ഉണ്ണിമിശിഹാ പള്ളിക്ക് തറക്കല്ലിട്ടു
1601185
Monday, October 20, 2025 1:54 AM IST
ശ്രീകണ്ഠപുരം: ശ്രീകണ്ഠപുരം ഉണ്ണിമിശിഹാ തീർഥാടന പള്ളിയുടെ തറക്കല്ലിടൽ കർമവും സമ്പൂർണ മാതൃവേദി ഇടവക പ്രഖ്യാപനവും നടന്നു.
തിരുക്കർമങ്ങൾക്ക് തലശേരി ആർച്ച് ബിഷപ് മാർ. ജോസഫ് പാംപ്ലാനി മുഖ്യകാർമികത്വം വഹിച്ചു.
തലശേരി അതിരൂപത ചാൻസലർ ഫാ. ജോസഫ് മുട്ടത്ത്കുന്നേൽ, വികാരി ഫാ. ജോസഫ് മഞ്ചപ്പിള്ളിൽ, അസി. വികാരി ഫാ. മാർട്ടിൻ പാഴൂപ്പറമ്പിൽ എന്നിവർ സഹകാർമികരായിരുന്നു.
2010 ൽ സ്ഥാപിതമായ ശ്രീകണ്ഠപുരം ഇടവകയുടെ അനേക നാളുകളായുള്ള സ്വപ്നമാണ് യാഥാർഥ്യമാകുന്നത്.
ഇടവകയിലെ മുഴുവൻ അമ്മമാരേയും മാതൃവേദിയിൽ അംഗങ്ങളാക്കി എന്ന അപൂർവ നേട്ടവും സ്വന്തമാക്കുകയാണ് ശ്രീകണ്ഠപുരം ഇടവക. തിരുക്കർമങ്ങൾക്ക് ശേഷം സ്നേഹവിരുന്നും ഉണ്ടായിരുന്നു.