വി​ഴി​ഞ്ഞം: വി​ത​ര​ണ​ത്തി​ന് കോ​ഴി മു​ട്ട​യു​മാ​യി വ​ന്ന പി​ക്ക്അ​പ് മി​നി​ലോ​റി ബൈ​പ്പാ​സി​ൽ ഡി​വൈ​ഡ​റി​ൽ ത​ട്ടി​മ​റി​ഞ്ഞു. ഡ്രൈ​വ​ർ​ക്ക് പ​രി​ക്കേ​റ്റു. പ​തി​ന​യ്യാ​യി​ര​ത്തോ​ളം മു​ട്ട​ക​ൾ പൊ​ട്ടി റോ​ഡി​ലൂ​ടെ ഒ​ഴു​കി. നി​ര​വ​ധി ഇ​രു​ച​ക്ര വാ​ഹ​ന​ങ്ങ​ൾ തെ​ന്നി​വീ​ണു.

ഇ​ന്ന​ലെ ഉ​ച്ച​ക്ക് പ​ന്ത്ര​ണ്ടു മ​ണി​യോ​ടെ കോ​വ​ളം - കാ​രോ​ട് ബൈ​പ്പാ​സി​ൽ വേ​ങ്ങ​പ്പൊ​റ്റ​യി​ലാ​യി​രു​ന്നു അ​പ​ക​ടം. ത​മി​ഴ്നാ​ട് ചൂ​ഴാ​ലി​ൽ പ്ര​വ​ർ​ത്തി​ക്കു​ന്ന എ​ക്യൂ ഫാം ​എ​ന്ന സ്ഥാ​പ​ന​ത്തി​ൽ നി​ന്നു മു​ട്ട​യു​മാ​യി വ​രു​ന്ന​തി​നി​ട​യി​ൽ വാ​ഹ​നം ഡി​വൈ​ഡ​റി​ൽ ത​ട്ടി തെ​ന്നി മ​റി​യു​ക​യാ​യി​രു​ന്നു. വീ​ഴ്ച്ച​യി​ൽ ഡ്രൈ​വ​ർ ചൂ​ഴാ​ൽ സ്വ​ദേ​ശി മ​ധു (40)വി​ന് കൈ​ക്ക് പ​രി​ക്കേ​റ്റു. ​ഇ​യാ​ളെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. മു​ട്ട​ക​ൾ പൊ​ട്ടി ഒ​ഴു​കി​യ​തോ​ടെ റോ​ഡ് അ​പ​ക​ട​ക്കെ​ണി​യാ​യി മാ​റി. നി​ര​വ​ധി ഇ​രു​ച​ക്ര വാ​ഹ​ന​ങ്ങ​ൾ തെ​ന്നിവീണ് യാ​ത്ര​ക്കാ​ർ​ക്ക് പ​രി​ക്കേ​റ്റു.

വി​വ​ര​മ​റി​ഞ്ഞ് പോ​ലീ​സും, എ​ക്സൈ​സ് ഉ​ദ്യോ​ഗ​സ്ഥ​രും സ്ഥ​ല​ത്തെ​ത്തി ഗ​താ​ഗ​തം നി​യ​ന്ത്രി​ച്ചു. വി​ഴി​ഞ്ഞ​ത്തുനി​ന്നും എ​ത്തി​യ ഫ​യ​ർ​ഫോ​ഴ്സ് സം​ഘം മൂ​ന്നു മ​ണി​ക്കൂ​റോ​ളം ക​ഠി​ന​പ്ര​യ​ത്നം ന​ട​ത്തി വെ​ള്ള​മ​ടി​ച്ച് ക​ഴു​കി റോ​ഡ് വൃ​ത്തി​യാ​ക്കിയതിനാൽ അ​പ​ക​ടം ഒ​ഴി​വാ​ക്കി. ഫ​യ​ർ സ്റ്റേ​ഷ​ൻ എ​എ​സ്ടി ​ഒ ഹ​രേഷ് ​കു​മാ​ർ, ഗ്രേ​ഡ് എ​എ​സ്ടി​ഒ വി​നോ​ദ് കു​മാ​ർ, ഫ​യ​ർ ഓ​ഫീ​സ​ർ​മാ​രാ​യ രാ​ജേ​ഷ്, ബി​ജു, ര​തീ​ഷ്, സു​രേ​ഷ് ഹോം ​ഗാ​ർ​ഡു​മാ​രാ​യ സ​ദാ​ശി​വ​ൻ, സ​ജി​കു​മാ​ർ എ​ന്നി​വ​രു​ടെ നേ​തൃ​ത്വ​ത്തി​ലാ​യി​രു​ന്നു വൃ​ത്തി​യാ​ക്ക​ൽ.