മ​ലി​ന​ജ​ലം കൊണ്ട് പൊറുതിമുട്ടി ചാ​ല കൊ​ത്തു​വാ​ള്‍ തെ​രു​വ്
Saturday, October 12, 2024 6:09 AM IST
പേ​രൂ​ര്‍​ക്ക​ട: സ്മാ​ര്‍​ട്ട് സി​റ്റി പ​ദ്ധ​തി പ​ണി തു​ട​ങ്ങി​യ​തോ​ടെ തി​രു​വ​ന​ന്ത​പു​രം ന​ഗ​ര​വു​മാ​യി ഒ​റ്റ​പ്പെ​ട്ട അ​വ​സ്ഥ​യി​ല്‍ ചാ​ല കൊ​ത്തു​വാ​ള്‍ തെ​രു​വി​ലെ 150-ഓ​ളം കു​ടും​ബ​ങ്ങ​ളും 50-ഓ​ളം വ്യാ​പാ​രി​ക​ളും.

ആ​റു​മാ​സ​ത്തി​നു മു​മ്പാ​ണ് അ​ട്ട​ക്കു​ള​ങ്ങ​ര ബൈ​പാ​സ് മു​ത​ല്‍ കി​ള്ളി​പ്പാ​ലം വ​രെ നീ​ളു​ന്ന റോ​ഡി​ന്‍റെ​യും ഓ​ട​യു​ടെ​യും പ​ണി ആ​രം​ഭി​ച്ച​ത്. ദീ​ര്‍​ഘ​വീ​ക്ഷ​ണ​മി​ല്ലാ​തെ ആ​രം​ഭി​ച്ച പ​ണി പാതി​വ​ഴി​യി​ലാ​യ​തോ​ടെ ജ​ന​ങ്ങ​ള്‍​ക്ക് കു​ടി​വെ​ള്ള​മി​ല്ല, ന​ട​ക്കാ​ന്‍ റോ​ഡി​ല്ല, വ്യാ​പാ​രി​ക​ള്‍​ക്കു ക​ച്ച​വ​ട​മി​ല്ല എ​ന്നാ​യി സ്ഥി​തി. പോ​രാ​ത്ത​തി​ന് വീ​ടു​ക​ളി​ല്‍​നി​ന്നു പു​റ​ത്തി​റ​ങ്ങാ​നാ​കാ​ത്ത വി​ധ​ത്തി​ല്‍ വെ​ള്ള​ക്കെ​ട്ടും !

ചാ​ല​യി​ലേ​ത് വ​ലി​യ പ​ദ്ധ​തി​യാ​ണെ​ന്നും ഇ​ത് ഏ​റ്റെ​ടു​ത്തു ന​ട​ത്താ​ന്‍ പ്രാ​പ്തി​യു​ള്ള കാ​രാ​റു​കാ​ര്‍ ഇ​ല്ലെ​ന്നും അ​തു​കൊ​ണ്ടു​ത​ന്നെ അ​വ​ര്‍ മാ​റി​മാ​റി​പ്പോ​കു​ന്ന​ത് പ​ണി ഇ​ട​യ്ക്കു​വ​ച്ചു നി​ല്‍​ക്കാ​ന്‍ കാ​ര​ണ​മാ​കു​ന്നു​വെ​ന്നു​മാ​ണ് കൗ​ണ്‍​സി​ല​ര്‍ സി​മി ജ്യോ​തി​ഷ് പ​റ​യു​ന്ന​ത്. ക​ഴി​ഞ്ഞ ഞാ​യ​റാ​ഴ്ച​യാ​ണ് പ​ണി താ​ത്കാ​ലി​ക​മാ​യി നി​ര്‍​ത്തി​വ​ച്ച​ത്.


ഇ​നി 15-നു​ശേ​ഷ​മേ അ​റ്റ​കു​റ്റ​പ്പ​ണി പു​ന​രാ​രം​ഭി​ക്കൂ എ​ന്നാ​ണു സൂ​ച​ന. റോ​ഡ് കു​ത്തി​പ്പൊ​ളി​ച്ച് ടാ​ര്‍ സ​മീ​പ​ത്തെ വെ​ള്ളം നി​റ​ഞ്ഞ ഓ​ട​യി​ലേ​ക്കു ത​ള്ളി. റോ​ഡ് കു​ഴി​ച്ച​തോ​ടെ പൈ​പ്പു​ക​ള്‍ തു​രു​തു​രാ പൊ​ട്ടി വെ​ള്ള​ക്കെ​ട്ടാ​യി മാ​റി​യി​രി​ക്കു​ക​യാ​ണ്.

ആം​ബു​ല​ന്‍​സു​ക​ള്‍ ക​ട​ന്നു​വ​രാ​ന്‍ വ​ഴി​യി​ല്ല, ടാ​ങ്ക​ര്‍​ലോ​റി​ക​ളി​ല്‍ ജ​ല​മെ​ത്തി​ക്കാ​നും റോ​ഡി​ല്ല- ജ​ന​ങ്ങ​ള്‍ പ​രി​ത​പി​ക്കു​ന്നു. ഇ​തോ​ടെ ബ​ന്ധു​വീ​ടു​ക​ളെ അ​ഭ​യം പ്രാ​പി​ച്ച​വ​രും ചി​ല്ല​റ​യ​ല്ല. വെ​ള്ള​ക്കെ​ട്ടാ​യ​തോ​ടെ ജ​ന​ങ്ങ​ള്‍ വ​രാ​താ​യി. ഇ​തോ​ടെ ചാ​ല​യി​ലെ വ്യാ​പാ​രി​ക​ളു​ടെ ക​ച്ച​വ​ട​വും മു​ട​ങ്ങി​യി​രി​ക്കു​ക​യാ​ണ്.