നെ​യ്യാ​റ്റി​ന്‍​ക​ര : ഒ​ന്നാം ക്ലാ​സ്സി​ലെ മാ​ന​വ് വാ​യി​ച്ച​ത് 28 പു​സ്ത​ക​ങ്ങ​ള്‍. വാ​യ​ന മാ​ത്ര​മ​ല്ല, ആ​സ്വാ​ദ​ന​ക്കു​റി​പ്പ് ത​യാ​റാ​ക്ക​ലും ആ​വും​വി​ധം ചെ​യ്തു. ന​ല്ലെ​ഴു​ത്തു​ക​ള്‍ എ​ന്ന പേ​രി​ല്‍ പ്ര​സി​ദ്ധീ​ക​രി​ച്ച ഈ ​അ​ക്ഷ​രോ​പ​ഹാ​രം നെ​യ്യാ​റ്റി​ന്‍​ക​ര ഗ​വ. ജെ​ബി​എ​സി​ലെ വി​ദ്യാ​ര്‍​ഥി​ക​ളു​ടെ പു​സ്ത​കാ​ഭി​മു​ഖ്യ​ത്തി​ന്‍റെ നേ​ര​ട​യാ​ളം.

മാ​ന​വി​നെ​പ്പോ​ലെ ഈ ​വി​ദ്യാ​ല​യ​ത്തി​ലെ അ​ഞ്ഞൂ​റി​ലേ​റെ വി​ദ്യാ​ര്‍​ഥി​ക​ള്‍ ന​ല്ലെ​ഴു​ത്തു​ക​ള്‍ ത​യാ​റാ​ക്കി​ ക​ഴി​ഞ്ഞു. ഇ​ളം​ത​ല​മു​റ​ക്കാ​രു​ടെ വാ​യ​നാ താ​ത്പ​ര്യ​ത്തി​ന് പ്രോ​ത്സാ​ഹ​നം ന​ല്‍​കാ​നു​ദേശി​ച്ച് രൂ​പം ന​ല്‍​കി​യ പ​ദ്ധ​തി​യാ​ണി​തെ​ന്ന് സ്കൂ​ള്‍ അ​ധി​കൃ​ത​ര്‍ പ​റ​ഞ്ഞു. സ്കൂ​ളി​ല്‍ മി​ക​ച്ച ലൈ​ബ്ര​റി​യാ​ണ് നി​ല​വി​ലു​ള്ള​ത്. ഓ​രോ കു​ട്ടി​യും കു​റ​ഞ്ഞ​ത് പ​ത്തു പു​സ്ത​ക​ങ്ങ​ളെ​ങ്കി​ലും ലൈ​ബ്ര​റി​യി​ല്‍ നി​ന്നു​മെ​ടു​ത്ത് വാ​യി​ച്ചി​രി​ക്ക​ണമെ​ന്ന് സ്കൂ​ള്‍ അ​ധി​കൃ​ത​ര്‍ നി​ര്‍​ദേ​ശം ന​ല്‍​കി. വാ​യി​ച്ച പു​സ്ത​ക​ങ്ങ​ളു​ടെ ആ​സ്വാ​ദ​ന കു​റി​പ്പു​ക​ളും എ​ഴു​ത​ണം.

ഇ​ത്ത​ര​ത്തി​ല്‍ എ​ഴു​തി​ക്കി​ട്ടി​യ കു​റി​പ്പു​ക​ള്‍ ഓ​രോ കു​ട്ടി​ക​ളു​ടെ​യും പേ​രി​ല്‍ ത​ന്നെ പു​സ്ത​ക​രൂ​പ​ത്തി​ല്‍ പ്ര​സി​ദ്ധീ​ക​രി​ച്ച​താ​ണ് ന​ല്ലെ​ഴു​ത്തു​ക​ള്‍. ക​വ​ര്‍ പേ​ജി​ല്‍ കു​ട്ടി​യു​ടെ പേ​രും ക്ലാ​സും രേ​ഖ​പ്പെ​ടു​ത്തി​യി​ട്ടു​ണ്ട്. അ​ക​ത്തെ പേ​ജി​ല്‍ പ്ര​ഥ​മാ​ധ്യാ​പി​ക​യു​ടെ സ​ന്ദേ​ശ​വും ക്ലാ​സ് അ​ധ്യാ​പി​ക​യു​ടെ വി​വ​ര​ങ്ങ​ളും ഉ​ള്‍​പ്പെ​ടു​ത്തി​യി​രി​ക്കു​ന്നു.

ആ​ക​ര്‍​ഷ​ക​മാ​യ ഡി​സൈ​നാ​ണ് ഈ ​പു​സ്ത​ക​ങ്ങ​ളു​ടെ മ​റ്റൊ​രു സ​വി​ശേ​ഷ​ത. സ്കൂ​ളി​ലെ മി​ക​വി​ന്‍റെ ഉ​ദാ​ഹ​ര​ണ​മാ​ണ് ന​ല്ലെ​ഴു​ത്തു​ക​ളെ​ന്നും കേ​ര​ള​ത്തി​ല്‍ ത​ന്നെ ആ​ദ്യ​മാ​യാ​ണ് ഒ​രു വി​ദ്യാ​ല​യം ഇ​ങ്ങ​നെ​യൊ​രു സം​രം​ഭം ന​ട​പ്പി​ലാ​ക്കി​യി​രി​ക്കു​ന്ന​തെ​ന്നും അ​ധ്യാ​പ​ക​ര്‍ കൂ​ട്ടി​ച്ചേ​ര്‍​ത്തു.