കോ​ഴി​ക്കോ​ട്: ഫ​റോ​ക്ക് റെ​യി​ൽ​വേ സ്റ്റേ​ഷ​ൻ പ്ര​വേ​ശ​ന ഭാ​ഗ​ത്ത് പൂ​ട്ടു​ക​ട്ട പാ​കു​ന്ന പ്ര​വൃ​ത്തി ഇ​ഴ​ഞ്ഞു നീ​ങ്ങു​ന്ന​ത് യാ​ത്ര​ക്കാ​രെ വ​ല​യ്ക്കു​ന്നു. ര​ണ്ടാ​ഴ്ച മു​ൻ​പ് തു​ട​ങ്ങി​യ പ്ര​വൃ​ത്തി ഇ​തു​വ​രെ പാ​തി പോ​ലും ക​ഴി​ഞ്ഞി​ട്ടി​ല്ല. പ്ര​വൃ​ത്തി​യു​ടെ ഭാ​ഗ​മാ​യി സ്റ്റേ​ഷ​ൻ കെ​ട്ടി​ട പ​രി​സ​ര​ത്തേ​ക്ക് വാ​ഹ​ന​ങ്ങ​ൾ​ക്ക് വി​ല​ക്ക് ഏ​ർ​പ്പെ​ടു​ത്തി​യ​തി​നാ​ൽ ഏ​റെ ദൂ​രം ന​ട​ന്നു പോ​കേ​ണ്ട ഗ​തി​കേ​ടി​ലാ​ണ് യാ​ത്ര​ക്കാ​ർ.​

സ്റ്റേ​ഷ​നി​ലേ​ക്കു പ്ര​വേ​ശി​ക്കു​ന്ന പ്ര​ധാ​ന ക​വാ​ടം ഭാ​ഗി​ക​മാ​യി അ​ട​ച്ചി​ട്ടു​ണ്ട്. ഓ​ട്ടോ ടാ​ക്സി വാ​ഹ​ന​ങ്ങ​ൾ സ്റ്റേ​ഷ​ൻ വ​ള​പ്പി​ന് പു​റ​ത്താ​ണ് നി​ർ​ത്തി​യി​ടു​ന്ന​ത്. ഇ​തി​നാ​ൽ ട്രെ​യി​ൻ ഇ​റ​ങ്ങി വ​രു​ന്ന​വ​രും യാ​ത്ര​യ്ക്ക് എ​ത്തു​ന്ന​വ​രും പ്ര​യാ​സം നേ​രി​ടു​ക​യാ​ണ്. രോ​ഗി​ക​ൾ, വ​യോ​ധി​ക​ർ, ഭി​ന്ന​ശേ​ഷി​ക്കാ​ർ തു​ട​ങ്ങി​യ യാ​ത്ര​ക്കാ​രെ​യാ​ണ് ഏ​റെ ബാ​ധി​ക്കു​ന്ന​ത്. ക​ഴി​ഞ്ഞ 23ന് ​തു​ട​ങ്ങി​യ പൂ​ട്ടു​ക​ട്ട പാ​ക​ൽ വ​ള​രെ മ​ന്ദ​ഗ​തി​യി​ലാ​ണ് ന​ട​ക്കു​ന്ന​തെ​ന്ന് യാ​ത്ര​ക്കാ​ർ കു​റ്റ​പ്പെ​ടു​ത്തി.

അ​മൃ​ത് ഭാ​ര​ത് സ്റ്റേ​ഷ​ൻ പ​ദ്ധ​തി​യി​ൽ ഉ​ൾ​പ്പെ​ടു​ത്തി​യാ​ണ് ഫ​റോ​ക്ക് സ്റ്റേ​ഷ​നി​ൽ റെ​യി​ൽ​വേ ന​വീ​ക​ര​ണം ന​ട​പ്പാ​ക്കു​ന്ന​ത്.2024 ഫെ​ബ്രു​വ​രി​യി​ൽ നി​ർ​മാ​ണോ​ദ്ഘാ​ട​നം ന​ട​ത്തി​യ പ​ദ്ധ​തി പ​ല സ്റ്റേ​ഷ​നു​ക​ളി​ലും പൂ​ർ​ത്തി​യാ​യെ​ങ്കി​ലും ഫ​റോ​ക്കി​ലെ പ്ര​വൃ​ത്തി​ക​ൾ ഇ​തു​വ​രെ പൂ​ർ​ത്തി​യാ​യി​ട്ടി​ല്ല.

ര​ണ്ടാം പ്ലാ​റ്റ്ഫോ​മി​ന്‍റെ ഉ​പ​രി​ത​ലം ഉ​യ​രം കൂ​ട്ട​ൽ, സ്റ്റേ​ഷ​ൻ ക​വാ​ട​ത്തി​ൽ പു​തി​യ പൂ​മു​ഖം (പോ​ർ​ട്ടി​ക്കോ) നി​ർ​മി​ക്ക​ൽ, പാ​ർ​ക്കിംഗ് ഏ​രി​യ വി​പു​ലീ​ക​ര​ണം, അ​ല​ങ്കാ​ര വി​ള​ക്കു​ക​ൾ തു​ട​ങ്ങി​യ പ്ര​വൃ​ത്തി​ക​ൾ ഇ​നി​യും പൂ​ർ​ത്തി​യാ​ക്കാ​നു​ണ്ട്. നി​ർ​മാ​ണ ജോ​ലി​ക​ൾ ഇ​ഴ​ഞ്ഞു നീ​ങ്ങു​ന്ന​തി​നെ​തി​രെ പ്ര​തി​ഷേ​ധ​വു​മാ​യി യാ​ത്ര​ക്കാ​ർ രം​ഗ​ത്തെ​ത്തി​യി​ട്ടു​ണ്ട്.