കൊ​യി​ലാ​ണ്ടി: കൊ​ല്ലം പി​ഷാ​രി​കാ​വ് ക്ഷേ​ത്ര​കാ​ളി​യാ​ട്ട മ​ഹോ​ത്‌​സ​വ​ത്തി​ന്‍റെ ഭാ​ഗ​മാ​യി അ​ഞ്ച്, ആ​റ് തീ​യ​തി​ക​ളി​ല്‍​സു​ര​ക്ഷാ സം​വി​ധാ​ന​വും ദേ​ശീ​യ​പാ​ത​യി​ൽ വാ​ഹ​ന​ക്ര​മീ​ക​ര​ണ​ങ്ങ​ളും ഏ​ര്‍​പ്പെ​ടു​ത്തി.

കൂ​ടാ​തെ സു​ര​ക്ഷാ ശ​ക്ത​മാ​ക്കാ​നും തീ​രു​മാ​നി​ച്ചു. ക്ഷേ​ത്ര പ​രി​സ​ര​ങ്ങ​ളി​ലും മ​റ്റും സി​സി​ടി​വി ക്യാ​മ​റ​ക​ൾ സ​ജീ​ക​രി​ച്ച് നി​രീ​ക്ഷ​ണം ന​ട​ത്തും റു​റ​ൽ ല്ല​യി​ലെ വി​വി​ധ സ്റ്റേ​ഷ​നു​ക​ളി​ൽ നി​ന്നാ​യി 300 ഓ​ളം പോ​ലീ​സു​കാ​രാ​ണ് ഡ്യൂ​ട്ടി​യി​ൽ ഉ​ണ്ടാ​വു​ക.

മ​ഫ്ടി, വ​നി​ത, പി​ങ്ക് പോ​ലീ​സ് നീ​രീ​ക്ഷ​ണ​വുംര​ണ്ട് ദി​വ​സ​ങ്ങ​ളി​ൽ ഡ്രോ​ൺ നി​രീ​ക്ഷ​ണ​വും ഉ​ണ്ടാ​വു​മെ​ന്ന് പോ​ലീ​സ് അ​റി​യി​ച്ചു. വ​ലി​യ​വി​ള​ക്ക് ദി​വ​സം ദേ​ശീ​യ​പാ​ത​യി​ൽ രാ​വി​ലെ പ​ത്ത് മു​ത​ല്‍ രാ​ത്രി പ​ത്ത് വ​രെ കോ​ഴി​ക്കോ​ട് ഭാ​ഗ​ത്തു​നി​ന്ന് വ​രു​ന്ന വ​ലി​യ വാ​ഹ​ന​ങ​ൾ പാ​വ​ങ്ങാ​ട് അ​ത്തോ​ളി, ഉ​ള്ളി​യേ​രി പേ​രാ​മ്പ്ര​വ​ഴി പ​യ്യോ​ളി​യി​ൽ ക​യ​റ​ണം. ചെ​റി​യ വാ​ഹ​ന​ങ്ങ​ൾ ചെ​ങ്ങോ​ട്ടു കാ​വ് ബൈ​പ്പാ​സ് വ​ഴി മൂ​ടാ​ടി ഹൈ​വേ​യി​ൽ പ്ര​വേ​ശി​ക്ക​ണം.

വ​ട​ക​ര ഭാ​ഗ​ത്തു​നി​ന്നു വ​രു​ന്ന വ​ലി​യ വാ​ഹ​ന​ങ്ങ​ൾ പ​യ്യോ​ളി, പേ​രാ​മ്പ്ര, ഉ​ള്ളി​യേ​രി, അ​ത്തോ​ളി പാ​വ​ങ്ങാ​ട് വ​ഴി പോ​ക​ണം. ചെ​റി​യ വാ​ഹ​ന​ങ്ങ​ൾ മൂ​ടാ​ടി​യി​ൽ നി​ന്നും ബൈ​പ്പാ​സി​ൽ പ്ര​വേ​ശി​ച്ച് ചെ​ങ്ങോ​ട്ടു​കാ​വി​ൽ ക​യ​റ​ണം. വ​ട​ക​ര​യി​ൽ​നി​ന്നും കൊ​യി​ലാ​ണ്ടി​യി​ലെ​ക്ക് വ​രു​ന്ന ബ​സു​ക​ൾ കൊ​ല്ലം ചി​റ​യി​ൽ നി​ർ​ത്തി തി​രി​ച്ച് പോ​ക​ണം. കൊ​യി​ലാ​ണ്ടി ഭാ​ഗ​ത്തു​നി​ന്നു​ള്ള ബ​സു​ക​ള്‍ കൊ​ല്ലം പെ​ട്രോ​ൾ പ​മ്പി​ൽ നി​ർ​ത്തി തി​രി​ച്ച് പോ​ക​ണം.