കൊ​ട്ടാ​ര​ക്ക​ര: അ​സൗ​ക​ര്യ​ങ്ങ​ൾ​ക്ക് ന​ടു​വി​ൽ കൊ​ല്ലം റൂ​റ​ൽ വ​നി​താ സെ​ല്ലി​ന്‍റെ പ്ര​വ​ർ​ത്ത​നം ജീ​വ​ന​ക്കാ​ർ​ക്ക് പീ​ഡ​ന​മാ​യി മാ​റു​ന്നു. ചോ​ർ​ന്നൊ​ലി​ക്കു​ക​യാ​ണ് കെ​ട്ടി​ടം. നി​ന്നു​തി​രി​യാ​ൻ ഇ​ട​മി​ല്ലാ​ത്ത കു​ടു​സു​മു​റി​ക​ളാ​ണ്. സ​ർ​വ​ത്ര ദു​രി​തം​മാ​ത്രം.

2011 ൽ ​ആ​ണ് കൊ​ട്ടാ​ര​ക്ക​ര ആ​സ്ഥാ​ന​മാ​ക്കി റൂ​റ​ൽ വ​നി​താ സെ​ൽ പ്ര​വ​ർ​ത്ത​നം തു​ട​ങ്ങി​യ​ത്. സ്ത്രീ​ക​ൾ​ക്കും കു​ട്ടി​ക​ൾ​ക്കും എ​തി​രാ​യു​ള്ള അ​തി​ക്ര​മ​ങ്ങ​ളും പീ​ഡ​ന​ങ്ങ​ളും ത​ട​യു​ന്ന​തി​നു​ൾ​പ്പ​ടെ ല​ക്ഷ്യ​മി​ട്ടാ​ണ് വ​നി​താ സ​ർ​ക്കി​ൾ ഇ​ൻ​സ്പ​ക്ട​റും ര​ണ്ട് എ​സ്ഐ​മാ​രും മ​തി​യാ​യ വ​നി​താ​പോ​ലീ​സ് ഉ​ദ്യോ​ഗ​സ്ഥ​രു​മ​ട​ക്കം സ​ജ്ജ​മാ​ക്കി വ​നി​താ സെ​ൽ പ്ര​വ​ർ​ത്ത​നം തു​ട​ങ്ങി​യ​ത്.

ത​ക​രാ​റി​ലാ​യ സ​ർ​ക്കാ​ർ ക്വാ​ർ​ട്ടേ​ഴ്സ് കെ​ട്ടി​ട​ത്തി​ലാ​ണ് പ്ര​വ​ർ​ത്ത​നം തു​ട​ങ്ങി​യ​ത്. പ​രി​മി​തി​ക​ൾ​ക്കു​ള്ളി​ൽ നി​ന്നു​കൊ​ണ്ട് ചെ​റി​യ​കാ​ലം​കൊ​ണ്ട് ശ്ര​ദ്ധേ​യ​മാ​യ പ്ര​വ​ർ​ത്ത​നം ന​ട​ത്താ​നും ക​ഴി​ഞ്ഞു. ഒ​രു കെ​ട്ടി​ട​ത്തി​ൽ ഒ​തു​ങ്ങു​ന്ന​താ​യി​രു​ന്നി​ല്ല പ്ര​വ​ർ​ത്ത​നം.

സ​മൂ​ഹ​ത്തി​ൽ പി​ന്നോ​ക്കാ​വ​സ്ഥ​യി​ൽ ക​ഴി​യു​ന്ന​വ​രെ മു​ഖ്യ​ധാ​ര​യി​ൽ കൊ​ണ്ടു​വ​രാ​നും ഗാ​ർ​ഹി​ക പീ​ഡ​ന​ങ്ങ​ൾ​ക്ക് വ​ലി​യ തോ​തി​ൽ അ​റു​തി​യു​ണ്ടാ​ക്കാ​നും ബോ​ധ​വ​ത്ക​ര​ണ ക്ലാ​സു​ക​ൾ സം​ഘ​ടി​പ്പി​ക്കാ​നും കൗ​ൺ​സി​ലിം​ഗ് അ​ട​ക്ക​മു​ള്ള സൗ​ക​ര്യ​ങ്ങ​ളൊ​രു​ക്കു​ന്ന​തി​നും വ​നി​താ സെ​ൽ മു​ൻ​കൈ​യെ​ടു​ത്തു.

റൂ​റ​ൽ ജി​ല്ല​യി​ലെ എ​ല്ലാ പോ​ലീ​സ് സ്റ്റേ​ഷ​നു​ക​ളും വ​നി​താ സെ​ല്ലി​ന്‍റെ പ​രി​ധി​യി​ലാ​ണ്. അ​തു​കൊ​ണ്ടു​ത​ന്നെ ദി​വ​സ​വും പ​രാ​തി​ക്കാ​രു​ടെ എ​ണ്ണ​വും കൂ​ടി.

നാ​ളു​ക​ൾ ക​ട​ന്നു​പോ​യ​തോ​ടെ വ​നി​താ സെ​ൽ ഓ​ഫീ​സ് കെ​ട്ടി​ടം കൂ​ടു​ത​ൽ ശോ​ച്യാ​വ​സ്ഥ​യി​ലേ​ക്ക് നീ​ങ്ങി. ഇ​പ്പോ​ൾ തീ​ർ​ത്തും ചോ​ർ​ന്നൊ​ലി​ക്കു​ന്ന ക​ഴു​ക്കോ​ലും ഓ​ടു​ക​ളും ഇ​ള​കി​യ പ​ഴ​ഞ്ച​ൻ കെ​ട്ടി​ട​ത്തി​ൽ ഉ​ദ്യോ​ഗ​സ്ഥ​ർ വീ​ർ​പ്പു​മു​ട്ടു​ക​യാ​ണ്.

വ​നി​താ സ​ർ​ക്കി​ൾ ഇ​ൻ​സ്പ​ക്ട​ർ വി​ര​മി​ച്ച ശേ​ഷം പു​തി​യ പോ​സ്റ്റിം​ഗ് ന​ട​ത്തി​യി​ട്ടി​ല്ല. ഒ​രു എ​സ്ഐ​യു​ടെ ഒ​ഴി​വു​ണ്ട്. നി​ല​വി​ൽ ഒ​രു വ​നി​താ എ​സ്ഐ​യ്ക്കാ​ണ് സി​ഐ​യു​ടെ അ​ധി​ക​ചു​മ​ത​ല. 12 വ​നി​താ സി​വി​ൽ പോ​ലീ​സ് ഓ​ഫീ​സ​ർ​മാ​രു​മു​ണ്ട്. ഇ​തേ കോ​മ്പൗ​ണ്ടി​ൽ ഫാ​മി​ലി കൗ​ൺ​സി​ലിം​ഗ് സെ​ന്‍റ​റും പ്ര​വ​ർ​ത്തി​ക്കു​ന്നു.

മേ​ൽ​ക്കൂ​ര​യ്ക്ക് മു​ക​ളി​ൽ പ്ലാ​സ്റ്റി​ക് ഷീ​റ്റ് വ​ലി​ച്ചു​കെ​ട്ടി​യാ​ണ് മ​ഴ​വെ​ള്ളം വീ​ഴാ​ത്ത സം​വി​ധാ​ന​മൊ​രു​ക്കി​യി​ട്ടു​ള്ള​ത്. കെ​ട്ടി​ടം ഇ​ടി​ഞ്ഞു​പൊ​ളി‌​ഞ്ഞ നി​ല​യി​ലാ​ണ്. നി​ന്ന് തി​രി​യാ​ൻ ഇ​ട​മി​ല്ല. ഫ​യ​ലു​ക​ൾ സു​ര​ക്ഷി​ത​മാ​യി സൂ​ക്ഷി​ക്കാ​ൻ സൗ​ക​ര്യ​മി​ല്ല. ഒ​രു വാ​ഹ​ന​മു​ള്ള​ത് മി​ക്ക​പ്പോ​ഴും സ്റ്റാ​ർ​ട്ടാ​കി​ല്ല. പ​രി​താ​പ​ക​ര​മാ​യ അ​വ​സ്ഥ​ക​ളി​ലും മി​ക​ച്ച പ്ര​വ​ർ​ത്ത​ന​മാ​ണ് ഉ​ദ്യോ​ഗ​സ്ഥ​ർ ന​ട​ത്തു​ന്ന​ത്.
തൊ​ട്ട​ടു​ത്താ​യി പോ​ലീ​സ് സ്റ്റേ​ഷ​ന് പു​തി​യ കെ​ട്ടി​ടം നി​ർ​മി​ച്ചു. മു​ഖ്യ​മ​ന്ത്രി​യെ​ത്തി ഉ​ദ്ഘാ​ട​നം ന​ട​ത്തു​ന്ന വി​ധ​ത്തി​ലാ​ണ് ക്ര​മീ​ക​ര​ണം. പോ​ലീ​സി​ന്‍റെ പ​രി​ശീ​ല​ന കേ​ന്ദ്ര​ത്തി​നാ​യും കെ​ട്ടി​ടം ഇ​വി​ടെ ഒ​രു​ങ്ങു​ന്നു.

അ​തി​നൊ​പ്പ​മാ​ണ് വ​നി​താ സെ​ല്ലി​നും കെ​ട്ടി​ടം നി​ർ​മി​ക്കു​ന്ന​ത്. എ​ന്നാ​ൽ മാ​സ​ങ്ങ​ളാ​യി ഇ​തി​ന്‍റെ നി​ർ​മാ​ണം നി​ല​ച്ചി​രി​ക്ക​യാ​ണ്. പു​തി​യ കെ​ട്ടി​ടം വ​രു​മെ​ന്ന പ്ര​തീ​ക്ഷ​യോ​ടെ കാ​ത്തി​രു​ന്ന ഉ​ദ്യോ​ഗ​സ്ഥ​രും ഇ​പ്പോ​ൾ നി​രാ​ശ​യി​ലാ​യി.