കൊല്ലം: ഡോ. അംബേദ്‌കർക്ക് നേരെയുള്ള അവഹേളനത്തിന്‍റെ പേരിൽ അ​മി​ത് ഷാ ​ഇ​ന്ത്യ​യി​ലെ ജ​ന​ങ്ങ​ളോ​ട് മാ​പ്പ് പ​റ​യ​ണ​മെ​ന്നും ആ​ഭ്യ​ന്ത​ര​മ​ന്ത്രി സ്ഥാ​ന​ത്ത് നി​ന്ന് രാ​ജി​വെ​ക്ക​ണ​മെ​ന്നതുമാണ് കോ​ൺ​ഗ്ര​സിന്‍റെ മുഖ്യ ആവശ്യമെന്ന് കൊടിക്കുന്നിൽ സുരേഷ് എംപി. അം​ബേ​ദ്‌​ക​ർ നി​ല​കൊ​ണ്ട നീ​തി​യു​ടെ​യും സ​മ​ത്വ​ത്തി​ന്‍റെ​യും അ​ന്ത​സി​ന്‍റെ​യും ആ​ദ​ർ​ശ​ങ്ങ​ളോ​ടു​ള്ള അ​വ​ഹേ​ള​ന​മാ​ണ് അ​ദ്ദേ​ഹം ത​ൽ​സ്ഥാ​ന​ത്ത് തു​ട​രു​ന്ന​തെന്നും കൊടിക്കുന്നിൽ പത്രസമ്മേളനത്തിൽ ആരോപിച്ചു.

അ​ടി​ച്ച​മ​ർ​ത്ത​പ്പെ​ട്ട​വ​രെ ശാ​ക്തീ​ക​രി​ച്ച​തി​ന​ല്ല, മ​റി​ച്ച് ഇ​ന്ത്യ​ൻ സ​മൂ​ഹ​ത്തി​ലെ ഏ​റ്റ​വും ദു​ർ​ബ​ല​രാ​യ വി​ഭാ​ഗ​ങ്ങ​ൾ​ക്ക് നേ​രെ ആ​സൂ​ത്രി​ത​മാ​യ ആ​ക്ര​മ​ണം​ന​ട​ത്തി​യ​തി​നാ​ണ് ച​രി​ത്രം ഈ ​സ​ർ​ക്കാ​രി​നെ ഓ​ർ​ക്കു​ക. ബിജെപി​യു​ടെ ന​യ​ങ്ങ​ൾ രൂ​പ​ക​ൽ​പ്പ​ന ചെ​യ്തി​രി​ക്കു​ന്ന​ത്, പ​ട്ടി​ക​ജാ​തി, പ​ട്ടി​ക​വ​ർ​ഗ​ക്കാ​ർ, മ​റ്റ് പി​ന്നാ​ക്ക വി​ഭാ​ഗ​ങ്ങ​ൾ എ​ന്നി​വ​ർ​ക്ക് ഭ​ര​ണ​ഘ​ട​ന ഉ​റ​പ്പു​ന​ൽ​കു​ന്ന അ​വ​കാ​ശ​ങ്ങ​ളും സം​ര​ക്ഷ​ണ​ങ്ങ​ളും ഇ​ല്ലാ​താ​ക്കു​ന്ന വി​ധ​മാ​ണെന്നും കൊടിക്കുന്നിൽ ആരോപിച്ചു.

നീ​തി​യു​ടെ​യും സ​മ​ത്വ​ത്തി​ന്‍റെ​യും സാ​ഹോ​ദ​ര്യ​ത്തി​ന്‍റെയും ത​ത്വ​ങ്ങ​ൾ സം​ര​ക്ഷി​ക്കാ​ൻ പ്ര​തി​ജ്ഞാ​ബ​ദ്ധ​രാ​യതെ​ര​ഞ്ഞെ​ടു​ക്ക​പ്പെ​ട്ട ജ​ന​പ്ര​തി​നി​ധി​ക​ൾ എ​ന്ന നി​ല​യി​ൽ, ഭ​ര​ണ​ഘ​ട​ന​യെ തു​ര​ങ്കം വ​യ്ക്കാ​നും ഡോ. ​ബി.​ആ​ർ അം​ബേ​ദ്ക​റു​ടെ പാ​ര​മ്പ​ര്യ​ത്തെ ക​ള​ങ്ക​പ്പെ​ടു​ത്താ​നു​മു​ള്ള ശ്ര​മ​ങ്ങ​ൾ​ക്കെ​തി​രെ ഒ​റ്റ​ക്കെ​ട്ടാ​യി നി​ൽ​ക്കേ​ണ്ട​ത് അ​നി​വാ​ര്യ​മാ​ണ്. ഇ​ന്ത്യ​ൻ ഭ​ര​ണ​ഘ​ട​ന ഒ​രു നി​യ​മ​പ​ര​മാ​യ രേ​ഖ മാ​ത്ര​മ​ല്ല; അ​ത് ഓ​രോ ഇ​ന്ത്യ​ൻ പൗ​ര​നും അ​വ​കാ​ശ​ങ്ങ​ൾ ഉ​റ​പ്പു​ന​ൽ​കു​ന്ന, ന​മ്മു​ടെ ജ​നാ​ധി​പ​ത്യ​ത്തി​ന്‍റെ അ​ടി​ത്ത​റ​യാ​ണെന്നും കൊടിക്കുന്നിൽ പറഞ്ഞു.