കോ​ഴി​ക്കോ​ട്: ആ​റ് വ​ർ​ഷം മു​മ്പ് കാ​ണാ​താ​യ വെ​സ്റ്റ്ഹി​ൽ ചു​ങ്കം സ്വ​ദേ​ശി വി​ജി​ലി​ന്‍റെ മൃ​ത​ദേ​ഹാ​വ​ശി​ഷ്ട​ങ്ങ​ൾ​ക്കാ​യു​ള്ള പ​രി​ശോ​ധ​ന ഇ​ന്ന് പു​ന​രാ​രം​ഭി​ക്കും.​നാ​ഷ​ണ​ൽ സെ​ന്‍റ​ർ ഫോ​ർ എ​ർ​ത്ത് സ​യ​ൻ​സ് ആ​ന്‍​ഡ് സ്റ്റ​ഡി സെ​ന്‍റ​റി(​എ​ൻ​സി​ഇ​എ​സ്എ​സ് സി) ​ന്‍റെ സ​ഹാ​യ​ത്തോ​ടെ​യാ​ണ് പ​രി​ശോ​ധ​ന ന​ട​ക്കു​ക.

കാ​ലാ​വ​സ്ഥ പ്ര​തി​കൂ​ല​മാ​യ​തി​നെ തു​ട​ർ​ന്നാ​യി​രു​ന്നു സ​രോ​വ​ര​ത്തി​ന് സ​മീ​പ​ത്തെ ച​തു​പ്പി​ലെ പ​രി​ശോ​ധ​ന നി​ർ​ത്തി​വ​ച്ച​ത്. മ​ഴ മാ​റി​യ സാ​ഹ​ച​ര്യ​ത്തി​ലാ​ണ് പ​രി​ശോ​ധ​ന വീ​ണ്ടും ന​ട​ത്തു​ന്ന​ത്. നി​ല​വി​ൽ ച​തു​പ്പി​ൽ മ​ഴ​വെ​ള്ള​വും ചെ​ളി​യും കെ​ട്ടി​കി​ട​ക്കു​ന്നു​ണ്ട്.

മോ​ട്ടോ​റു​ക​ളും ഹി​റ്റാ​ച്ചി​യും​എ​ത്തി​ച്ച്ആ​ദ്യം​ചെ​ളി​യും​വെ​ള്ള​വും വ​റ്റി​ക്കും. ച​തു​പ്പി​ലേ​ക്ക് ജെ​സി​ബി​യും മ​ണ്ണു​മാ​ന്തി​യും എ​ത്തി​ക്കു​ന്ന​തി​നാ​യി റോ​ഡ് നി​ർ​മി​ച്ചി​ട്ടു​ണ്ട്. തു​ട​ർ​ന്ന് എ​ൻ​സി​ഇ​എ​സ്എ​സ് സി​യു​ടെ റ​ഡാ​ർ സ​ഹാ​യ​ത്തോ​ടെ പ​രി​ശോ​ധ​ന​ ന​ട​ത്തും.

ലാ​ൻ​ഡ് പെ​നി​റ്റ്‌ റൈ​റ്റിം​ഗ് റ​ഡാ​ർ സം​വി​ധാ​നം മ​ണ്ണി​ന​ടി​യി​ലു​ള്ള മൃ​ത​ദേ​ഹ​വ​ശി​ഷ്ട​ങ്ങ​ൾ ക​ണ്ടെ​ത്താ​ൻ ഫ​ല​പ്ര​ദ​മാ​ണ്. അ​ഞ്ചു മു​ത​ൽ 10 മീ​റ്റ​ർ വ​രെ ആ​ഴ​ത്തി​ലു​ള്ള മൃ​ത​ദേ​ഹ അ​വ​ശി​ഷ്ട​ങ്ങ​ൾ ഇ​തു​വ​ഴി ക​ണ്ടെ​ത്താ​നാ​കും. ഇ​തി​ന് പു​റ​മേ ഡോ​ഗ് സ്‌​ക്വാ​ഡി​ലെ ക​ഡാ​വ​ർ നാ​യ​ക​ളു​ടെ സ​ഹാ​യ​വും ഉ​പ​യോ​ഗ​പ്പെ​ടു​ത്തും.

തെ​രി​ച്ചി​ലി​ന്‍റെ ഭാ​ഗ​മാ​യി ഒ​ന്നാം​പ്ര​തി എ​ര​ഞ്ഞി​പ്പാ​ലം കു​ള​ങ്ങ​ര​ക​ണ്ടി സ്വ​ദേ​ശി കെ.​കെ. നി​ഖി​ൽ , വേ​ങ്ങേ​രി സ്വ​ദേ​ശി ദീ​പേ​ഷ് എ​ന്നി​വ​രെ ഇ​ന്ന് ക​സ്റ്റ​ഡി​യി​ൽ വാ​ങ്ങും. 2019 മാ​ർ​ച്ച് 24നാ​ണ് വി​ജി​ലി​നെ കാ​ണാ​താ​യ​ത്. അ​മി​ത ല​ഹ​രി ഉ​പ​യോ​ഗ​ത്തെ തു​ട​ർ​ന്ന് മ​രി​ച്ച വി​ജി​ലി​ന്‍റെ മൃ​ത​ദേ​ഹം സു​ഹൃ​ത്തു​ക്ക​ളാ​യ നി​ഖി​ലും ദീ​പേ​ഷും ര​ഞ്ജി​ത്തും ചെ​ളി​യി​ൽ താ​ഴ്ത്തു​ക​യാ​യി​രു​ന്നു​വെ​ന്നാ​ണ് മൊ​ഴി.