കൊ​ട്ടാ​ര​ക്ക​ര: നാ​ട​ക മ​ത്സ​ര​ത്തി​ൽ മൂ​ന്ന് വി​ഭാ​ഗ​ങ്ങ​ളി​ലും ഒ​ന്നാം സ്ഥാ​നം നീ​രാ​വി​ൽ എ​ന്ന നാ​ട​ക ഗ്രാ​മ​ത്തി​ലേ​ക്ക്. നീ​രാ​വി​ൽ എ​സ്എ​ൻ​ഡി​പി വൈ​എ​ച്ച്എ​സ്എ​സി​ലെ യു​പി വി​ഭാ​ഗം കു​ട്ടി​ക​ൾ അ​വ​ത​രി​പ്പി​ച്ച ആ​ട് പു​ലി​യാ​ട്ടം, എ​ച്ച്എ​സ് വി​ഭാ​ഗം അ​വ​ത​രി​പ്പി​ച്ച ടെ​ൻ ഡി ​റാ​പ്പേ​ഴ്സ്, എ​ച്ച്എ​സ്എ​സ് വി​ഭാ​ഗം അ​വ​ത​രി​പ്പി​ച്ച ക​ക്കൂ​സ് എ​ന്നീ നാ​ട​ക​ങ്ങ​ളാ​ണ് മ​ത്സ​ര​ത്തി​ൽ ഒ​ന്നാം സ്ഥാ​നം നേ​ടി​യ​ത്.

മൂ​ന്ന് വി​ഭാ​ഗ​ത്തി​ലും മി​ക​ച്ച ന​ട​നു​ള്ള സ​മ്മാ​ന​വും നീ​രാ​വി​ലെ കു​ട്ടി​ക​ൾ​ക്ക് ത​ന്നെ. മൂ​ന്ന് സ​മ്മാ​ന​ങ്ങ​ളും ഒ​രു സ്കു​ളി​ന് ല​ഭി​ക്കു​ന്ന​ത് ച​രി​ത്ര​ത്തി​ലാ​ദ്യം.

എ​ലി​യെ പു​ലി​യാ​ക്കു​ന്ന സാ​മൂ​ഹി​ക സാ​ഹ​ച​ര്യ​ങ്ങ​ളു​ടെ ആ​വി​ഷ്കാ​ര​ത്തി​ലൂ​ടെ ഗ്രാ​മീ​ണ ജീ​വി​ത​ത്തി​ന്‍റെ രാ​ഷ്ട്രീ​യം പ​റ​യു​ന്ന​താ​ണ് ആ​ട് പു​ലി​യാ​ട്ടം. സ്കൂ​ൾ അ​സം​ബ്ലി​യി​ൽ ഒ​രു പൊ​ളി​ച്ചെ​ഴു​ത്ത് വേ​ണം... വൈ​ബാ​യ് പൊ​ളി​യാ​യ് സീ​നാ​യി ഫ്രീ​ക്കാ​യി അ​സം​ബ്ലി ച​ടു​ല​മാ​ക​ണം.
ന്യൂ​ജ​ൻ ചി​ന്ത​ക​ളും റാ​പ്പു​മാ​യി 10 ഡി​യി​ലെ ഒ​രു സം​ഘം കു​ട്ടി​ക​ൾ സ്വ​പ്നം കാ​ണു​ന്ന പു​ത്ത​ൻ പ​ള്ളി​ക്കൂ​ട​മാ​ണ് ഹൈ​സ്കൂ​ൾ വി​ഭാ​ഗം കു​ട്ടി​ക​ൾ അ​വ​ത​രി​പ്പി​ച്ച ടെ​ൻ ഡി ​റാ​പ്പേ​ഴ്സ്.

പ​ഠി​ക്കു​ന്ന കു​ട്ടി​ക​ൾ​ക്ക് എ, ​പ​ഠി​ക്കാ​ത്ത കു​ട്ടി​ക​ൾ​ക്ക് ഡി ​എ​ന്നി​ങ്ങ​നെ പ്ര​ത്യേ​കം ഡി​വി​ഷ​ൻ തു​ട​ങ്ങി​യ വി​വേ​ച​ന​ങ്ങ​ളൊ​ന്നും ഇ​ല്ലാ​ത്ത സ​ർ​ഗാ​ത്മ​ക സ​മ​ത്വ​സു​ന്ദ​ര സ്കൂ​ൾ നാ​ട​കം വി​ഭാ​വ​നം ചെ​യ്യു​ന്നു. ദു​ർ​ഗ​ന്ധം പേ​റു​ന്ന മ​ത​വ​ർ​ഗീ​യ സം​ഘ​ങ്ങ​ളെ തു​റ​ന്നു കാ​ട്ടു​ന്ന​താ​ണ് എ​ച്ച്എ​സ്എ​സ് വി​ഭാ​ഗം നാ​ട​കം.

മ​ത​പൗ​രോ​ഹി​ത്യ​ത്തി​ന്‍റെ നെ​ഞ്ച​ത്ത് മാ​ലി​ന്യം വാ​രി​യ കൈ ​പ​തി​ക്കു​മ്പോ​ൾ നാ​ട​ക​ത്തി​ന്‍റെ രാ​ഷ്ട്രീ​യം ഏ​റെ ഉ​ച്ച​ത്തി​ലും അ​ത്ര​മേ​ൽ തീ​വ്ര​ത​യി​ലും കാ​ണി​ക​ളോ​ട് സം​വ​ദി​ക്കു​ന്നു.

സ​മ്മാ​നാ​ർ​ഹ​മാ​യ മൂ​ന്ന് നാ​ട​ക​ങ്ങ​ളു​ടെ​യും ര​ച​ന​യും സം​വി​ധാ​ന​വും നി​ർ​വ​ഹി​ച്ച​ത് അ​മാ​സ് എ​സ്. ശേ​ഖ​റാ​ണ്. അ​മാ​സി​ന്‍റെ നേ​തൃ​ത്വ​ത്തി​ൽ പ്ര​കാ​ശ് ക​ലാ​കേ​ന്ദ്ര​ത്തി​ൽ ന​ട​ക്കു​ന്ന നാ​ട​ക ക​ള​രി​യി​ലെ കു​ട്ടി​ക​ളാ​ണ് നാ​ട​ക​ങ്ങ​ളി​ൽ വേ​ഷ​മി​ട്ട​ത്.

സ്കൂ​ൾ ഓ​ഫ് ഡ്രാ​മ​യി​ലെ അ​വ​സാ​ന വ​ർ​ഷ ബി​രു​ദാ​ന​ന്ത​ര ബി​രു​ദ വി​ദ്യാ​ർ​ഥി​യാ​ണ് അ​മാ​സ്. എ​ച്ച്എസ് വി​ഭാ​ഗം നാ​ട​കം ടെ​ൻ ഡി ​റാ​പ്പേ​ഴ്‌​സി​ൽ കേ​ശ​വ​ൻ എ​ന്ന വി​ദ്യാ​ർ​ഥി​യായി ആൺവേ​ഷ​മി​ട്ട ആ​യി​ഷ എ​ന്ന പെ​ൺ​കു​ട്ടി​യാ​ണ് മി​ക​ച്ച ന​ട​നാ​യി തെ​ര​ഞ്ഞെ​ടു​ക്ക​പ്പെ​ട്ട​ത്.

ആ​ട് പു​ലി​യാ​ട്ട​ത്തി​ലെ മെ​മ്പ​റു​ടെ വേ​ഷ​മി​ട്ട അ​ന​ന്ദു യു. ​വി​ജ​യ്, ക​ക്കൂ​സി​ലെ ജോ​യി​യെ അ​വ​ത​രി​പ്പി​ച്ച വി​ഷ്ണു എ​ന്നി​വ​രാ​ണ് മ​റ്റ് വി​ഭാ​ഗ​ങ്ങി​ലെ മി​ക​ച്ച ന​ട​ന്മാ​ർ.