ചു​ങ്ക​ത്ത​റ: ചു​ങ്ക​ത്ത​റ ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റി​നെ​തി​രെ യു​ഡി​എ​ഫ് അം​ഗ​ങ്ങ​ള്‍ അ​വി​ശ്വാ​സ പ്ര​മേ​യ​ത്തി​ന് നോ​ട്ടീ​സ് ന​ല്‍​കി. ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ് സി​പി​എ​മ്മി​ലെ ടി.​പി. റീ​ന​ക്കെ​തി​രേ​യാ​ണ് യു​ഡി​എ​ഫി​ലെ 10 അം​ഗ​ങ്ങ​ള്‍ ഒ​പ്പി​ട്ട നോ​ട്ടീ​സ് നി​ല​മ്പൂ​ര്‍ ബി​ഡി​ഒ​ക്ക് സ​മ​ര്‍​പ്പി​ച്ചി​രി​ക്കു​ന്ന​ത്. ഇ​രു​പ​ത് വാ​ര്‍​ഡു​ക​ളു​ള്ള പ​ഞ്ചാ​യ​ത്തി​ല്‍ എ​ല്‍​ഡി​എ​ഫി​നും യു​ഡി​എ​ഫി​നും പ​ത്ത് വീ​തം അം​ഗ​ങ്ങ​ളാ​ണു​ള്ള​ത്. എ​ന്നാ​ല്‍, എ​ല്‍​ഡി​എ​ഫ് പ​ക്ഷ​ത്തു​ള്ള അം​ഗ​ങ്ങ​ളി​ല്‍ ചി​ല​രി​ല്‍ നി​ന്ന് പി​ന്തു​ണ ല​ഭി​ക്കു​മെ​ന്ന വി​ശ്വാ​സ​ത്തി​ലാ​ണ് യു​ഡി​എ​ഫി​ന്‍റെ നീ​ക്കം.

ഭ​ര​ണ​സ​മി​തി അ​ധി​കാ​ര​ത്തി​ല്‍ വ​ന്ന​ശേ​ഷം മൂ​ന്നാം ത​വ​ണ​യാ​ണ് ചു​ങ്ക​ത്ത​റ ഗ്രാ​മ​പ​ഞ്ചാ​യ​ത്തി​ല്‍ ഭ​ര​ണ​ക​ക്ഷി​ക്കെ​തി​രേ അ​വി​ശ്വാ​സം വ​രു​ന്ന​ത്. 10 വീ​തം അം​ഗ​ങ്ങ​ള്‍ ആ​യ​തോ​ടെ ന​റു​ക്കെ​ടു​പ്പി​ലൂ​ടെ കോ​ണ്‍​ഗ്ര​സി​ലെ വ​ത്സ​മ്മ സെ​ബാ​സ്റ്റ്യ​ന്‍ പ്ര​സി​ഡ​ന്‍റാ​യും ലീ​ഗി​ലെ സൈ​ന​ബ മാ​മ്പ​ള്ളി വൈ​സ് പ്ര​സി​ഡ​ന്‍റാ​യു​മു​ള്ള യു​ഡി​എ​ഫ് ഭ​ര​ണ​സ​മി​തി​യാ​ണ് ആ​ദ്യം അ​ധി​കാ​ര​ത്തി​ലേ​റി​യ​ത്. എ​ന്നാ​ല്‍ അ​ധി​കം വൈ​കാ​തെ എ​ല്‍​ഡി​എ​ഫ് അ​വി​ശ്വാ​സം കൊ​ണ്ടു​വ​രി​ക​യും ലീ​ഗ് സ്വ​ത​ന്ത്ര എം.​കെ. ന​ജ്മു​ന്നി​സ​യു​ടെ എ​ൽ​ഡി​എ​ഫി​നെ പി​ന്തു​ണ​ച്ച​തോ​ടെ വ​ത്സ​മ്മ സെ​ബാ​സ്റ്റ്യ​ന്‍ പ്ര​സി​ഡ​ന്‍റ് സ്ഥാ​ന​ത്തു​നി​ന്നും സൈ​ന​ബ മാ​മ്പ​ള്ളി വൈ​സ് പ്ര​സി​ഡ​ന്‍റ്സ്ഥാ​ന​ത്തു നി​ന്നും പു​റ​ത്താ​യി.

ലീ​ഗ് സ്വ​ത​ന്ത്ര എം.​കെ. ന​ജ്മു​ന്നി​സ പ്ര​സി​ഡ​ന്‍റാ​യി തെ​ര​ഞ്ഞെ​ടു​ക്ക​പ്പെ​ടു​ക​യും ചെ​യ്തു. എ​ന്നാ​ല്‍ ഒ​രു വ​ര്‍​ഷ​ത്തി​ന് ശേ​ഷം കൂ​റു​മാ​റ്റ നി​രോ​ധ​ന നി​യ​മ​ത്തി​ന്‍റെ അ​ടി​സ്ഥാ​ന​ത്തി​ല്‍ ലീ​ഗ് ന​ല്‍​കി​യ പ​രാ​തി പ​രി​ഗ​ണി​ച്ച തെ​ര​ഞ്ഞെ​ടു​പ്പ് ക​മ്മീ​ഷ​ന്‍ ന​ജ്മു​ന്നി​സ​യെ അ​യോ​ഗ്യ​യാ​ക്കി ഉ​ത്ത​ര​വി​റ​ക്കി. ഇ​തോ​ടെ എ​ല്‍​ഡി​എ​ഫി​ന് പ​ത്തും യു​ഡി​എ​ഫി​ന് ഒ​മ്പ​തും അം​ഗ​ങ്ങ​ളാ​യി. സി​പി​എ​മ്മി​ലെ ടി.​പി. റീ​ന പു​തി​യ പ്ര​സി​ഡ​ന്‍റാ​യി ചു​മ​ത​ല​യേ​റ്റു.

ക​ള​ക്കു​ന്ന് വാ​ര്‍​ഡി​ല്‍ ന​ട​ന്ന ഉ​പ​തെ​ര​ഞ്ഞെ​ടു​പ്പി​ല്‍ ലീ​ഗി​ലെ കെ.​പി. മൈ​മൂ​ന വി​ജ​യി​ച്ചെ​ങ്കി​ലും അം​ഗ​ബ​ലം തു​ല്യ​മാ​യ​തി​നാ​ല്‍ ടി.​പി. റീ​ന​യു​ടെ പ്ര​സി​ഡ​ന്‍റ് പ​ദ​വി​ക്ക് ഇ​ള​ക്കം ത​ട്ടി​യി​ല്ല. മു​ന്‍ എം​എ​ല്‍​എ പി.​വി. അ​ന്‍​വ​റി​ന്‍റെ പു​തി​യ പാ​ര്‍​ട്ടി​യു​ടെ ഇ​ട​പെ​ട​ല്‍ കൂ​ടി​യാ​യി​ട്ടാ​ണ് ഇ​പ്പോ​ള്‍ അ​വി​ശ്വാ​സ പ്ര​മേ​യ​ത്തി​ന് നോ​ട്ടീ​സ് ന​ല്‍​കി​യ​തെ​ന്നാ​ണ് വി​ല​യി​രു​ത്തു​ന്ന​ത്.