നെ​യ്യാ​റ്റി​ൻ​ക​ര: ന​ഗ​ര​സ​ഭ മ​ല​ഞ്ചാ​ണി​യി​ല്‍ നി​ര്‍​മി​ക്കു​ന്ന "ശാ​ന്തി​യി​ടം' വാ​ത​ക ശ്മ​മാ​ന​ത്തി​ല്‍ അ​ടു​ത്ത മാ​സം യ​ന്ത്ര​സാ​മ​ഗ്രി​ക​ള്‍ സ്ഥാ​പി​ക്കും. മൂ​ന്നു മാ​സ​ത്തി​ന​കം നി​ര്‍​മാ​ണ പ്ര​വൃത്തി​ക​ള്‍ പൂ​ര്‍​ത്തി​യാ​ക്കാ​നാ​ണ് ന​ഗ​ര​സ​ഭ തീ​രു​മാ​നം.

5,000 ച​തു​ര​ശ്ര​യ​ടി വി​സ്തൃ​തി​യു​ള്ള കെ​ട്ടി​ട​ത്തി​ന്‍റെ നി​ര്‍​മാ​ണ​മാ​ണ് ശാ​ന്തി​യി​ട​ത്തി​നാ​യി രൂ​പ​ക​ല്‍​പ്പ​ന ചെ​യ്തി​ട്ടു​ള്ള​ത്. ആ​ദ്യം 95 ല​ക്ഷം രൂ​പ നീ​ക്കിവ​ച്ചെ​ങ്കി​ലും ഈ ​തു​ക അ​പ​ര്യാ​പ്ത​മെന്നു ബോ​ധ്യ​മാ​യ​തി​നെ തു​ട​ര്‍​ന്ന് 2025-26 സാ​ന്പ​ത്തി​ക വ​ര്‍​ഷ​ത്തേ​യ്ക്കു​ള്ള ബ​ജ​റ്റി​ല്‍ 75 ല​ക്ഷം രൂ​പകൂ​ടി വ​ക​യി​രു​ത്തി.

കെ​ട്ടി​ടത്തി​ന്‍റെ അ​ടി​സ്ഥാ​ന​ശി​ല സ്ഥാ​പി​ക്ക​ല്‍, കോ​ൺ​ക്രീ​റ്റിം​ഗ് എ​ന്നി​വ ഇ​തിന​കം പൂ​ര്‍​ത്തി​യാ​യി. തൂ​ണു​ക​ള്‍ സ്ഥാ​പി​ച്ചു ചു​മ​രും മേ​ല്‍​ക്കൂ​ര​യും ഒ​രു​ക്കു​ക​യാ​ണ് അ​ടു​ത്ത ഘ​ട്ടം. ശാ​ന്തി​യി​ട​ത്തി​ന്‍റെ പ്ര​വേ​ശ​ന ക​വാ​ട​ത്തി​നു സ​മീ​പ​ത്താ​യി ആ​ക​ര്‍​ഷ​ക​മാ​യ ഉ​ദ്യാ​നം നി​ര്‍​മി​ക്കാ​നും ന​ഗ​ര​സ​ഭ തീ​രു​മാ​നി​ച്ചി​ട്ടു​ണ്ട്. നെ​യ്യാ​റ്റി​ന്‍​ക​ര ന​ഗ​ര​ത്തി​ന്‍റെ ആ​കാ​ശ​ക്കാ​ഴ്ച ആ​സ്വ​ദി​ക്കാ​നാ​വും വി​ധം മ​ല​ഞ്ചാ​ണി മ​ല​യു​ടെ ഒ​രു ഭാ​ഗ​ത്ത് വ്യൂ ​പോ​യി​ന്‍റും ന​ഗ​ര​സ​ഭ പ​രി​ഗ​ണി​ക്കു​ന്നു.

വാ​ഹ​നപാ​ര്‍​ക്കിം​ഗി​നും പ്ര​ത്യേ​ക ക്ര​മീ​ക​ര​ണവും ഏർപ്പെടുത്തും. എം​എ​ല്‍​എ ഫ​ണ്ടും ന​ഗ​ര​സ​ഭാ ഫ​ണ്ടും ഉ​പ​യോ​ഗി​ച്ച് ശാ​ന്തി​യി​ട​ത്തേ​യ് ക്കു​ള്ള റോ​ഡ് ടാ​ര്‍ ചെ​യ്ത് ന​വീ​ക​രി​ച്ചു കഴിഞ്ഞു. പെ​രു​ന്പ​ഴു​തൂ​രി​ല്‍നി​ന്നും ശാ​ന്തി​യി​ട​ത്തേ​യ് ക്കു​ള്ള റോ​ഡ് നി​ര്‍​മാ​ണ​ത്തി​നാ​യി സ്ഥ​ലം ഏ​റ്റെ​ടു​പ്പ് ന​ട​പ​ടി​ക​ളു​ടെ ആ​ലോ​ച​ന​യി​ലാ​ണ് ന​ഗ​ര​സ​ഭ. ശാ​ന്തി​യി​ട​ത്തി​ന് ആ​വ​ശ്യ​മാ​യ ജ​ലം ല​ഭ്യ​മാ​ക്കാ​ന്‍ കു​ഴ​ല്‍​ക്കി​ണറും നി​ര്‍​മി​ച്ചു. മ​ല​ഞ്ചാ​ണി പ്ര​ദേ​ശ​ത്തെ ത​ദ്ദേ​ശീ​യ​ര്‍​ക്കാ​യി ടാ​ങ്ക് സ്ഥാ​പി​ച്ച് കു​ടി​വെ​ള്ളം വി​ത​ര​ണം ചെ​യ്യാ​നു​ള്ള ന​ട​പ​ടി​ക​ള്‍​ക്കും ന​ഗ​ര​സ​ഭ തു​ട​ക്കം കു​റി​ച്ചു.

ന​ഗ​ര​സ​ഭ നി​വാ​സി​ക​ളു​ടെ വ​ള​രെ വ​ര്‍​ഷ​ക്കാ​ല​ത്തെ പ്ര​ധാ​ന ആ​വ​ശ്യ​ങ്ങ​ളി​ലൊ​ന്നാ​യ പൊ​തു​ശ്മ​ശാ​നം ഇ​ത്ത​ര​ത്തി​ല്‍ സാ​ക്ഷാ​ത്ക​രി​ക്കാ​ന്‍ ന​ഗ​ര​സ​ഭ ചെ​യ​ര്‍​മാ​ന്‍ പി.​കെ രാ​ജ​മോ​ഹ​ന​ന്‍ ഏ​റെ വെ​ല്ലു​വി​ളി​ക​ളെ നേ​രി​ടേ​ണ്ടി വ​ന്നു. പ​ല​യി​ട​ത്തും പൊ​തു​ശ്മ​ശാ​ന​ത്തി​നു​ള്ള വ​സ്തു ക​ണ്ടെ​ത്തി​യെ​ങ്കി​ലും വി​വി​ധ ത​ര​ത്തി​ലു​ള്ള എ​തി​ര്‍​പ്പു​ക​ളെ​ത്തു​ട​ര്‍​ന്ന് നി​ര്‍​മാ​ണം ന​ട​ന്നി​ല്ല.

ഈ ​സാ​ഹ​ച​ര്യ​ത്തി​ലാ​ണ് ന​ഗ​ര​സ​ഭ​യി​ലെ പ്ലാ​വി​ള വാ​ര്‍​ഡി​ലെ മ​ല​ഞ്ചാ​ണി മ​ല​യി​ല്‍ ഒ​രേ​ക്ക​റോ​ളം പു​ര​യി​ടം ന​ഗ​ര​സ​ഭ വാ​ങ്ങിയതും ഇ​ക്ക​ഴി​ഞ്ഞ ഡി​സം​ബ​റി​ല്‍ വാ​ത​ക ശ്മ​ശാ​ന​ത്തി​ന്‍റെ നി​ര്‍​മാ​ണ പ്ര​വ​ര്‍​ത്ത​ന​ങ്ങ​ള്‍ ആ​രം​ഭി​ച്ചതും.