കി​ഴ​ക്കേ​തി​ൽ വീ​ട്ടി​ൽ ലൈ​ജു(28) എ​ന്നി​വ​രെ​യാ​ണ് ജ​യി​ലി​ൽ അ​ട​ച്ച​ത്.

സം​സ്ഥാ​ന​ത്തെ വി​വി​ധ പോ​ലീ​സ് സ്റ്റേ​ഷ​നു​ക​ളി​ൽ ചാ​ർ​ജ് ചെ​യ്ത കേ​സു​ക​ളി​ൽ പ്ര​തി ചേ​ർ​ക്ക​പ്പെ​ട്ട​വ​രാ​ണി​വ​ർ. തു​ട​ർ​ച്ച​യാ​യ കു​റ്റ​കൃ​ത്യ​ങ്ങ​ളെത്തു​ട​ർ​ന്ന് പോ​ലീ​സ് ന​ട​പ​ടി​ക​ളു​ണ്ടാ​കു​ക​യും നാ​ടു ക​ട​ത്തു​ക​യും ചെ​യ്തി​രു​ന്നു. പി​ന്നീ​ട് വീ​ണ്ടു​മെ​ത്തി ക്രി​മി​ന​ൽ കേ​സു​ക​ളി​ൽ പെ​ട്ട​തോ​ടെ​യാ​ണ് കാ​പ്പ ചു​മ​ത്തി അ​റ​സ്റ്റ് ചെ​യ്ത​ത്.

ജ​ന​ങ്ങ​ളു​ടെ സ്വൈ​ര്യജീ​വി​ത​ത്തി​ന് ത​ട​സം സൃ​ഷ്‌​ടി​ച്ചു​വ​ന്ന​വ​രെ കാ​പ്പ നി​യ​മ​പ്ര​കാ​ര ക​രു​ത​ൽ ത​ട​ങ്ക​ലി​ൽ പാ​ർ​പ്പി​ക്കു​ന്ന​തി​ന് ഉ​ത്ത​ര​വി​നാ​യി റി​പ്പോ​ർ​ട്ട്‌ ത​യാ​റാ​ക്കി ജി​ല്ലാ ക​ള​ക്ട​ർ​ക്ക് സ​മ​ർ​പ്പി​ച്ച​തി​ന്‍റെ അ​ടി​സ്ഥാ​ന​ത്തി​ലാ​ണ് ന​ട​പ​ടി. ഈ​വ​ർ​ഷം ഇ​തേ​വ​രെ കാ​പ്പ നി​യ​മ​മ​നു​സ​രി​ച്ച് 13 കൊ​ടും കു​റ്റ​വാ​ളി​ക​ളെ ക​രു​ത​ൽ ത​ട​ങ്ക​ൽ ഉ​ത്ത​ര​വാ​യി​ട്ടു​ണ്ട്. 16 പേ​ർ​ക്കെ​തി​രേ സ​ഞ്ചാ​ര​നി​യ​ന്ത്ര​ണ​ഉ​ത്ത​ര​വ് ന​ട​പ്പാ​ക്കി​യി​രു​ന്നു.