കൂ​ട്ടു​പു​ഴ എ​ക്സൈ​സ് ചെ​ക്ക്പോ​സ്റ്റി​ൽ വ​നി​താ ജീ​വ​ന​ക്കാ​രി​ല്ല; പ​രി​ശോ​ധ​ന അ​വ​താ​ള​ത്തി​ൽ
Sunday, May 26, 2024 8:27 AM IST
കൂ​ട്ടു​പു​ഴ: കേ​ര​ള -ക​ർ​ണാ​ട​ക അ​തി​ർ​ത്തി​യാ​യ കൂ​ട്ടു​പു​ഴ എ​ക്സൈ​സ് ചെ​ക്ക് പോ​സ്റ്റി​ൽ സ്ത്രീ ​യാ​ത്രി​ക​രെ പ​രി​ശോ​ധി​ക്കാ​ൻ വ​നി​താ ജീ​വ​ന​ക്കാ​രി​ല്ലാ​ത്ത​ത് തി​രി​ച്ച​ടി​യാ​കു​ന്നു. മ​യ​ക്കു​മ​രു​ന്ന് കേ​സു​ക​ൾ പി​ടി​കൂ​ടു​ന്ന അ​തി​ർ​ത്തി​യി​ലെ പ്ര​ധാ​ന ചെ​ക്ക് പോ​സ്റ്റി​ലാ​ണ് ഊ ​ദു​ര​വ​സ്ഥ. ദി​നം​പ്ര​തി ആ​യി​ര​ക്ക​ണ​ക്കി​ന് വാ​ഹ​ന​ങ്ങ​ൾ ക​ട​ന്നു പോ​കു​ന്ന ചെ​ക്ക് പോ​സ്റ്റി​ൽ വ​നി​ത ജീ​വ​ന​ക്കാ​രു​ടെ അ​സാ​ന്നി​ധ്യം വ​ലി​യ ബു​ദ്ധി​മു​ട്ടാ​ണ് സൃ​ഷ്ടി​ക്കു​ന്ന​ത്.

ഈ ​അ​വ​സ​രം മു​ത​ലാ​ക്കി സ്ത്രീ​ക​ളെ ഉ​പ​യോ​ഗി​ച്ച് ഇ​തു​വ​ഴി മ​യ​ക്കു​മ​രു​ന്നു​ക​ൾ ക​ട​ത്തു​ന്ന​താ​യി ആ​ക്ഷേ​പം ഉ​യ​രു​ന്നു​ണ്ട്. തെ​ര​ഞ്ഞെ​ടു​പ്പി​നോ​ട് അ​നു​ബ​ന്ധി​ച്ച് ര​ണ്ട് ആ​ഴ്ച​യോ​ളം ഇ​വി​ടെ വ​നി​താ ജീ​വ​ന​ക്കാ​രെ അ​നു​വ​ദി​ച്ചി​രു​ന്നു. ബം​ഗ​ളൂ​രു​വി​ൽ നി​ന്ന് എ​ത്തു​ന്ന വി​ദ്യാ​ർ​ഥി​ക​ളെ ഉ​പ​യോ​ഗി​ച്ച് മ​യ​ക്കു​മ​രു​ന്നു​ക​ൾ ക​ട​ത്തു​ന്ന​താ​യാ​ണ് ആ​ക്ഷേ​പം. ഇ​ക്കാ​ര്യം പ​രി​ശോ​ധി​ക്കാ​ൻ വ​നി​താ ജീ​വ​ന​ക്കാ​രി​ല്ലാ​ത്ത​ത് മ​യ​ക്കു​മ​രു​ന്ന് ക​ട​ത്തു സം​ഘ​ത്തി​ന് തു​ണ​യാ​വു​ക​യാ​ണ്.

പ​രാ​തി​ക​ൾ ഭ​യ​ന്ന് വ​നി​ത​ക​ൾ ഉ​ൾ​പ്പെ​ടു​ന്ന വാ​ഹ​ന​ങ്ങ​ളെ പ​രി​ശോ​ധി​ക്കാ​തെ ക​ട​ത്തി​വി​ടു​ക​യാ​ണ്. വി​ദ്യാ​ല​യ​ങ്ങ​ൾ തു​റ​ക്കു​ന്ന​തോ​ടെ വി​ദ്യാ​ർ​ഥി​ക​ളെ ല​ക്ഷ്യം​വ​ച്ചു​ള്ള മ​യ​ക്കു​മ​രു​ന്ന് സം​ഘ​വും സ​ജീ​വ​മാ​ണ്. ക​ണ്ണൂ​ർ ജി​ല്ല​യി​ൽ 50 വ​നി​ത എ​ക്സൈ​സ് ഉ​ദ്യോ​ഗ​സ്ഥ​ർ ജോ​ലി ചെ​യ്യു​ന്നു​ണ്ട്. ഇ​തി​ൽ ഒ​രു ഉ​ദ്യോ​ഗ​സ്ഥ​യെ കൂ​ട്ടു​പു​ഴ എ​ക്സൈ​സ് ചെ​ക്ക് പോ​സ്റ്റി​ൽ നി​യ​മി​ക്ക​ണം എ​ന്നാ​ണ് ജ​ന​ങ്ങ​ളു​ടെ ആ​വ​ശ്യം.