കൊ​ല്ലം: മ​ക​നോ​ടൊ​പ്പം കു​ടി​വെ​ള്ളം ശേ​ഖ​രി​ച്ച് മ​ട​ങ്ങ​വെ വ​ള്ളം മ​റി​ഞ്ഞു വീ​ട്ട​മ്മ മ​രി​ച്ചു. കാ​വ​നാ​ട് പു​ത്ത​ന്‍​തു​രു​ത്തി​ല്‍ നി​ലേ​ശ്വ​രം​തോ​ട് മ​ണ​ക്കാ​ട് പു​തു​വ​ല്‍ സെ​ബാ​സ്റ്റ്യ​ന്‍റെ​ഭാ​ര്യ സ​ന്ധ്യ (41) ആ​ണ് മ​രി​ച്ച​ത്. ഇ​ന്ന​ലെ രാ​വി​ലെ ഏ​ഴ​ര​യോ​ടെ അ​ഷ്ട​മു​ടി കാ​യ​ലി​ല്‍ മു​ക്കാ​ട് പാ​ല​മൂ​ട്ടി​ല്‍ ക​ട​വി​നു സ​മീ​പ​ത്താ​യി​രു​ന്നു അ​പ​ക​ടം.

ശാ​സ്താം​കോ​ട്ട​യി​ല്‍നി​ന്നു കൊ​ല്ല​ത്തേ​ക്കു കു​ടി​വെ​ള്ള​മെ​ത്തി​ക്കു​ന്ന പൈ​പ്പ്‌​ലൈ​ന്‍ ത​ക​ര്‍​ന്ന​തി​നെ​ത്തു​ട​ര്‍​ന്ന് എ​ട്ടു​ദി​വ​സ​ത്തോ​ള​മാ​യി തു​രു​ത്തി​ല്‍ കു​ടി​വെ​ള്ളം ല​ഭി​ച്ചി​രു​ന്നി​ല്ല. മ​റു​ക​ര​യി​ല്‍നി​ന്നു ശേ​ഖ​രി​ച്ചാ​ണ് തു​രു​ത്ത് നി​വാ​സി​ക​ള്‍ കു​ടി​വെ​ള്ളം ഉ​പ​യോ​ഗി​ച്ചി​രു​ന്ന​ത്.

സ​ന്ധ്യ​യും മ​ക​ന്‍ എ​ബി​യും ഇ​ന്ന​ലെ രാ​വി​ലെ ചെ​റു​വ​ള്ള​ത്തി​ല്‍ പാ​ല​മൂ​ട്ടി​ല്‍ ക​ട​വി​ലെ​ത്തി വെ​ള്ളം ശേ​ഖ​രി​ച്ചശേ​ഷം തു​രു​ത്തി​ലേ​ക്ക് മ​ട​ങ്ങ​വെ ബോ​ട്ടു ചാ​ലി​നു സ​മീ​പം വ​ള്ളം മ​റി​യു​ക​യാ​യി​രു​ന്നു. വേ​ലി​യി​റ​ക്ക​വും ബോ​ട്ടു ചാ​ലി​ല്‍ നി​ന്നു​ള്ള ഓ​ള​വു​മാ​ണ് വ​ള്ളം മ​റി​യാ​ന്‍ കാ​ര​ണ​മെ​ന്നാ​ണ് ല​ഭി​ക്കു​ന്ന വി​വ​രം. സ​ന്ധ്യ​വ​ള്ള​ത്തി​ന​ടി​യി​ല്‍ അ​ക​പ്പെ​ട്ടു. അ​പ​ക​ടം ക​ണ്ട​യു​ട​ന്‍ സ​മീ​പ​ത്തു​ണ്ടാ​യി​രു​ന്ന മ​ത്സ്യ​ത്തൊ​ഴി​ലാ​ളി​ക​ളെത്തി ഇ​രു​വ​രെ​യും ആ​ശു​പ​ത്രി​യി​ല്‍ എ​ത്തി​ച്ചെ​ങ്കി​ലും സ​ന്ധ്യ​യു​ടെ ജീ​വ​ന്‍ ര​ക്ഷി​ക്കാ​നാ​യി​ല്ല. സ​ന്ധ്യ​യു​ടെ സം​സ്‌​കാ​രം ഇ​ന്നു രാ​വി​ലെ 11ന് ​മു​ക്കാ​ട് തി​രു​കു​ടും​ബം പ​ള്ളി​യി​ല്‍ ന​ട​ക്കും.
.