മ​ഞ്ചേ​രി: പ​ട്ടി​ക​ജാ​തി​ക്കാ​രാ​യ ദ​മ്പ​തി​മാ​രെ മ​ര്‍​ദി​ച്ച സം​ഭ​വ​ത്തി​ല്‍ പ്ര​തി​ക്ക് മ​ഞ്ചേ​രി എ​സ്‌​സി-​എ​സ്ടി സ്പെ​ഷ​ല്‍ കോ​ട​തി ഒ​രു വ​ര്‍​ഷം ത​ട​വി​നും ആ​യി​രം രൂ​പ പി​ഴ​യ​ട​ക്കാ​നും ശി​ക്ഷ വി​ധി​ച്ചു. തി​രൂ​ര്‍ ബി​പി അ​ങ്ങാ​ടി പു​ളി​ഞ്ചോ​ട് മ​ണ്ണാ​റാ​ട് ല​ക്ഷം​വീ​ട് കോ​ള​നി​യി​ല്‍ ത​ണ്ടാം​വീ​ട്ടി​ല്‍ പ്ര​സാ​ദി(40)​നെ​യാ​ണ് എ​സ്‌​സി-​എ​സ്ടി സ്പെ​ഷ​ല്‍ കോ​ട​തി ജ​ഡ്ജ് എം.​പി. ജ​യ​രാ​ജ് ശി​ക്ഷി​ച്ച​ത്. 2022 ജൂ​ണ്‍ 10ന് ​രാ​ത്രി​യാ​ണ് കേ​സി​നാ​സ്പ​ദ​മാ​യ സം​ഭ​വം.

പു​ത്ത​ന്‍​കു​ള​ത്തി​ന്‍റെ വ​ക്ക​ത്ത്‌​വീ​ട്ടി​ല്‍ ച​ന്ദ്ര​ന്‍റെ ഭാ​ര്യ വി​ലാ​സി​നി​യാ​ണ് പ​രാ​തി​ക്കാ​രി. പ​രാ​തി​ക്കാ​രി​യും കു​ടും​ബ​വും താ​മ​സി​ക്കു​ന്ന ല​ക്ഷം വീ​ട് കോ​ള​നി​യി​ലെ അ​ന്തേ​വാ​സി​യാ​ണ് പ്ര​തി​യും. ഇ​രു​കൂ​ട്ട​രു​ടെ​യും വീ​ടി​ന് മു​ന്‍​വ​ശ​ത്ത് കൂ​ടെ പോ​കു​ന്ന ഡ്രൈ​നേ​ജ് പ്ര​തി ക​ല്ലും മ​ണ്ണും ഉ​പ​യോ​ഗി​ച്ച് ത​ട​ഞ്ഞു​വ​ച്ചി​രു​ന്നു.

ഇ​ക്കാ​ര്യം സം​ബ​ന്ധി​ച്ച് ച​ന്ദ്ര​ന്‍ ആ​രോ​ഗ്യ​വ​കു​പ്പി​ലും പ​ഞ്ചാ​യ​ത്തി​ലും പ​രാ​തി​പ്പെ​ട്ടു. തു​ട​ര്‍​ന്ന് ഉ​ദ്യോ​ഗ​സ്ഥ​ര്‍ ഇ​വ നീ​ക്കം ചെ​യ്യാ​ന്‍ നി​ര്‍​ദേ​ശി​ച്ച​ത് പ്ര​കാ​രം എ​ത്തി​യ മു​സ്ത​ഫ എ​ന്ന വ്യ​ക്തി​യെ പ്ര​തി മ​ർ​ദി​ച്ചു. ഇ​ത് ത​ട​യാ​നെ​ത്തി​യ ച​ന്ദ്ര​നും വി​ലാ​സി​നി​ക്കും പ്ര​തി​യി​ൽ​നി​ന്ന് മ​ര്‍​ദ​ന​മേ​റ്റു. തി​രൂ​ര്‍ ഡി​വൈ​എ​സ്പി വി.​വി. ബെ​ന്നി ആ​യി​രു​ന്നു അ​ന്വേ​ഷ​ണ ഉ​ദ്യോ​ഗ​സ്ഥ​ന്‍. പ്രോ​സി​ക്യൂ​ഷ​ന് വേ​ണ്ടി ഹാ​ജ​രാ​യ സ്പെ​ഷ​ല്‍ പ​ബ്ലി​ക് പ്രോ​സി​ക്യൂ​ട്ട​ര്‍ അ​ബ്ദു​ള്‍ സ​ത്താ​ര്‍ ത​ലാ​പ്പി​ല്‍ 10 സാ​ക്ഷി​ക​ളെ കോ​ട​തി മു​മ്പാ​കെ വി​സ്ത​രി​ച്ചു.