അ​ഞ്ച​ല്‍ : ഓ​യി​ല്‍​പാം കു​ള​ത്തൂ​പ്പു​ഴ ക​ണ്ട​ന്‍​ചി​റ എ​സ്റ്റേ​റ്റി​ല്‍ ക​ഴി​ഞ്ഞ ദി​വ​സ​മു​ണ്ടാ​യ വ​ന്‍ തീ​പി​ടിത്തം നി​യ​ന്ത്ര​ണ വി​ധേ​യ​മാ​ക്കി​യ​ത് പ​ത്തു​മ​ണി​ക്കൂ​റി​ല​ധി​കം നീ​ണ്ട തീ​വ്ര ശ്ര​മ​ത്തി​നൊ​ടു​വി​ല്‍ . എന്നാൽ വീണ്ടും തീപിടിത്തമുണ്ടായത് ദുരൂഹതയ്ക്ക് ഇടവരുത്തുന്നു.

ജി​ല്ല​യു​ടെ വി​വി​ധ ഇ​ട​ങ്ങ​ളി​ല്‍ നി​ന്നും എ​ത്തി​യ ഫ​യ​ര്‍​ഫോ​ഴ്സ് യൂ​ണി​റ്റു​ക​ളും വ​നം വ​കു​പ്പ് അ​ധി​കാ​രി​ക​ളും ഓ​യി​ല്‍​പാം തൊ​ഴി​ലാ​ളി​ക​ളും നാ​ട്ടു​കാ​രും ഉ​ള്‍​പ്പെ​ടെ​യു​ള്ള സം​ഘ​മാ​ണ് ചൊ​വ്വാ​ഴ്ച ഉ​ച്ച​യോ​ടെ ഉ​ണ്ടാ​യ തീ ​ബു​ധ​നാ​ഴ്ച പു​ല​ര്‍​ച്ച​യോ​ടെ നി​യ​ന്ത്ര​ണ വി​ധേ​യ​മാ​ക്കി​യത്. എന്നാൽ ഉ​ച്ച​യോ​ടെ സ്ഥ​ല​ത്ത് വീ​ണ്ടും വ​ലി​യ രീ​തി​യി​ല്‍ തീ ​പ​ട​ര്‍​ന്നു.

തി​രു​വ​ന​ന്ത​പു​രം, കൊ​ല്ലം ജി​ല്ല​ക​ളി​ല്‍ നി​ന്നു​ള്ള നാ​ല് യൂ​ണി​റ്റ് ഫ​യ​ര്‍ ഫോ​ഴ്സ് സം​ഘ​വും തൊ​ഴി​ലാ​ളി​ക​ളും തീ ​നി​യ​ന്ത്ര​ണ വി​ധേ​യ​മാ​ക്കാ​നു​ള്ള ശ്ര​മം വൈ​കി​യും തു​ട​രു​ക​യാ​ണ്. ജെ​സി​ബി ഉ​പ​യോ​ഗി​ച്ച് മ​ണ്ണ് വെ​ട്ടി​യി​ട്ടും തീ ​അ​ണ​യ്ക്കാ​നു​ള്ള ശ്ര​മം ന​ട​ത്തു​ന്നു​ണ്ട്.

ചൊ​വ്വാ​ഴ്ച ഉച്ചയോടെയാണ് നാ​ട്ടു​കാ​ര്‍ ഓ​യി​ല്‍​പാ​മി​ല്‍ തീ​പി​ടിത്തം ഉ​ണ്ടാ​യ​താ​യി ബ​ന്ധ​പ്പെ​ട്ട​വ​രെ അ​റി​യി​ച്ച​ത്. സ്ഥ​ല​ത്തു​ണ്ടാ​യി​രു​ന്ന​വ​രെ ഉ​പ​യോ​ഗി​ച്ച് ആ​ദ്യം അ​ണ​യ്ക്കാ​നു​ള്ള ശ്ര​മം ന​ട​ത്തി​യെ​ങ്കി​ലും വി​ഫ​ല​മാ​യി. ഇ​തോ​ടെ ഫ​യ​ര്‍ ഫോ​ഴ്സി​ല്‍ വി​വ​രം അ​റി​യി​ക്കു​ക​യാ​യി​രു​ന്നു. ആ​ദ്യം ര​ണ്ടു​യൂ​ണി​റ്റ് ഫ​യ​ര്‍​ഫോ​ഴ്സ് സം​ഘം എ​ത്തി​യെ​ങ്കി​ലും തീ ​അ​ണ​യ്ക്കാ​ന്‍ ക​ഴി​ഞ്ഞി​ല്ല. പി​ന്നീ​ടാ​ണ് കൂ​ടു​ത​ല്‍ യൂ​ണി​റ്റു​ക​ള്‍ സ്ഥ​ല​ത്തെ​ത്തി​യ​ത്. വീ​ശി​യ​ടി​ച്ച കാ​റ്റും പു​ക​പ​ട​ല​വും തീ ​അ​ണ​യ്ക്കു​ന്ന​തി​ല്‍ വെ​ല്ലു​വി​ളി​യാ​യി.

ആ​ളി​പ്പ​ട​രു​ന്ന തീ​യു​ടെ അ​ടു​ത്തേ​ക്ക് ഫ​യ​ര്‍​ഫോ​ഴ്സ് വാ​ഹ​ന​ങ്ങ​ള്‍ എ​ത്താ​തി​രു​ന്ന​തും പ്ര​വ​ര്‍​ത്തി​ക​ള്‍ ബു​ദ്ധി​മു​ട്ടി​ലാ​ക്കി. തീ ​അ​ണ​യ്ക്കു​ന്ന​തി​നി​ടെ പു​ക​പ​ട​ലം ശ്വ​സി​ച്ച മൂ​ന്നു തൊ​ഴി​ലാ​ളി​ക​ള്‍​ക്ക് ദേ​ഹാ​സ്വാ​സ്ഥ്യ​മു​ണ്ടാ​യി. ഇ​വ​രെ പി​ന്നീ​ട് ആ​ശു​പ​ത്രി​യി​ലേ​ക്ക് മാ​റ്റി. പു​ല​ര്‍​ച്ച​യോ​ടെ തീ ​നി​യ​ന്ത്ര​ണ​വി​ധേ​യ​മാ​ക്കി​യെ​ങ്കി​ലും മു​റി​ച്ചി​ട്ട എ​ണ്ണ​പ്പ​ന​ക​ളി​ലും ചി​ല മ​ര​ങ്ങ​ളു​ടെ മൂ​ട്ടി​ലും തീ ​പു​ക​യു​ന്ന​ത് ആ​ശ​ങ്ക​യ്ക്ക് ഇടയാക്കുന്നു.

ഓ​യി​ല്‍​പാം അ​ധി​കൃ​ത​ര്‍ ത​ന്നെ ചെ​റി​യ വാ​ഹ​ന​ങ്ങ​ളി​ല്‍ വെ​ള്ളം എ​ത്തി​ച്ച് തീ കെ​ടു​ത്താ​നു​ള്ള ശ്ര​മ​വും തുടരുകയാണ്. ക​ഴി​ഞ്ഞ ദി​വ​സം പ​ട​ര്‍​ന്ന തീ ​ഓ​യി​ല്‍​പാ​മി​ന് അ​രി​കെ​യു​ള്ള വ​നം വ​കു​പ്പി​ന്‍റെ മാ​ഞ്ചി​യം തോ​ട്ട​ത്തി​ലേ​ക്കും പ​ട​ര്‍​ന്നി​രു​ന്നു. ഇ​തോ​ടെ തീ ​ജ​ന​വാ​സ മേ​ഖ​ല്‍​യി​ലേ​ക്ക് എ​ത്തു​മെ​ന്ന ആ​ശ​ങ്ക​യു​മു​ണ്ടാ​യി. എ​ന്നാ​ല്‍ കൃ​ത്യ​മാ​യ ഇ​ട​പെ​ടീ​ലി​ലൂ​ടെ ജ​ന​വാ​സ മേ​ഖ​ല​യി​ലേ​ക്ക് പ​ട​ർന്ന തീ ​കെ​ടു​ത്താ​ന്‍ അ​ധി​കൃ​ത​ര്‍​ക്കാ​യി. ക​ണ്ട​ന്‍​ചി​റ എ​സ്റ്റേ​റ്റി​ലെ ഫീ​ല്‍​ഡ് ഒ​ന്നി​ലും ര​ണ്ടി​ലും​പ്പെ​ട്ട അ​റു​പ​ത് ഹെ​ക്ട​റോ​ളം ഭാ​ഗ​ത്താ​ണ് തീ ​പി​ടി​ത്തം ഉ​ണ്ടാ​യ​ത്. ര​ണ്ടു​വ​ര്‍​ഷ​ത്തോ​ളം പ്രാ​യ​മു​ള്ള തൈ​ക​ളാ​ണ് ന​ശി​ച്ച​വ​യി​ല്‍ കൂ​ടു​ത​ല്‍. സം​ഭ​വ​ത്തി​ല്‍ എ​ന്തെ​ങ്കി​ലും ത​ര​ത്തി​ല്‍ അ​ട്ടി​മ​റി ഉ​ണ്ടോ എ​ന്ന​ത​ട​ക്കം പ​രി​ശോ​ധി​ക്കു​മെ​ന്ന് അ​ധി​കൃ​ത​ര്‍ അ​റി​യി​ച്ചു. സം​ഭ​വ​ത്തി​ല്‍ പോ​ലീ​സ് വ​നം ഫ​യ​ര്‍​ഫോ​ഴ്സ് അ​ധി​കൃ​ത​ര്‍ അ​ന്വേ​ഷ​ണം ആ​രം​ഭി​ച്ചി​ട്ടു​ണ്ട്.

സംഭവത്തിൽ ദു​രൂ​ഹ​ത : ചെ​യ​ര്‍​മാ​ന്‍

അ​ഞ്ച​ല്‍ : ഓ​യി​ല്‍​പാം ക​ണ്ട​ന്‍​ചി​റ എ​സ്റ്റേ​റ്റി​ല്‍ ക​ഴി​ഞ്ഞ ദി​വ​സ​മു​ണ്ടാ​യ തീ ​പി​ടി​ത്ത​ത്തി​ല്‍ ദു​രൂ​ഹ​ത സം​ശ​യി​ക്കു​ന്ന​താ​യി ഓ​യി​ല്‍​പാം ചെ​യ​ര്‍​മാ​ന്‍ ആ​ര്‍. രാ​ജേ​ന്ദ്ര​ന്‍ പ​റ​ഞ്ഞു. തീ​പി​ടി​ത്ത​മു​ണ്ടാ​യ സ്ഥല​ങ്ങ​ള്‍ സ​ന്ദ​ര്‍​ശി​ച്ച ശേ​ഷം മാ​ധ്യ​മ​ങ്ങ​ളോ​ട് പ്ര​തി​ക​രി​ക്കു​ക​യാ​യി​രു​ന്നു ചെ​യ​ര്‍​മാ​ന്‍. തീ ​പി​ടി​ക്കാ​നി​ട​യാ​യ സാ​ഹ​ച​ര്യം വ്യ​ക്ത​മ​ല്ല. തു​ട​ര്‍​ച്ച​യാ​യി തീ​പി​ടി​ത്തം ഉ​ണ്ടാ​കു​ന്ന​തി​ല്‍ ചി​ല സം​ശ​യ​ങ്ങ​ളു​ണ്ട്.

അ​ര​ക്കോ​ടി​യോ​ളം രൂ​പ​യു​ടെ ന​ഷ്ട​മാ​ണ് പ്രാ​ഥ​മി​ക​മാ​യി ക​ണ​ക്കാ​ക്കു​ന്ന​ത്. ഓ​യി​ല്‍ പാം ​അ​ധി​കൃ​ത​രു​ടെ ഭാ​ഗ​ത്ത് നി​ന്നും വീ​ഴ്ച ഉ​ണ്ടാ​യോ എ​ന്ന​ത​ട​ക്കം പ​രി​ശോ​ധി​ക്കും.

കൂ​ടു​ത​ലാ​യി ന​ശി​ച്ച​ത് തൈ ​പ​ന​ക​ളാ​ണ്. തീ​പി​ടി​ക്കാ​നു​ണ്ടാ​യ സം​ഭ​വ​ത്തി​ല്‍ എ​ന്തെ​ങ്കി​ലും ദു​രൂ​ഹ​ത ഉ​ണ്ടാ​യി​ട്ടു​ണ്ടോ എ​ന്ന​ത് അ​ന്വേ​ഷി​ക്കാ​ന്‍ ആ​വ​ശ്യ​പ്പെ​ട്ടു പോ​ലീ​സി​ല്‍ പ​രാ​തി ന​ല്‍​കു​മെ​ന്നും ചെ​യ​ര്‍​മാ​ന്‍ പ​റ​ഞ്ഞു.

എം​ഡി ജോ​ൺ സെ​ബാ​സ്റ്റ്യ​ൻ ,സീ​നി​യ​ർ മാ​നേ​ജ​ർ ജ​യിം​സ് ,ഡ​യ​റ​ക്ട​ര്‍ ബോ​ര്‍​ഡ് അം​ഗം സി. ​അ​ജ​യ​പ്ര​സാ​ദ്, റേ​ഞ്ച് ഫോ​റ​സ്റ്റ് ഓ​ഫീ​സ​ര്‍ അ​ജി​കു​മാ​ര്‍, സി​ഐ​ടി​യു നേ​താ​വ് റ്റി. ​അ​ജ​യ​ന്‍ എ​ന്നി​വ​രും ചെ​യ​ര്‍​മാ​നൊ​പ്പം സ്ഥ​ലം സ​ന്ദ​ര്‍​ശി​ച്ചി​രു​ന്നു. അ​തേ​സ​മ​യം സം​ഭ​വ​ത്തെ​കു​റി​ച്ചു അ​ന്വേ​ഷി​ച്ചു റി​പ്പോ​ര്‍​ട്ട് ന​ല്കാ​ന്‍ പു​ന​ലൂ​ര്‍ ആ​ര്‍​ഡി​ഒ​യ്ക്ക് ജി​ല്ലാ ക​ള​ക്ട​ര്‍ നി​ര്‍​ദേ​ശം ന​ല്‍​കി​യി​ട്ടു​ണ്ട്. ഇ​തേ തു​ട​ര്‍​ന്നു ആ​ര്‍​ഡി​ഒ സ്ഥ​ല​ത്തെ​ത്തി വി​വ​ര​ങ്ങ​ള്‍ ശേ​ഖ​രി​ച്ചി​ട്ടു​ണ്ട്.