തിരുവനന്തപുരം: ഹെഡ്ഗേവാറിനെക്കുറിച്ചും സവര്ക്കറെക്കുറിച്ചും ദീൻ ദയാൽ ഉപാധ്യായയെക്കുറിച്ചും കേരളത്തിലെ സ്കൂളുകളിൽ പഠിപ്പിക്കുമെന്ന ബിജെപി നേതാവ് കെ.സുരേന്ദ്രന്റെ പ്രസ്താവന മന്ത്രി വി.ശിവന്കുട്ടി തള്ളി. സുരേന്ദ്രന്റെ പ്രസ്താവന രാഷ്ട്രീയലക്ഷ്യം വെച്ചുള്ള വ്യാജപ്രചാരണം മാത്രമാണ്.
പിഎം ശ്രീ പദ്ധതിയില് കേരളം ഒപ്പുവെച്ചത് സംസ്ഥാനത്തെ സ്കൂളുകളുടെ ഭൗതിക സാഹചര്യങ്ങള് മെച്ചപ്പെടുത്തുന്നതിനും അക്കാദമിക് നിലവാരം ഉയര്ത്തുന്നതിനുമുള്ള ഫണ്ട് വിനിയോഗിക്കാന് വേണ്ടിയാണ്. അല്ലാതെ കേരളത്തിലെ സിലബസ് കേന്ദ്ര സര്ക്കാരിന് അടിയറ വെക്കാനല്ല.
പിഎം ശ്രീ ധാരണാപത്രത്തില് ഒപ്പിട്ടതുകൊണ്ട് മാത്രം കേന്ദ്ര സിലബസ് കേരളത്തില് പഠിപ്പിക്കുമെന്ന് കരുതേണ്ട. കേരളത്തിന് സ്വന്തവും ശക്തവുമായ ഒരു പാഠ്യപദ്ധതിയും വിദ്യാഭ്യാസ കാഴ്ചപ്പാടുമുണ്ടെന്നും മന്ത്രി പറഞ്ഞു.
Tags : hedgewar and savarkar kerala curriculum