നി​ല​മ്പൂ​ര്‍: പെ​രു​മു​ണ്ട​മാ​ട്ട​ട ശ​ങ്ക​ര​ന്‍​നാ​യ​ര്‍ റോ​ഡ് ഏ​റ്റെ​ടു​ത്ത് ചാ​ലി​യാ​ര്‍ ഗ്രാ​മ​പ​ഞ്ചാ​യ​ത്ത്. പോ​ലീ​സ് വ​ല​യ​ത്തി​ല്‍ ഗ്രാ​മ​പ​ഞ്ചാ​യ​ത്ത് സെ​ക്ര​ട്ട​റി, പ​ഞ്ചാ​യ​ത്ത് സ്ഥി​രം​സ​മി​തി അ​ധ്യ​ക്ഷ​ന്‍, പ​ഞ്ചാ​യ​ത്ത് അ​സി​സ്റ്റ​ന്‍റ് എ​ന്‍​ജി​നി​യ​ര്‍ എ​ന്നി​വ​രു​ടെ നേ​തൃ​ത്വ​ത്തി​ലാ​ണ് പ​ഞ്ചാ​യ​ത്തി​ന്‍റെ ആ​സ്തി ര​ജി​സ്റ്റ​റി​ലു​ള്ള റോ​ഡ് അ​ള​ന്ന് കു​റ്റി​യ​ടി​ച്ച് ജെ​സി​ബി ഉ​പ​യോ​ഗി​ച്ച് റോ​ഡ് ന​ട​പ്പാ​ത​യാ​ക്കി മാ​റ്റി​യ​ത്. ജ​ന​ങ്ങ​ള്‍​ക്ക് റോ​ഡ് വി​ട്ടു ന​ല്‍​കു​ക​യും ചെ​യ്തു.

ഇ​ന്ന​ലെ രാ​വി​ലെ 10.15 ഓ​ടെ റോ​ഡ് അ​ള​ന്ന് തി​ട്ട​പ്പെ​ടു​ത്തി ജ​ന​ങ്ങ​ള്‍​ക്ക് തു​റ​ന്ന് കൊ​ടു​ക്കാ​നാ​യി പ​ഞ്ചാ​യ​ത്ത് അ​ധി​കൃ​ത​രെ​ത്തി. സെ​ക്ര​ട്ട​റി അ​നീ​ഷ് ജി​ല്ലാ പോ​ലീ​സ് മേ​ധ​വി​ക്ക് ന​ല്‍​കി​യ അ​പേ​ക്ഷ പ​രി​ഗ​ണി​ച്ച് നി​ല​മ്പൂ​ര്‍ എ​സ്ഐ തോ​മ​സ്കു​ട്ടി ജോ​സ​ഫി​ന്‍റെ നേ​തൃ​ത്വ​ത്തി​ല്‍ വ​നി​താ പോ​ലീ​സ് ഉ​ള്‍​പ്പെ​ടെ പോ​ലീ​സു​കാ​രു​മെ​ത്തി. റോ​ഡ് അ​ള​ക്കാ​നും കു​റ്റി​യ​ടി​ക്കാ​നു​മു​ള്ള നീ​ക്ക​ത്തി​നി​ടെ സ്ഥ​ലം ത​ന്‍റേ​താ​ണെ​ന്ന വാ​ദ​വു​മാ​യി മു​ട്ടോ​ട്ടി​ല്‍ ല​ക്ഷ്മി​യും സ​ഹോ​ദ​രി​യും രം​ഗ​ത്ത് വ​ന്നു.
അ​ടി​ച്ച കു​റ്റി ഇ​വ​ര്‍ പി​ഴു​തെ​ടു​ത്തെ​ങ്കി​ലും പോ​ലീ​സ് അ​ത് പി​ടി​ച്ചെ​ടു​ത്തു.

പ​ഞ്ചാ​യ​ത്തി​ന്‍റെ ആ​സ്തി ര​ജി​സ്റ്റ​റി​ലു​ള്ള സ്ഥ​ലം അ​ള​ക്കു​മ്പോ​ള്‍ ത​ട​യാ​ന്‍ ക​ഴി​യി​ല്ലെ​ന്നും മാ​ര്‍​ഗ​ത​ട​സ​മു​ണ്ടാ​ക്കി​യാ​ല്‍ കേ​സ് എ​ടു​ക്കു​മെ​ന്നും പോ​ലീ​സ് അ​റി​യി​ച്ചെ​ങ്കി​ലും ല​ക്ഷ്മി പ്ര​തി​ഷേ​ധം തു​ട​ര്‍​ന്നു. എ​ന്നാ​ല്‍ ഇ​ത് അ​വ​ഗ​ണി​ച്ച് അ​ള​ന്ന് തി​ട്ട​പ്പെ​ടു​ത്തി കു​റ്റി​യ​ടി​ച്ചു. തു​ട​ര്‍​ന്ന് ജെ​സി​ബി ഉ​പ​യോ​ഗി​ച്ച് 4.20 മീ​റ്റ​ര്‍ വീ​തി​യി​ല്‍ 300 മീ​റ്റ​ര്‍ നീ​ള​ത്തി​ല്‍ മ​ണ്ണ്റോ​ഡ് നി​ര്‍​മി​ച്ചു.

38 വ​ര്‍​ഷ​മാ​യി നി​ല​നി​ല്‍​ക്കു​ന്ന ത​ര്‍​ക്ക​ത്തി​നാ​ണ് പ​ഞ്ചാ​യ​ത്ത് ഭ​ര​ണ സ​മി​തി​യു​ടെ​യും സെ​ക്ര​ട്ട​റി​യു​ടെ​യും ശ​ക്ത​മാ​യ ഇ​ട​പെ​ട​ലി​ലൂ​ടെ പ​രി​ഹാ​ര​മാ​യ​ത്. പ​ഞ്ചാ​യ​ത്തി​ന്‍റെ ആ​സ്തി ര​ജി​സ്റ്റ​റി​ലു​ള്ള റോ​ഡി​ന്‍റെ അ​വ​കാ​ശം ഉ​ന്ന​യി​ക്കു​ന്ന മു​ട്ടോ​ട്ടി​ല്‍ ല​ക്ഷ്മി​ക്ക് ആ​ധാ​ര​പ്ര​കാ​രം 50 സെ​ന്‍റ് സ്ഥ​ലം മാ​ത്ര​മാ​ണു​ള്ള​ത്.

റി​സ​ര്‍​വേ​യി​ല്‍ ഇ​വ​രു​ടെ കൈ​വ​ശം 64 സെ​ന്‍റ് സ്ഥ​ലം ഉ​ണ്ടെ​ന്ന് ക​ണ്ടെ​ത്തി​യി​രു​ന്നു. ഈ ​കൈ​യേ​റ്റ​ത്തി​ല്‍ പ​ഞ്ചാ​യ​ത്ത് റോ​ഡും ഉ​ള്‍​പ്പെ​ട്ടി​ട്ടു​ണ്ട്. ഇ​ത് വീ​ണ്ടെ​ടു​ക്കു​ക മാ​ത്ര​മാ​ണ് ചെ​യ്ത​തെ​ന്ന് ചാ​ലി​യാ​ര്‍ പ​ഞ്ചാ​യ​ത്ത് വി​ക​സ​ന കാ​ര്യ സ്ഥി​രം​സ​മി​തി അ​ധ്യ​ക്ഷ​ന്‍ തോ​ണി​യി​ല്‍ സു​രേ​ഷും പ​ഞ്ചാ​യ​ത്ത് സെ​ക്ര​ട്ട​റി അ​നീ​ഷും പ​റ​ഞ്ഞു.