പൊന്മുടി അ​തി​ഥി മ​ന്ദി​രം ഉ​ദ്ഘാടനം ചെയ്തു

വി​തു​ര: ടൂ​റി​സം രം​ഗ​ത്തു ലോ​ക​രാ​ജ്യ​ങ്ങ​ളു​മാ​യാ​ണു കേ​ര​ളം മ​ത്സ​രി​ക്കു​ന്ന​തെ​ന്നും സാ​ധ്യ​മാ​കു​ന്ന പു​തി​യ ആ​ശ​യ​ങ്ങ​ളെ​ല്ലാം ന​ട​പ്പാ​ക്കാ​ൻ സ​ർ​ക്കാ​ർ ശ്ര​മി​ക്കു​മെ​ന്നും മ​ന്ത്രി പി.​എ. മു​ഹ​മ്മ​ദ് റി​യാ​സ്. പൊ​ന്മു​ടി​യി​ൽ പു​തു​താ​യി നി​ർ​മി​ച്ച സ​ർ​ക്കാ​ർ അ​തി​ഥി മ​ന്ദി​രം ഉ​ദ്ഘാ​ട​നം ചെ​യ്യു​ക​യാ​യി രു​ന്നു മ​ന്ത്രി മു​ഹ​മ്മ​ദ് റി​യാ​സ്.

നാ​ലു നി​ല​ക​ളി​ലാ​യി 22 റൂ​മു​ക​ളാ​ണ് 12 കോ​ടി 27 ല​ക്ഷം രൂ​പ ചെ​ല​വ​ഴി​ച്ച് പൊ​ന്മു​ടി​യി​ൽ നി​ർ​മി​ച്ചി​ട്ടു​ള്ള​ത്. ഗ​സ്റ്റ് ഹൗ​സു​ക​ൾ ഇ​നി​യും ന​വീ​ക​രി​ച്ചു മു​ന്നോ​ട്ടു പോ​ക​ണം എ​ന്നു​ള്ള​താ​ണ് സ​ർ​ക്കാ​രി​ന്‍റെ കാ​ഴ്ച​പ്പാ​ട്.

കേ​ര​ള​ത്തി​ൽ 212 റൂ​മു​ക​ൾ കൂ​ടി ഈ ​വ​ർ​ഷം പൂ​ർ​ത്തി​യാ​ക്കാ​ൻ ഉ​ദേ​ശി​ക്കു​ന്നു​ണ്ട്. തി​രു​വ​ന​ന്ത​പു​രം ഗ​സ്റ്റ് ഹൗ​സി​ൽ 39 റൂ​മു​ക​ളു​ടെ പു​തി​യ ബ്ലോ​ക്കി​ന്‍റെ പ്ര​വൃ​ത്തി പു​രോ​ഗ​മി​ക്കു​ക​യാ​ണ്. ക​ന്യാ​കു​മാ​രി​യി​ലും ഗു​രു​വാ​യൂ​രും സു​ൽ​ത്താ​ൻ ബ​ത്തേ​രി​യി​ലും പ​ഴ​യ ബ്ലോ​ക്കി​ന്‍റെ ന​വീ​ക​ര​ണം പൂ​ർ​ത്തി​യാ​ക്കി. വ​ർ​ക്ക​ല​യും പീ​രു​മേ​ടും ആ​ലു​വ​യും നി​ർ​മാ​ണ പ്ര​വ​ർ​ത്ത​ന​ങ്ങ​ൾ പു​രോ​ഗ​മി​ക്കു​ക​യാ​ണ്.

തി​രു​വ​ന​ന്ത​പു​രം യാ​ത്രി നി​വാ​സി​ന്‍റെ ന​വീ​ക​ര​ണ പ്ര​വ​ർ​ത്ത​ന​ങ്ങ​ളും പു​രോ​ഗ​മി​ക്കു​ക​യാ​ണ്. കോ​വി​ഡി​നു ശേ​ഷം സ​ഞ്ചാ​രി​ക​ളു​ടെ എ​ണ്ണ​ത്തി​ൽ റി​ക്കാ​ർ​ഡ് വ​ർ​ധ​ന​വാ​ണു​ണ്ടാ​യി​ട്ടു​ള്ള​ത്. ആ​ഭ്യ​ന്ത​ര സ​ഞ്ചാ​രി​ക​ളു​ടെ എ​ണ്ണ​ത്തി​ൽ വ​ലി​യ കു​തി​പ്പ് ന​മ്മു​ടെ സം​സ്ഥാ​ന​ത്തു​ണ്ടാ​യി. ടൂ​റി​സം ജ​ന​ങ്ങ​ൾ​ക്കു വേ​ണ്ടി​യാ​ണ്, ജ​ന​ങ്ങ​ളാ​ണ് ടൂ​റി​സ​ത്തി​ന്‍റെ ബ്രാ​ൻ​ഡ് അം​ബാ​സി​ഡ​ർ​മാ​രെ​ന്നും മ​ന്ത്രി കൂ​ട്ടി​ച്ചേ​ർ​ത്തു.

ഡി.​കെ. മു​ര​ളി എം​എ​ൽ​എ, ജി​ല്ലാ പ​ഞ്ചാ​യ​ത്ത്‌ പ്ര​സി​ഡ​ന്‍റ് ഡി. ​സു​രേ​ഷ് കു​മാ​ർ, ടൂ​റി​സം ഡ​യ​റ​ക്ട​ർ ശി​ഖ സു​രേ​ന്ദ്ര​ൻ, വാ​മ​ന​പു​രം ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്‍റ് ജി. ​കോ​മ​ളം, പെ​രി​ങ്ങ​മ​ല പ​ഞ്ചാ​യ​ത്ത് പ്ര​സി​ഡ​ന്‍റ് ഷി​നു മ​ട​ത്ത​റ തു​ട​ങ്ങി​യ​വ​രും ച​ട​ങ്ങി​ൽ പ​ങ്കെ​ടു​ത്തു.