കാ​ട്ടാ​ക്ക​ട : അ​മി​ത വേ​ഗ​ത​യി​ൽ വ​ന്ന കാ​ർ വീ​ടി​ന്‍റെ മ​തി​ൽ ഇ​ടി​ച്ചു ത​ക​ർ​ത്തു. കാ​ർ ത​ല​കീ​ഴാ​യി മ​റി​ഞ്ഞു. ഇ​ന്ന​ലെ പൂ​ല​ർ​ച്ചെ 12നാണ് അ​പ​ക​ടം. മാ​റ​ന​ല്ലൂ​ർ ഭാ​ഗ​ത്ത് നി​ന്നും വ​ന്ന കാർ കൊ​റ്റം​പ​ള്ളി​യി​ലെ റോ​ഡ് വ​ക്കി​ലു​ള്ള സു​ധാ​ക​രന്‍റെ വീ​ടി​ന്‍റെ മ​തി​ലി​ൽ ഇ​ടി​ച്ചു തകർക്കുകയായിരുന്നു.

അ​മി​ത വേ​ഗ​ത​യി​ൽ വ​ന്ന കാ​ർ മ​തി​ലി​ന്‍റെ മു​ൻ​ഭാ​ഗം ത​ക​ർ​ക്കു​ക​യും കാ​ർ ത​ല​കീ​ഴാ​യി മ​റി​യു​ക​യും ചെ​യ്തു. ശ​ബ്‌ദം കേ​ട്ട് വീ​ട്ടു​കാ​ർ അ​ട​ക്കം ഉ​ണ​ർ​ന്ന​പ്പോ​ഴാ​ണ് കാ​ർ ത​ല​കീ​ഴാ​യി മറി​ഞ്ഞ നി​ല​യി​ൽ ക​ണ്ടത്. ഉ​ട​ൻ ഇ​വ​ർ കാ​ട്ടാ​ക്ക​ട പോ​ലീ​സി​നെ വി​വ​ര​ം അ​റി​യി​ച്ചു.

കാ​ട്ടാ​ക്ക​ട പോ​ലീ​സ് എ​ത്തി പ​രി​ശോ​ധ​ന ന​ട​ത്തിയപ്പോൾ കാ​റി​ൽ നി​ന്നും ക​ഞ്ചാ​വ് ക​ണ്ടെ​ത്തി. പ്ലാ​വൂ​ർ സി​എ​സ്‌​ഐ ച​ർ​ച്ചി​ന​ടു​ത്ത് താ​മ​സി​ക്കു​ന്ന സൈ​നി​ക​നാ​യ ഹി​റോ​ഷാ​ണ് വാ​ഹ​ന​മോ​ടി​ച്ചി​രു​ന്ന​തെ​ന്ന് പോ​ലീ​സ് ക​ണ്ടെ​ത്തി. തു​ട​ർ​ന്ന് ഇ​വ​രെ പോ​ലീ​സ് ത​ന്നെ ആ​ശു​പ​ത്രി​യി​ലേ​ക്ക് മാ​റ്റി. കാ​ർ പൂ​ർ​ണമാ​യും ത​ക​ർ​ന്നു.

കാ​റി​ന്‍റെ ട​യ​ർ പൊ​ട്ടിത്തെ​റി​ച്ച് അ​ടു​ത്തു​ള്ള റോ​ഡി​ലേ​യ്ക്ക് വീ​ണു. കാ​ട്ടാ​ക്ക​ട പോ​ലീ​സ് അ​ന്വേ​ഷ​ണം തു​ട​ങ്ങി. മ​തി​ൽ ത​ക​ർന്നതിനെ തുടർന്ന് വീ​ട്ടു​ട​മ മാ​റ​ന​ല്ലൂ​ർ പോ​ലീ​സി​ൽ പ​രാ​തി ന​ൽ​കി. കാ​ർ വ​ന്ന​ത് അ​പ​ക​ട ഭീ​തി ഉ​യ​ർ​ത്തും വി​ധ​മെ​ന്ന് പോ​ലീ​സ് പറഞ്ഞു. കാ​ർ ഓ​ടി​ച്ച സൈ​നി​ക​നെ ജാ​മ്യം നൽ​കി വി​ട്ട​യ​ച്ചു.