പ​ത്ത​നം​തി​ട്ട: പ​ത്ത​നം​തി​ട്ട സെ​ന്‍റ് പീ​റ്റേ​ഴ്‌​സ് ജം​ഗ്ഷ​നി​ല്‍ ഗ​താ​ഗ​തം ത​ട​സ​പ്പെ​ടു​ത്തി ന​ടു​റോ​ഡി​ല്‍ കേ​ക്ക് മു​റി​ച്ച് പി​റ​ന്നാ​ള്‍ ആ​ഘോ​ഷി​ച്ച സം​ഘ​ത്തെ ത​ള്ളി സി​പി​എം. ശ​നി​യാ​ഴ്ച രാ​ത്രി ന​ട​ന്ന പി​റ​ന്നാ​ള്‍ ആ​ഘോ​ഷ​ത്തി​ല്‍ ഞാ​യ​റാ​ഴ്ച​യാ​ണ് പോ​ലീ​സ് കേ​സെ​ടു​ത്ത് അ​ന്വേ​ഷ​ണം തു​ട​ങ്ങി​യ​ത്. രാ​ത്രി​യോ​ടെ ഒ​രാ​ളെ അ​റ​സ്റ്റ് ചെ​യ്തു. ക​ണ്ടാ​ല​റി​യാ​വു​ന്ന 20 പേ​ർ​ക്കെ​തി​രേ കേ​സെ​ടു​ത്തി​ട്ടു​ണ്ട്.

പ​ത്ത​നം​തി​ട്ട വെ​ട്ടി​പ്പു​റം പു​വ​ന്‍​പാ​റ ഓ​ലി​ക്ക​ല്‍ ഷി​യാ​സാ​ണ് അ​റ​സ്റ്റി​ലാ​യ​ത്. ഇ​യാ​ളു​ടെ ജ​ന്മ​ദി​നാ​ഘോ​ഷ​മാ​ണ് സു​ഹൃ​ത്തു​ക്ക​ളു​ടെ സം​ഘം പൊ​തു​വ​ഴി ത​ട​ഞ്ഞു​കൊ​ണ്ട് ന​ട​ത്തി​യ​ത്. എ​സ്ഐ ജി​നു​വി​ന്‍റെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘ​മാ​ണ് ഇ​യാ​ളെ പി​ടി​കൂ​ടി​യ​ത്. അ​ജി​ന്‍, ശ്യാം ​തു​ട​ങ്ങി​വ​രാ​ണ് കേ​സി​ലെ മ​റ്റു പ്ര​ധാ​ന പ്ര​തി​ക​ളെ​ന്നു പോ​ലീ​സ് പ​റ​യു​ന്നു.

ശ​നി​യാ​ഴ്ച രാ​ത്രി ഒ​മ്പ​തു മു​ത​ല്‍ ഒ​രു മ​ണി​ക്കൂ​ര്‍ നീ​ണ്ട പ​രി​പാ​ടി ന​ഗ​ര​ത്തി​ല്‍ ഗ​താ​ഗ​തം ത​ട​സ​പ്പെ​ടു​ത്തി. ഇ​രു​പ​തോ​ളം കാ​റു​ക​ളു​മാ​യി അ​മ്പ​തി​ല​ധി​കം യു​വാ​ക്ക​ള്‍ ആ​ഘോ​ഷ​ത്തി​ല്‍ പ​ങ്കെ​ടു​ത്തു. ക​മ്മ​ട്ടി​പ്പാ​ടം എ​ന്ന ക്ല​ബ്ബിന്‍റെ പേ​രി​ലാ​ണ് ഷി​യാ​സി​ന്‍റെ ജ​ന്മ​ദി​നാ​ഘോ​ഷം ടൗ​ണ്‍ റോ​ഡി​ല്‍ ന​ട​ത്തി​യ​ത്. ഡി​വൈ​എ​ഫ്‌​ഐ പ്ര​വ​ര്‍​ത്ത​ക​രു​ടെ ക്ല​ബ്ബാ​ണ് ഇ​തെ​ന്നു പ​റ​യു​ന്നു. എ​ന്നാ​ല്‍ സം​ഭ​വ​ത്തെ​ക്കു​റി​ച്ച് അ​റി​യി​ല്ലെ​ന്ന് ഡി​വൈ​എ​ഫ്‌​ഐ ജി​ല്ലാ നേ​തൃ​ത്വ​വും സി​പി​എം നേ​താ​ക്ക​ളും വി​ശ​ദീ​ക​രി​ച്ചു. അ​റ​സ്റ്റി​ലാ​യ ഷി​യാ​സി​ന് പാ​ർ​ട്ടി​യു​മാ​യി ബ​ന്ധ​മി​ല്ലെ​ന്നും ഇ​യാ​ൾ​ക്കെ​തി​രേ നേ​ര​ത്തേയും കേ​സു​ക​ളു​ള്ള​യാ​ളാ​ണെ​ന്നു​മാ​ണ് വി​ശ​ദീ​ക​ര​ണം.

ജ​ന​റ​ല്‍ ആ​ശു​പ​ത്രി, പ​ത്ത​നം​തി​ട്ട ന​ഗ​രം, തി​രു​വ​ല്ല, സ്റ്റേ​ഡി​യം റോ​ഡ്, വെ​ട്ടി​പ്രം എ​ന്നി​വി​ട​ങ്ങ​ളി​ലേ​ക്കു​ള്ള പോ​കു​ന്ന ന​ഗ​ര​ത്തി​ലെ പ്ര​ധാ​ന ജം​ഗ്ഷ​നി​ലാ​ണ് വ​ഴി ത​ട​ഞ്ഞ് ആ​ഘോ​ഷം അ​ര​ങ്ങേ​റി​യ​ത്. പി​റ​ന്നാ​ള്‍ ആ​ഘോ​ഷ​ത്തി​ന്‍റെ വീ​ഡി​യോ സ​മൂ​ഹ മാ​ധ്യ​മ​ങ്ങ​ളി​ല്‍ പ​ങ്കു​വ​ച്ച​തോ​ടെ​യാ​ണ് പോ​ലീ​സും അ​ന്വേ​ഷ​ണം തു​ട​ങ്ങി​യ​തെ​ന്നു പ​റ​യു​ന്നു. ഒ​രു​മ​ണി​ക്കൂ​റോ​ളം സം​ഘം റോ​ഡി​ല്‍ ഉ​ണ്ടാ​യി​ട്ടും ടൗ​ണി​ലെ പ​ട്രോ​ളിം​ഗ് സം​ഘം ഇ​തു ക​ണ്ടി​ല്ലെ​ന്നു ന​ടി​ക്കു​ക​യാ​യി​രു​ന്നു​വെ​ന്നും ആ​ക്ഷേ​പ​മു​ണ്ട്. ഒ​രു മ​ണി​ക്കൂ​ര്‍ ആ​ഘോ​ഷ​മെ​ന്ന​തു പോ​ലീ​സ് ത​ന്നെ തി​രു​ത്തി​യി​ട്ടു​ണ്ട്.

ജി​ല്ല​യി​ല്‍ മൂ​ന്നാം ത​വ​ണ​യാ​ണ് പൊ​തു​നി​ര​ത്തി​ല്‍ പി​റ​ന്നാ​ള്‍ ആ​ഘോ​ഷം ന​ട​ക്കു​ന്ന​ത്. കാ​പ്പാ കേ​സ് പ്ര​തി​യാ​യ ഡി​വൈ​എ​ഫ​ഐ നേ​താ​വ് മ​ല​യാ​ല​പ്പു​ഴ​യി​ല്‍ ന​ടു​റോ​ഡി​ല്‍ പി​റ​ന്നാ​ള്‍ ആ​ഘോ​ഷി​ച്ച​ത് വി​വാ​ദ​മാ​യി​രു​ന്നു. കാ​പ്പ എ​ന്നെ​ഴു​തി​യ കേ​ക്കാ​ണ് അ​ന്ന് മു​റി​ച്ച​ത്. ഇ​ല​വും​തി​ട്ട​യി​ല്‍ മ​ദ്യ​ല​ഹ​രി​യി​ലെ​ത്തി​യ സം​ഘ​വും പ​റ​ക്കോ​ട്ട് എ​ക്‌​സൈ​സ് ഓ​ഫീ​സി​ന് സ​മീ​പം ല​ഹ​രി മാ​ഫി സം​ഘ​വും ന​ടു​റോ​ഡി​ല്‍ പി​റ​ന്നാ​ള്‍ ആ​ഘോ​ഷി​ച്ചു വി​വാ​ദ​മാ​യി​രു​ന്നു. പ​ത്ത​നം​തി​ട്ട ന​ഗ​ര​ത്തി​ല്‍ വ​ഴി​ത​ട​ഞ്ഞു പി​റ​ന്നാ​ള്‍ ആ​ഘോ​ഷി​ച്ച​വ​ര്‍​ക്ക് സി​പി​എം, ഡി​വൈ​എ​ഫ​ഐ ബ​ന്ധ​മി​ല്ലെ​ന്ന് സി​പി​എം ഏ​രി​യാ സെ​ക്ര​ട്ട​റി എം.​വി. സ​ഞ്ജു പ​റ​ഞ്ഞു. സം​ഘ​ത്തി​ല്‍ സി​പി​എം, ഡി​വൈ​എ​ഫ്‌​ഐ പ്ര​വ​ര്‍​ത്ത​ക​ര്‍ പ​ങ്കെ​ടു​ത്തി​ട്ടു​ണ്ടെ​ങ്കി​ല്‍ ന​ട​പ​ടി​യു​ണ്ടാ​കും.