പ​യ്യ​ന്നൂ​ർ: രാ​മ​ന്ത​ളി കു​രി​ശു​മു​ക്കി​ൽ നി​യ​ന്ത്ര​ണം വി​ട്ട ഗു​ഡ്സ് വാ​ഹ​ന​മി​ടി​ച്ച് മ​രി​ച്ച തൊ​ഴി​ലു​റ​പ്പ് തൊ​ഴി​ലാ​ളി​ക​ളാ​യ മൂ​ന്നുപേ​ർ​ക്ക് നാ​ടി​ന്‍റെ ക​ണ്ണീ​രി​ൽ കു​തി​ർ​ന്ന അ​ന്ത്യാ​ഞ്ജ​ലി.

ക​ല്ലേ​റ്റും​ക​ട​വി​ലെ പി.​വി. ശോ​ഭ (54), ടി.​വി. യ​ശോ​ദ (68), ബി.​പി. ശ്രീ​ലേ​ഖ (47) എ​ന്നി​വ​ർ​ക്കാ​ണ് നാ​ട് വി​ടചൊ​ല്ലി​യ​ത്. നാ​നാ തു​റ​ക​ളി​ൽ​പ്പെ​ട്ട ആ​യി​ര​ങ്ങ​ളാ​ണ് അ​ന്ത്യാ​ഞ്ജ​ലി​യ​ർ​പ്പി​ക്കാ​നെ​ത്തി​യ​ത്. രാഷ്‌ട്രീയ, സാ​മൂ​ഹ്യ സം​ഘ​ട​നാ പ്ര​വ​ർ​ത്ത​ക​ർ, തൊ​ഴി​ലു​റ​പ്പ് തൊ​ഴി​ലാ​ളി​ക​ൾ തു​ട​ങ്ങി ആ​യി​ര​ങ്ങ​ൾ അ​ന്ത്യാ​ഞ്ജ​ലി​യ​ർ​പ്പി​ച്ചു. പ​രേ​ത​രോ​ടു​ള്ള ആ​ദ​ര സൂ​ച​ക​മാ​യി രാ​മ​ന്ത​ളി പ​ഞ്ചാ​യ​ത്തി​ൽ ഇ​ന്ന​ലെ ഉ​ച്ച​ക​ഴി​ഞ്ഞ് ര​ണ്ടുവ​രെ​ ഹ​ർ​ത്താ​ൽ ആ​ച​രി​ച്ചു.

ക​ല്ലേ​റ്റും​ക​ട​വി​ൽ നൂ​റുമീ​റ്റ​ർ പ​രി​ധി​ക്കു​ള്ളി​ലാ​ണ് മ​രി​ച്ച മൂ​ന്നു​പേ​രു​ടെ​യും വീ​ടു​ക​ൾ. പ​തി​നാ​റ് വ​ർ​ഷ​ത്തോ​ളം തൊ​ഴി​ലു​റ​പ്പു​മേ​ഖ​ല​യി​ൽ തൊ​ഴി​ൽ ചെ​യ്തി​രു​ന്ന മൂ​വ​രു​ടേ​യും മൃ​ത​ദേ​ഹ​ങ്ങ​ൾ രാ​മ​ന്ത​ളി​യി​ലെ സ​മു​ദാ​യ ശ്മ​ശാ​ന​ത്തി​ൽ ഏ​താ​ണ്ട് ഒ​രേ സ​മ​യ​മാ​യി​രു​ന്നു സം​സ്ക​രി​ച്ച​ത്.