കൊ​ട്ടാ​ര​ക്ക​ര: എം​സി റോ​ഡി​ൽ സ്ഥി​രം അ​പ​ക​ട​മേ​ഖ​ല​യാ​യ കു​ള​ക്ക​ട​യി​ൽ കാ​ൽ​ന​ട​യാ​ത്രി​ക​ർ​ക്കാ​യി മേ​ൽ​പ്പാ​ലം വ​രു​ന്നു. മ​ന്ത്രി കെ.​എ​ൻ. ബാ​ല​ഗോ​പാ​ലി​ന്‍റെ ശ്ര​മ​ഫ​ല​മാ​യി​ട്ടാ​ണ് ഒ​രു കോ​ടി രൂ​പ ചെ​ല​വി​ട്ട് മേ​ൽ​പ്പാ​ലം നി​ർ​മി​ക്കു​ന്ന​ത്.

പ​ദ്ധ​തി രൂ​പ​രേ​ഖ ഭ​ര​ണാ​നു​മ​തി​യ്ക്ക് സ​മ​ർ​പ്പി​ച്ചു. ആ​ദ്യം ന​ൽ​കി​യ പ്ലാ​നി​ൽ ചി​ല്ല​റ പോ​രാ​യ്മ​ക​ളു​ണ്ടാ​യി​രു​ന്നു. ഇ​തി​ന്‍റെ തി​രു​ത്ത​ലു​ക​ൾ വ​രു​ത്തി ര​ണ്ട് ദി​വ​സ​ത്തി​നു​ള്ളി​ൽ വീ​ണ്ടും സ​മ​ർ​പ്പി​ക്കു​ന്ന​തോ​ടെ ഭ​ര​ണാ​നു​മ​തി ല​ഭി​ക്കും. തു​ട​ർ​ന്ന് സാ​ങ്കേ​തി​ക അ​നു​മ​തി കൂ​ടി ല​ഭി​ച്ചാ​ൽ ടെ​ൻ​ഡ​ർ ന​ട​ത്തി നി​ർ​മാ​ണ ജോ​ലി​ക​ൾ തു​ട​ങ്ങാം.

എം​സി റോ​ഡി​ൽ ഏ​നാ​ത്ത് പാ​ല​ത്തി​നും കൊ​ട്ടാ​ര​ക്ക​ര​യ്ക്കും ഇ​ട​യി​ലാ​ണ് ഏ​റ്റ​വും കൂ​ടു​ത​ൽ അ​പ​ക​ട​ങ്ങ​ൾ ന​ട​ന്നി​ട്ടു​ള്ള​ത്. കു​ള​ക്ക​ട സ്കൂ​ൾ ജം​ഗ്ഷ​നി​ലും ല​ക്ഷം​വീ​ട് ജം​ഗ്ഷ​നി​ലും അ​പ​ക​ട​ങ്ങ​ൾ തു​ട​ർ​ക്ക​ഥ​യാ​ണ്. ഒ​ട്ടേ​റെ ജീ​വ​നു​ക​ൾ പൊ​ലി​ഞ്ഞു. നി​ര​വ​ധി​പേ​ർ ഇ​പ്പോ​ഴും ആ​ശു​പ​ത്രി​യി​ലും വീ​ട്ടി​ലു​മൊ​ക്കെ​യാ​യി ചി​കി​ത്സ​യി​ലാ​ണ്.

മ​ന്ത്രി​യും ക​ള​ക്ട​റും മ​റ്റ് വി​വി​ധ വ​കു​പ്പു​ത​ല ഉ​ദ്യോ​ഗ​സ്ഥ​രും നി​ര​വ​ധി ത​വ​ണ കു​ള​ക്ക​ട സ​ന്ദ​ർ​ശി​ക്കു​ക​യും വി​വി​ധ ത​ല​ങ്ങ​ളി​ൽ യോ​ഗം ചേ​ർ​ന്ന് അ​പ​ക​ട​ങ്ങ​ളൊ​ഴി​വാ​ക്കാ​ൻ പ​ദ്ധ​തി​ക​ൾ ത​യാ​റാ​ക്കു​ക​യും ചെ​യ്തു. കാ​മ​റ സം​വി​ധാ​നം, വേ​ഗ​ത നി​യ​ന്ത്ര​ണ സം​വി​ധാ​ന​ങ്ങ​ൾ, ഫ്ള​ക്സി​ബി​ൾ സ്പ്രിം​ഗ് പോ​സ്റ്റു​ക​ൾ സ്ഥാ​പി​ക്ക​ൽ തു​ട​ങ്ങി ഒ​ട്ടേ​റെ പ​രി​ഷ്കാ​ര​ങ്ങ​ൾ ന​ട​പ്പാ​ക്കി​യെ​ങ്കി​ലും ശാ​ശ്വ​ത പ​രി​ഹാ​ര​മാ​യി​ല്ല.​

റോ​ഡ് മു​റി​ച്ചു​ക​ട​ക്കാ​ൻ മേ​ൽ​പ്പാ​ലം വേ​ണ​മെ​ന്ന ആ​വ​ശ്യം ഏ​റെ​ക്കാ​ല​മാ​യി ഉ​യ​ർ​ന്നു​വ​ന്നി​രു​ന്നു. സ്കൂ​ൾ കു​ട്ടി​ക​ളെ ല​ക്ഷ്യ​മാ​ക്കി​യാ​ണ് മേ​ൽ​പ്പാ​ലം എ​ന്ന ആ​ശ​യ​മു​ദി​ച്ച​ത്. മ​ന്ത്രി​യു​ടെ ശ്ര​ദ്ധ​യി​ൽ​പ്പെ​ടു​ത്തി​യ​തോ​ടെ തു​ക അ​നു​വ​ദി​ക്കാ​ൻ ധാ​ര​ണ​യാ​യി.

ഗ​വ.​ഹ​യ​ർ സെ​ക്ക​ൻ​ഡ​റി സ്കൂ​ൾ, എ​ൽ​പി സ്കൂ​ൾ, ബി​ആ​ർ​സി കേ​ന്ദ്രം, അ​സാ​പ് ക​മ്യൂ​ണി​റ്റി സ്കി​ൽ പാ​ർ​ക്ക്, ആ​യൂ​ർ​വേ​ദ ആ​ശു​പ​ത്രി, ബി​എ​ഡ് സെ​ന്‍റ​ർ, വി​ദ്യാ​ഭ്യാ​സ ഓ​ഫീ​സ് എ​ന്നി​ങ്ങ​നെ വി​വി​ധ ഓ​ഫീ​സു​ക​ളും വി​ദ്യാ​ല​യ​ങ്ങ​ളു​മൊ​ക്കെ​യു​ള്ള ഭാ​ഗ​മാ​ണ് കു​ള​ക്ക​ട സ്കൂ​ൾ ജം​ഗ്ഷ​ൻ.

വാ​ഹ​ന​ങ്ങ​ൾ ചീ​റി​പ്പാ​ഞ്ഞെ​ത്തു​ന്ന ഭാ​ഗ​മാ​യ​തി​നാ​ൽ മ​ണി​ക്കൂ​റു​ക​ൾ കാ​ത്തു​നി​ന്നാ​ണ് കു​ട്ടി​ക​ള​ട​ക്കം റോ​ഡി​ന്‍റെ മ​റു​വ​ശ​മെ​ത്തു​ന്ന​ത്. അ​പ​ക​ട​ങ്ങ​ൾ മി​ക്ക​പ്പോ​ഴും ഉ​ണ്ടാ​കാ​റു​മു​ണ്ട്. മേ​ൽ​പ്പാ​ലം വ​രു​ന്ന​തോ​ടെ സു​ര​ക്ഷി​ത​മാ​യി റോ​ഡ് മു​റി​ച്ചു​ക​ട​ക്കാം. നി​ല​വി​ൽ പോ​ലീ​സ് ഉ​ദ്യോ​ഗ​സ്ഥ​രാ​ണ് ഇ​വി​ടെ റോ​ഡ് മു​റി​ച്ചു​ക​ട​ക്കാ​ൻ സ​ഹാ​യി​ക്കു​ന്ന​ത്.

എം​സി റോ​ഡി​ന്‍റെ അ​രി​കി​ലാ​ണ് ഗ​വ.​ഹ​യ​ർ സെ​ക്ക​ൻ​ഡ​റി സ്കൂ​ൾ പ്ര​വ​ർ​ത്തി​ക്കു​ന്ന​ത്. സ്കൂ​ളി​ന്‍റെ പ​ഴ​യ ഗേ​റ്റി​നോ​ട് ചേ​ർ​ന്ന ഭാ​ഗ​ത്താ​കും പു​തി​യ മേ​ൽ​പ്പാ​ലം വ​രു​ന്ന​ത്. ഇ​വി​ടെ ത​ട​സ​മാ​യി വൈ​ദ്യു​തി ലൈ​നു​ക​ളു​ണ്ട്. ഭൂ​ഗ​ർ​ഭ കേ​ബി​ളു​ക​ൾ സ്ഥാ​പി​ച്ച് വൈ​ദ്യു​ത ലൈ​ൻ അ​ഴി​ച്ചു​മാ​റ്റും. മേ​ൽ​പ്പാ​ലം വ​രു​ന്ന​തോ​ടെ കു​ട്ടി​ക​ൾ​ക്കും മു​തി​ർ​ന്ന​വ​ർ​ക്കും നി​ർ​ഭ​യ​മാ​യി റോ​ഡു മു​റി​ച്ചു​ക​ട​ക്കാ​ൻ ക​ഴി​യും.