സബ്ജൂണിയര്‍ ആന്‍ഡ് കിഡ്ഡീസ് തായ്‌ക്വാണ്ടോ കാസര്‍ഗോഡ് ഓവറോള്‍ ചാമ്പ്യന്മാര്‍
1464635
Monday, October 28, 2024 7:37 AM IST
കാഞ്ഞങ്ങാട്: 26-ാമത് സംസ്ഥാന സബ്ജൂണിയര്‍ ആന്‍ഡ് കിഡ്ഡീസ് തായ്‌ക്വാണ്ടോ ചാമ്പ്യന്‍ഷിപ്പില്‍ 413 പോയിന്‍റ് നേടി കാസര്‍ഗോഡ് ഓവറോള്‍ ചാമ്പ്യന്മാരായി. കണ്ണൂര്‍ (186) റണ്ണറപ്പായി.
കിഡ്ഡീസ് വിഭാഗത്തില്‍ കോഴിക്കോട് (65) ഒന്നാംസ്ഥാനവും പാലക്കാട് (49) രണ്ടാംസ്ഥാനവും നേടി. സബ്ജൂണിയര്‍ ബോയ്‌സ് വിഭാഗത്തില്‍ കാസര്‍ഗോഡ് (99) ഒന്നാംസ്ഥാനവും മലപ്പുറം (89) രണ്ടാംസ്ഥാനവും നേടി. സബ്ജൂണിയര്‍ ഗേള്‍സ് വിഭാഗത്തില്‍ കാസര്‍ഗോഡ് (97) ഒന്നാം സ്ഥാനവും കണ്ണൂര്‍ (68.1) രണ്ടാം സ്ഥാനവും നേടി. കിഡ്ഡീസ് ബോയ്‌സ് വിഭാഗത്തില്‍ കോഴിക്കോട് (37) ഒന്നാംസ്ഥാനവും കണ്ണൂര്‍ (25) രണ്ടാംസ്ഥാനവും നേടി. കിഡ്ഡീസ് ഗേള്‍സ് വിഭാഗത്തില്‍ 26 പോയിന്‍റുകള്‍ പങ്കിട്ടുകൊണ്ട് പാലക്കാട് ഒന്നാംസ്ഥാനവും കാസര്‍ഗോഡ് രണ്ടാം സ്ഥാനവും നേടി.
ദുര്‍ഗ സ്‌കൂളില്‍ നടന്ന ചാമ്പ്യന്‍ഷിപ്പിന്‍റെ സമാപനസമ്മേളനം ഇ. ചന്ദ്രശേഖരന്‍ എംഎല്‍എ ഉദ്ഘാടനം ചെയ്തു. പ്രിന്‍സിപ്പല്‍ എന്‍. വേണുനാഥ് അധ്യക്ഷത വഹിച്ചു.
ജില്ല സ്‌പോര്‍ട്‌സ് കൗണ്‍സില്‍ പ്രസിഡന്‍റ് ഹബീബ് റഹ്‌മാന്‍ മുഖ്യാതിഥിയായി.
പിടിഎ പ്രസിഡന്‍റ് എന്‍. വിനോദ്കുമാര്‍, എം. മുഹമ്മദ് അബ്ദുള്‍ നാസര്‍, ശോഭ ബാലന്‍, എം.കെ. രാജശേഖരന്‍, കെ. രാമചന്ദ്രന്‍, പി.സി. ഗോപിനാഥ്, സുനില്‍ രാധാകൃഷ്ണന്‍, എച്ച്.എല്‍. മഹേഷ്, ബി. ജയന്‍ എന്നിവര്‍ പ്രസംഗിച്ചു. വി.വി. മധു സ്വാഗതവും ബി.ഐ. പ്രകാശ് നന്ദിയും പറഞ്ഞു.