പ​ത്ത​നം​തി​ട്ട: ജ​ന​റ​ൽ ആ​ശു​പ​ത്രി​യി​ലെ ത​ക​രാ​റി​ലാ​യ ലി​ഫ്റ്റു​ക​ൾ പ്ര​വ​ർ​ത്ത​ന​ക്ഷ​മ​മാ​ക്കാ​നു​ള്ള ജോ​ലി​ക​ൾ നി​ർ​ത്തി​വ​ച്ചു. റി​പ്പ​യ​റിം​ഗ് ജോ​ലി​ക​ൾ ന​ട​ക്കു​ന്ന​തി​നി​ടെ പ​ല പാ​ർ​ട്സു​ക​ളും ല​ഭ്യ​മാ​കാ​തെ വ​ന്ന​തോ​ടെ​യാ​ണി​ത്. പാ​ർ​ട്സു​ക​ൾ ല​ഭ്യ​മാ​യി​ട്ടു മാ​ത്ര​മേ ജോ​ലി​ക​ൾ പു​ന​രാ​രം​ഭി​ക്കൂ. മൂ​ന്നു പ​തി​റ്റാ​ണ്ടോ​ളം പ​ഴ​ക്ക​മു​ള്ള ലി​ഫ്റ്റി​ന്‍റെ പാ​ർ​ട്സു​ക​ൾ ക​മ്പ​നി​യു​ടെ എ​റ​ണാ​കു​ള​ത്തെ സ്റ്റോ​റി​ൽ ല​ഭ്യ​മ​ല്ല.

ഹൈ​ദ​രാ​ബാ​ദി​ലെ സ്റ്റോ​റി​ലു​ണ്ടെ​ങ്കി​ൽ മാ​ത്ര​മേ ത​ക​രാ​ർ പ​രി​ഹ​രി​ക്കാ​ൻ ക​ഴി​യൂ. ഇ​തു സം​ബ​ന്ധി​ച്ച് ഹൈ​ദ​രാ​ബാ​ദ് ആ​സ്ഥാ​ന​ത്തേ​ക്ക് ക​മ്പ​നി അ​ധി​കൃ​ത​ർ ക​ത്ത​യി​ച്ചി​ട്ടു​ണ്ട്. പാ​ർ​ട്സു​ക​ൾ ല​ഭി​ച്ചാ​ൽ ഒ​രാ​ഴ്ച​യ്ക്കു​ള്ളി​ൽ ലി​ഫ്റ്റ് പ്ര​വ​ർ​ത്ത​ന സ​ജ്ജ​മാ​ക്കാ​ൻ ക​ഴി​യും. അ​ല്ലെ​ങ്കി​ൽ പു​തി​യ ലി​ഫ്റ്റ് സ്ഥാ​പി​ക്കു​ക​യേ മാ​ർ​ഗ​മു​ള്ളൂ​വെ​ന്ന് അ​ധി​കൃ​ത​ർ പ​റ​യു​ന്നു.

ലി​ഫ്റ്റി​ന്‍റെ വാ​ർ​ഷി​ക അ​റ്റ​കു​റ്റ​പ്പ​ണി​ക​ൾ​ക്കാ​യി ജ​ന​റ​ൽ ആ​ശു​പ​ത്രി അ​ധി​കൃ​ത​ർ നാ​ലു ല​ക്ഷം രൂ​പ ക​മ്പ​നി​ക്കു മു​ൻ​കൂ​റാ​യി അ​ട​ച്ചി​ട്ടു​ണ്ട്. എ​ന്നാ​ൽ, ക​ഴി​ഞ്ഞ ദി​വ​സം രോ​ഗി ലി​ഫ്റ്റി​ൽ കു​ടു​ങ്ങി​യ​തി​നെത്തു​ട​ർ​ന്ന് വാ​തി​ൽ പൊ​ളി​ക്കേ​ണ്ടിവ​ന്ന​ത് ന​ന്നാ​ക്കാ​നു​ള്ള തു​ക വാ​ർ​ഷി​ക അ​റ്റ​കു​റ്റ​പ്പ​ണി​യു​ടെ ഫ​ണ്ടി​ൽ ഉ​ൾ​പ്പെ​ടു​ത്താ​നാ​വി​ല്ലെ​ന്ന് ക​മ്പ​നി ആ​ശു​പ​ത്രി സൂ​പ്ര​ണ്ടി​നെ അ​റി​യി​ച്ചു.

ലി​ഫ്റ്റ് ന​ന്നാ​ക്കാ​നു​ള്ള തു​ക ക​മ്പ​നി​ക്ക് അ​ട​യ്ക്ക​ണം. ഇ​തി​നു​ള്ള എ​സ്റ്റി​മേ​റ്റ് ക​മ്പ​നി ന​ൽ​കും. പാ​ർ​ട്സു​ക​ൾ ല​ഭി​ച്ചാ​ൽ അ​തി​ന്റെ വി​ല​യും തൊ​ഴി​ലാ​ളി​ക​ൾ​ക്കു​ള്ള വേ​ത​ന​വും ക​ണ​ക്കാ​ക്കി​യു​ള്ള തു​ക ആ​ശു​പ​ത്രി അ​ധി​കൃ​ത​ർ അ​ട​യ്ക്കേ​ണ്ടി​വ​രും.

രോ​ഗി​ക​ൾ​ക്ക് ദു​രി​ത​മേ​റും

പ​ത്ത​നം​തി​ട്ട ജ​ന​റ​ൽ ആ​ശു​പ​ത്രി​യി​ൽ അ​ത്യാ​ഹി​ത, ഒ​പി വി​ഭാ​ഗ​ങ്ങ​ൾ​ക്കു പു​തി​യ കെ​ട്ടി​ടം പ​ണി​യു​ന്ന​തി​ലേ​ക്കു നി​ല​വി​ലു​ണ്ടാ​യി​രു​ന്ന കെ​ട്ടി​ടം പൊ​ളി​ച്ച​തി​നെത്തു​ട​ർ​ന്നാ​ണ് ചി​കി​ത്സാസം​വി​ധാ​ന​ങ്ങ​ൾ പൂ​ർ​ണ​മാ​യി ബി ​ആ​ൻ​ഡ് സി ​ബ്ലോ​ക്കി​ലേ​ക്കു ക്ര​മീ​ക​രി​ച്ച​ത്. അ​ത്യാ​ഹി​ത വി​ഭാ​ഗ​വും പ്ര​ധാ​ന വാ​ർ​ഡു​ക​ളും ശ​സ്ത്ര​ക്രി​യ മു​റി​ക​ളു​മെ​ല്ലാം ഈ ​ഒ​രു ബ്ലോ​ക്കി​ലേ​ക്ക് ക്ര​മീ​ക​രി​ക്കേ​ണ്ടി​വ​ന്നു. ബി ​ആ​ൻ​ഡ് സി ​ബ്ലോ​ക്ക്ത​ന്നെ ഏ​റെ ശോ​ച​ന്യാ​വ​സ്ഥ​യി​ലാ​യി​രു​ന്നു.

സം​വി​ധാ​ന​ങ്ങ​ൾ പൂ​ർ​ണ​മാ​യി ഈ ​ഒ​രു ബ്ലോ​ക്കി​ലേ​ക്ക് എ​ത്തി​യ​തോ​ടെ ബു​ദ്ധി​മു​ട്ടു​ക​ളു​മേ​റി​ക്കൊ​ണ്ടി​രു​ന്നു. ക​ഴി​ഞ്ഞ​ദി​വ​സം ലി​ഫ്റ്റി​ന്‍റെ പ്ര​വ​ർ​ത്ത​ന​വും നി​ല​ച്ച​തോ​ടെ രോ​ഗി​ക​ൾ ഏ​റെ പ്ര​തി​സ​ന്ധി​യി​ലാ​ണ്. പ്ര​ധാ​ന ശ​സ്ത്ര​ക്രി​യ​ക​ളെ​ല്ലാം ബി ​ആ​ൻ​ഡ് സി ​ബ്ലോ​ക്കി​ലെ മു​ക​ൾ നി​ല​യി​ലാ​ണ് ക്ര​മീ​ക​രി​ച്ചി​രി​ക്കു​ന്ന​ത്.

ലേ​ബ​ർ റൂ​മും ഇ​വി​ടെ​യാ​ണ്. അ​സ്ഥി​രോ​ഗം ഉ​ൾ​പ്പെ​ടെ​യു​ള്ള ശ​സ്ത്ര​ക്രി​യ മു​റി​ക​ളും മു​ക​ൾ നി​ല​യി​ലാ​ണ്. മു​ന്പ് ര​ണ്ട് ലി​ഫ്റ്റു​ക​ളു​ണ്ടായിരു​ന്ന കെ​ട്ടി​ട​മാ​ണി​ത്. ഒ​രു ലി​ഫ്റ്റ് അ​ഞ്ചു​വ​ർ​ഷ​മാ​യി പ്ര​വ​ർ​ത്തി​ക്കു​ന്ന​തേ​യി​ല്ല. അ​വ​ശേ​ഷി​ച്ച് ഒ​രു ലി​ഫ്റ്റാ​ണ് ക​ഴി​ഞ്ഞ​ദി​വ​സം പ​ണി​മു​ട​ക്കി​യ​ത്.

ശ​സ്ത്ര​ക്രി​യ ക​ഴി​ഞ്ഞ രോ​ഗി​ക​ളെ ലി​ഫ്റ്റ് ത​ക​രാ​റാ​യ​തി​നേത്തുട​ർ​ന്ന് തു​ണി സ്ട്രെ​ക്ച്ച​റി​ലാ​ണ് മു​ക​ളി​ലെ നി​ല​യി​ൽനി​ന്ന് താ​ഴേ​ക്കു കൊ​ണ്ടു​വ​രു​ന്ന​ത്. മ​തി​യാ​യ സ്ട്രെ​ക്ച​ർ സൗ​ക​ര്യം പോ​ലു​മി​ല്ലാ​ത്ത​തി​നാ​ൽ ലി​ഫ്റ്റ് അ​ടി​യ​ന്ത​ര​മാ​യി പ്ര​വ​ർ​ത്ത​ന​ക്ഷ​മ​മാ​ക്കു​ക മാ​ത്ര​മാ​ണ് പോം​വ​ഴി​യാ​ണ് ആ​ശു​പ​ത്രി അ​ധി​കൃ​ത​ർ​ക്കു മു​ന്പി​ലു​ള്ള​ത്.

ഡ​യ​റ​ക്ട​റേ​റ്റ് അ​ന്വേ​ഷ​ണം

ലി​ഫ്റ്റ് ത​ക​രാ​റാ​യ​തി​നെത്തു​ട​ർ​ന്ന് തു​ണി സ്ട്രെ​ക്ച്ച​റി​ൽ ചു​മ​ന്നുകൊ​ണ്ടുവ​ന്ന രോ​ഗി താ​ഴെ വീ​ണെ​ന്ന പ​രാ​തി അ​ന്വേ​ഷി​ക്കാ​ൻ ആ​രോ​ഗ്യ വ​കു​പ്പ് ഡ​യ​റ​ക്ട​റേ​റ്റി​ലെ ഡോ. ​ന​ന്ദ​കു​മാ​റി​ന്‍റെ നേ​തൃ​ത്വ​ത്തി​ൽ ഉ​ദ്യോ​ഗ​സ്ഥ​ർ ഇ​ന്ന​ലെ ആ​ശു​പ​ത്രി​യി​ലെ​ത്തി. ത​ക​രാ​റാ​യ ലി​ഫ്റ്റ് പ​രി​ശോ​ധി​ച്ചു. ഡി​എം​ഒ ഡോ. ​എ​ൽ. അ​നി​ത​കു​മാ​രി, ആ​ശു​പ​ത്രി സൂ​പ്ര​ണ്ട് ഡോ. ​പി.​കെ സു​ഷ​മ എ​ന്നി​വ​രി​ൽ നി​ന്ന് വി​വ​ര​ങ്ങ​ൾ ശേ​ഖ​രി​ച്ചു.

ആ​രോ​ഗ്യ​മ​ന്ത്രി വീ​ണാ ജോ​ർ​ജി​ന്‍റെ നി​ർ​ദേ​ശ​പ്ര​കാ​ര​മാ​ണ് വ​കു​പ്പു​ത​ല അ​ന്വേ​ഷ​ണം തു​ട​ങ്ങി​യ​ത്. റി​പ്പോ​ർ​ട്ട് ഉ​ട​ൻ മ​ന്ത്രി​ക്കു കൈ​മാ​റും. സം​ഭ​വ​ത്തി​ൽ സം​സ്ഥാ​ന മ​നു​ഷ്യാ​വ​കാ​ശ ക​മ്മീ​ഷ​നും കേ​സെ​ടു​ത്തി​രു​ന്നു. ഡി​എം​ഒ​യി​ൽനി​ന്നു ക​മ്മീ​ഷ​ൻ റി​പ്പോ​ർ​ട്ട് തേ​ടി​യി​രി​ക്കു​ക​യാ​ണ്.