ഡോ. സിറിയക് പാപ്പച്ചന് യുവ ടാലന്‍റ് അവാര്‍ഡ്
1465339
Thursday, October 31, 2024 4:45 AM IST
അടൂര്‍: ലൈഫ് ലൈന്‍ ആശുപത്രി ഗൈനക് ലാപ്രോസ്‌കോപ്പി വിഭാഗം മേധാവി ഡോ. സിറിയക് പാപ്പച്ചന് എന്‍ഡോസ്‌കോപ്പി രംഗത്തെ സംഭാവനകള്‍ കണക്കിലെടുത്ത് ഇന്ത്യന്‍ അസോസിയേഷന്‍ ഓഫ് ഗൈനെക്കോളജിക്കല്‍ എന്‍ഡോസ്‌കോപ്പിസ്റ്റിന്‍റെ യംഗ് ടാലന്‍റ് അവാര്‍ഡിന് അര്‍ഹനായി.
ബംഗളൂരുവില്‍ നടന്ന അസോസിയേഷന്‍റെ ദേശീയ കോണ്‍ഫറന്‍സില്‍ ് അസോസിയേഷന്‍ സെക്രട്ടറി ഡോ വിദ്യാ ഭട്ട്, പദ്മശ്രീ ഡോ സി. എന്‍. മഞ്ജുനാഥ് എന്നിവര്‍ ചേര്‍ന്നു പുരസ്‌കാരം സമ്മാനിച്ചു.
താക്കോല്‍ദ്വാര ശസ്ത്രക്രിയയിലൂടെ ഏറ്റവും ഭാരം കൂടിയ ഗര്‍ഭാശയം നീക്കം ചെയ്ത് ലോക റെക്കോര്‍ഡ് നേടിയിട്ടുള്ള ഡോ സിറിയക് 15,000 ഗൈനക് എന്‍ഡോസ്‌കോപ്പി ശസ്ത്രക്രിയകള്‍ വിജയകരമായി നടത്തുകയും അഞ്ഞൂറിലേറെ ഗൈനെക്കോളജിസ്റ്റുകളെ എന്‍ഡോസ്‌കോപ്പിയില്‍ പരിശീലിപ്പിക്കുകയും ചെയ്തിട്ടുണ്ട്.