നെ​ടു​മ​ങ്ങാ​ട് : ന​മ്പ​രും തീ​യ​തി​യും തി​രു​ത്തി​യ ലോ​ട്ട​റി ന​ൽ​കി ക​ച്ച​വ​ട​ക്കാ​ര​നെ ക​ബ​ളി​പ്പി​ച്ച് അ​ജ്ഞാ​ത​രാ​യ ര​ണ്ടു പേ​ർ പ​ണ​വും ലോ​ട്ട​റി​യും അ​പ​ഹ​രി​ച്ചു. നെ​ടു​മ​ങ്ങാ​ട് ഇ​ര്യ​നാ​ട് സ്വ​ദേ​ശി മോ​ഹ​ന​ൻ ആ​ശാ​രി​യു​ടെ പ​ക്ക​ൽ നി​ന്നാ​ണു ഹെ​ൽ​മ​റ്റ് ധ​രി​ച്ച് ബൈ​ക്കി​ലെ​ത്തി​യ ര​ണ്ടു പേ​ർ സ​മ്മാ​നം ല​ഭി​ച്ചു​വെ​ന്ന വ്യാ​ജേ​ന ലോ​ട്ട​റി​യി​ൽ സ​മ്മാ​നം ല​ഭി​ച്ച ന​മ്പ​ർ വെ​ട്ടി ഒ​ട്ടി​ച്ച് പ​ണം ത​ട്ടി​യെ​ടു​ത്ത​ത്.

ക​ഴി​ഞ്ഞ ദി​വ​സം പ​ഴ​കു​റ്റി വേ​ങ്ക​വി​ള​യ്ക്കു സ​മീ​പ​ത്തു​വ​ച്ച് ബൈ​ക്കി​ലെ​ത്തി​യ ര​ണ്ടു പേ​ർ ന​ട​ന്നു ലോ​ട്ട​റി ക​ച്ച​വ​ടം ചെ​യ്യു​ന്ന മോ​ഹ​ന​ൻ ആ​ശാ​രി​യി​ൽ​നി​ന്നും 40 പു​തി​യ ലോ​ട്ട​റി ടി​ക്ക​റ്റു​ക​ളെ​ടു​ത്തു.

തു​ട​ർ​ന്നു ത​ങ്ങ​ളു​ടെ പ​ക്ക​ലു​ള്ള 5000 രൂ​പ വീ​തം സ​മ്മാ​നം ല​ഭി​ച്ച ലോ​ട്ട​റി​യു​ടെ പ​ണം വേ​ണ​മെ​ന്നും ത​ങ്ങ​ൾ എ​ടു​ത്ത ലോ​ട്ട​റി​യു​ടെ വി​ല കു​റ​വ് ചെ​യ്ത് ബാ​ക്കി തു​ക ആ​വ​ശ്യ​പ്പെ​ട്ട് വെ​ട്ടി ഒ​ട്ടി​ച്ച ലോ​ട്ട​റി ന​ൽ​കു​ക​യും ചെ​യ്തു. എ​ന്നാ​ൽ ഒ​ന്പ​തു ലോ​ട്ട​റി​ക്ക് ന​ൽ​കാ​നു​ള്ള സ​മ്മാ​ന​തു​ക കൈ​വ​ശ​മി​ല്ലാ​ത്ത​തി​നാ​ൽ മോ​ഹ​ന​ൻ ആ​ശാ​രി ഒ​രു ടി​ക്ക​റ്റ് മാ​ത്രം സ്വീ​ക​രി​ച്ച് അ​വ​ർ എ​ടു​ത്ത പു​തി​യ ലോ​ട്ട​റി​യു​ടെ വി​ല ക​ഴി​ച്ചു​ള്ള തു​ക ന​ൽ​കി.

ഏ​ജ​ൻ​സി​യി​ൽ എ​ത്തി ടി​ക്ക​റ്റ് കൈ​മാ​റി​യ​പ്പോ​ഴാ​ണ് താ​ൻ ക​ബ​ളി​പ്പി​ക്ക​പ്പെ​ട്ട കാ​ര്യം മോ​ഹ​ന​ൻ അ​റി​യു​ന്ന​ത്. 17.03.2025 ലെ​ഒ​ന്നാം സ​മ്മ​നം 75 ല​ക്ഷം ന​ൽ​കു​ന്ന വി​ൻ വി​ൻ ലോ​ട്ട​റി​യി​ൽ 07. 04.2025 എ​ന്ന തീ​യ​തി​യും w816 എ​ന്ന ന​മ്പ​റും ക്യൂ​ആ​ർ കോ​ഡും വെ​ട്ടി ഒ​ട്ടി​ച്ചി​ട്ടു​ണ്ട്.