തി​രു​വ​ന​ന്ത​പു​രം: തി​രു​വ​ന​ന്ത​പു​രം ക​ള​ക്ട​റേ​റ്റി​ൽ ക​ഴി​ഞ്ഞ​ദി​വ​സം ല​ഭി​ച്ച വ്യാ​ജ ബോം​ബുഭീ​ഷ​ണി​യെ തു​ട​ർ​ന്നു​ണ്ടാ​യ പ​രി​ശോ​ധ​ന​യ്ക്കി​ടെ​യാ​യി​രു​ന്നു തേ​നീ​ച്ച​യാ​ക്ര​മ​ണം ഉ​ണ്ടാ​യ​ത്. തേ​നീ​ച്ച​യാ​ക്ര​മ​ണ​ത്തി​ൽ സ​ബ്ക​ള​ക്ടർ ഉൾപ്പെടെ ക​ള​ക്ട​റേ​റ്റു വ​ള​പ്പി​ലു​ണ്ടാ​യി​രു​ന്ന ഏ​റെ​ക്കു​റേ എ​ല്ലാ​പേ​ർ​ക്കും പ​രി​ക്കേ​റ്റു.

ബോം​ബു​ഭീ​ഷ​ണി​യെ തു​ട​ർ​ന്നു പ​രി​ശോ​ധ​ന​യു​ടെ ഭാ​ഗ​മാ​യി ക​ള​ക്റ്റ​റേ​റ്റി​ലെ ജീ​വ​ന​ക്കാ​ർ എ​ല്ലാ​വ​രും ഓ​ഫീ​സി​നു പു​റ​ത്താ​യി​രു​ന്നു. എ​ന്നാ​ൽ ബോം​ബ് സ്ക്വാ​ഡി​ന്‍റെ പ​രി​ശോ​ധ​ന​യ്ക്കി​ടെ ക​ള​ക്ട​റേ​റ്റ് കെ​ട്ടി​ട​ത്തി​ലെ വ​ലി​യ തേ​നീ​ച്ച​ക്കൂ​ട് ത​ക​ർ​ന്നു​വീ​ഴു​ക​യാ​യി​രു​ന്നു. ഇ​തോ​ടെ ഇ​വി​ടെ കൂ​ടി​നി​ന്ന ജീ​വ​ന​ക്കാ​ർ​ക്കും മാ​ധ്യ​മ​പ്ര​വ​ർ​ത്ത​ക​ർ​ക്കും പോ​ലീ​സു​കാ​ർ​ക്കു​മു​ൾ​പ്പെ​ടെ തേ​നീ​ച്ച​ക​ളു​ടെ കു​ത്തേ​ൽ​ക്കു​ക​യാ​യി​രു​ന്നു. സം​ഭ​വം ന​ട​ക്കു​ന്പോ​ൾ ജി​ല്ലാ ക​ള​ക്ട​ർ അ​നു​കു​മാ​രി​യും സ​ബ് ക​ള​ക്ട​ർ ഒ.​വി. ആ​ൽ​ഫ്ര​ഡും ക​ള​ക്ട​റേ​റ്റു വ​ള​പ്പി​ലി​രു​ന്നു പൊ​തു​ജ​ന​ങ്ങ​ളു​ടെ പ​രാ​തി​ക​ൾ കേ​ൾ​ക്കു​ക​യാ​യി​രു​ന്നു.

തേ​നീ​ച്ച​ക​ളു​ടെ ആ​ക്ര​മ​ണ​ത്തി​ൽ​നി​ന്നു ര​ക്ഷ​പ്പെ​ടു​ന്ന​തി​നാ​യി ഓ​ടു​ന്ന​തി​നി​ടെ നി​ല​ത്തു​വീ​ണ ര​ണ്ടു സ്ത്രീ​ക​ൾ​ക്ക് പ​രി​ക്കേ​റ്റു. ഗു​രു​ത​ര​മാ​യി പ​രി​ക്കേ​റ്റു നി​ല​ത്തു​വീ​ണ​വ​രെ ര​ക്ഷി​ക്കാ​നെ​ത്തി​യ​പ്പോ​ഴാ​യി​രു​ന്നു സ​ബ് ക​ള​ക്ട​ർ ആ​ൽ​ഫ്ര​ഡി​നു പ​രി​ക്കേ​റ്റ​ത്.

മു​ഖ​ത്തും ക​ഴു​ത്തി​ലു​മാ​യി നി​വ​ധി കു​ത്തേ​റ്റ ക​ള​ക്ട​റെ ഉ​ട​ൻ​ത​ന്നെ പേ​രൂ​ർ​ക്ക​ട ജി​ല്ലാ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച് പ്രാ​ഥ​മി​ക ചി​കി​ത്സ ന​ൽ​കി. ഇ​തി​നി​ടെ ചി​ത​റി ഓ​ടി​യ ജീ​വ​ന​ക്കാ​രി​ൽ ഏ​റെ പേ​ർ​ക്കും തേ​നീ​ച്ച​ക​ളു​ടെ കു​ത്തേ​റ്റു. ഗു​രു​ത​ര​മാ​യി പ​രി​ക്കേ​റ്റ ഏ​ഴു​പേ​രെ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലേ​ക്കു മാ​റ്റി.

"ബോം​ബ് പൊ​ട്ടി​യാ​ലും കു​ത്ത് കി​ട്ട​രു​ത്'

തിരുവനന്തപുരം: ക​ള​ക്ട​റേ​റ്റ് വ​ള​പ്പി​ലു​ണ്ടാ​യ തേ​നീ​ച്ച​യാ​ക്ര​മ​ണ​ത്തി​ൽ പരിക്കേറ്റവരിൽ ചി​ല​ർ ര​ക്ഷ​പ്പെ​ട്ടാ​ൻ ഓ​ടി​ക്ക​യ​റി​യ​ത് ബോം​ബ് പ​രി​ശോ​ധ​ന ന​ട​ക്കു​ന്ന കെ​ട്ടി​ട​ത്തി​ലേക്ക്. തേ​നീ​ച്ച​ക​ൾ പ​റ​ന്ന​ടു​ത്ത​പ്പോ​ൾ പു​റ​ത്തു​നി​ന്ന എ​ല്ലാ​വ​രും സി​വി​ൽ സ്റ്റേ​ഷ​നി​ൽനി​ന്നും കു​ട​പ്പ​ന​ക്കു​ന്നു ഭാ​ഗ​ത്തേ​ക്കാ​യി​രു​ന്നു ഓ​ടി​യ​ത്. എ​ന്നാ​ൽ ചി​ല ജീ​വ​ന​ക്കാ​രും മാ​ധ്യ​മ​പ്ര​വ​ർ​ത്ത​ക​രു​ം സി​വി​ൽ സ്റ്റേ​ഷ​ൻ കെ​ട്ടി​ട​ത്തി​ലേ​ക്ക് ഓ​ടി​ക​യ​റുകയായിരുന്നു.

ബോം​ബ് ഭീ​ഷ​ണി​യി​ൽ പ​രി​ഭ്രാ​ന്ത​രാ​യി വി​റ​ങ്ങ​ലി​ച്ച് നിന്നിരുന്നവരും പ​രി​ശോ​ധ​ന ന​ട​ന്ന കെ​ട്ടി​ട​ത്തി​ലേ​ക്ക് ഓ​ടി​ക്ക​യ​റി​. അ​പ്പോ​ഴേ​ക്കും ബോം​ബ് ഭീ​ഷ​ണി വ്യാ​ജ​മെ​ന്ന് അ​ന്വേ​ഷ​ണ ഉ​ദ്യോ​ഗ​സ്ഥ​ർ ക​ണ്ടെ​ത്തി​യി​രു​ന്നു. ഇ​തോ​ടെ​യാ​ണ് കെ​ട്ടി​ട​ത്തി​ലേ​ക്ക് ഓ​ടി​ക്ക​യ​റി​യ​വ​ർ​ക്ക് ശ്വാ​സം നേ​രെ​യാ​യ​ത്. ചി​ല​രാ​ക​ട്ടെ സി​വി​ൽ സ്റ്റേ​ഷ​നി​ലേ​ക്കു സ​ർ​വീ​സ് ന​ട​ത്താ​നാ​യി എ​ത്തി​യ കെ​എ​സ്ആ​ർ​ടി​സി ബ​സി​ൽ ക‍​യ​റി ര​ക്ഷ​പ്പെ​ടാ​ൻ ശ്ര​മി​ച്ചു.

എ​ന്നാ​ൽ ഡ്രൈ​വ​ർ​ക്കും ക​ണ്ട​ക്ട​ർ​ക്കു​മ​ട​ക്കം തേ​നീ​ച്ച​കു​ത്തേ​റ്റ​തോ​ടെ ഇ​വ​രും ഇ​റ​ങ്ങി ഓ​ടു​ക​യാ​യി​രു​ന്നു. ഇ​തോ​ടെ ബ​സി​ൽ ക​യ​റി​യ​വ​ർ​ക്കും ര​ക്ഷ​യി​ല്ലാ​താ​യി. ജീ​വ​ന​ക്കാ​ർ കു​ട​പ്പ​ന​കു​ന്ന് ജം​ഗ്ഷ​ൻ​വ​രെ ഓ​ടി​യി​ട്ടും തേ​നീ​ച്ച​ക​ൾ വി​ട്ടാ​തെ പി​ന്തു​ട​ർ​ന്നു. നി​മി​ഷ​നേ​രം​കൊ​ണ്ട് കു​ട​പ്പ​ന​ക്കു​ന്ന് ജം​ഗ്ഷ​നി​ലും തേ​നീ​ച്ച​യാ​ക്ര​മ​ണം ഉ​ണ്ടാ​യി. ഇ​രു​ച​ക്ര വാ​ഹ​ന​യാ​ത്ര​ക്കാ​ര​ട​ക്കം ബു​ദ്ധി​മു​ട്ടി​ലാ​യി.

പ​രി​ക്കേ​റ്റ​വ​രെ പേ​രൂ​ർ​ക്ക​ട സ​ർ​ക്കാ​ർ ആ​ശു​പ​ത്രി​യി​ലും ഗു​രു​ത​ര​മാ​യി പ​രി​ക്കേ​റ്റ​വ​രെ മെ​ഡി​ക്ക​ൽ​കോ​ള​ജി​ലേ​ക്കും മാ​റ്റി. വ്യാ​ജ​ബോം​ബ് ഭീ​ഷ​ണി​യും തേ​നീ​ച്ച​യാ​ക്ര​മ​ണ​വും ഉ​ണ്ടാ​യ​തോ​ടെ ക​ഴി​ഞ്ഞ​ദി​വ​സം ഉ​ച്ച​യ്ക്ക് ശേ​ഷം സി​വി​ൽ സ്റ്റേ​ഷ​നി​ലെ പ്ര​വ​ർ​ത്ത​നം പൂ​ർ​ണ​മാ​യും സ്തം​ഭി​ച്ചു. വൈ​കു​ന്നേ​രം അ​ഞ്ചു​മ​ണി​ക്കു ശേ​ഷം സ്ഥി​തി​ഗ​തി​ക​ൾ ശാ​ന്ത​മാ​യ​തോ​ടെ ജീ​വ​ന​ക്കാ​ർ തി​രി​കെ സി​വി​ൽ സ്റ്റേ​ഷ​നി​ൽ പ്ര​വേ​ശി​ച്ചു.