കോ​ത​മം​ഗ​ലം: ഭൂ​ത​ത്താ​ന്‍​കെ​ട്ട് ഡാ​മി​ന് മു​ന്നി​ലെ പു​തി​യ പാ​ല​ത്തി​ല്‍​നി​ന്ന് പെ​രി​യാ​റി​ലേ​ക്ക് ചാ​ടി​യ യു​വാ​വി​നെ ര​ണ്ടാം ദി​വ​സ​ത്തെ തെ​ര​ച്ചി​ലി​ലും ക​ണ്ടെ​ത്താ​നാ​യി​ല്ല. വ​ടാ​ട്ടു​പാ​റ റോ​ക്ക് ജം​ഗ്ഷ​ന്‍ വ​ടു​ത​ലാ​യി​ല്‍ പ​രേ​ത​നാ​യ പീ​താം​ബ​ര​ന്‍റെ മ​ക​ന്‍ ദി​നേ​ശ് (46) ശ​നി​യാ​ഴ്ച രാ​വി​ലെ 10.30 ഓ​ടെ​യാ​ണ് പു​ഴ​യി​ല്‍ ചാ​ടി​യ​ത്.

ഓ​ട്ടോ​റി​ക്ഷ​യി​ല്‍ അ​മ്മ​യ്‌​ക്കൊ​പ്പം ആ​ശു​പ​ത്ര​യി​ലേ​ക്ക് പോ​കു​ന്ന​തി​നി​ടെ ഭൂ​ത​ത്താ​ന്‍​കെ​ട്ട് എ​ത്തി​യ​പ്പോ​ള്‍ ചാ​ടി​യി​റ​ങ്ങി പാ​ല​ത്തി​ൽ നി​ന്ന് പു​ഴ​യി​ലേ​ക്ക് ചാ​ടു​ക​യാ​യി​രു​ന്നു.
അ​ഗ്നിര​ക്ഷാ ​സേ​ന​യും പോ​ലീ​സും നാ​ട്ടു​കാ​രും പു​ഴ​യി​ല്‍ ഇ​ന്ന​ലെ രാ​വി​ലെ മു​ത​ല്‍ മ​ണി​ക്കൂ​റു​ക​ള്‍ തെ​ര​ച്ചി​ല്‍ ന​ട​ത്തി.

പാ​റ​ക്കെ​ട്ടു​ക​ളും ക​യ​ങ്ങ​ളും നി​റ​ഞ്ഞ പു​ഴ​യി​ല്‍ ഭൂ​ത​ത്താ​ന്‍​കെ​ട്ട് മു​ത​ല്‍ വേ​ട്ടാം​പാ​റ വ​രെ നാ​ലു​കി​ലോ​മീ​റ്റ​ര്‍ ദൂ​രം പ​രി​ശോ​ധി​ച്ചു. അ​ഗ്നിര​ക്ഷാ​ സേ​നാം​ഗ​ങ്ങ​ള്‍ പു​ഴ​യി​ല്‍ താ​ഴെ നി​ല​യു​റ​പ്പി​ച്ച് ഡാ​മി​ന്‍റെ നാ​ല് ഷ​ട്ട​ര്‍ തു​റ​ന്ന് വെ​ള്ള​പ്പാ​ച്ചി​ലി​ല്‍ ക​ണ്ടെ​ത്താ​നാ​വു​മെ​ന്ന പ്ര​തീ​ക്ഷ​യി​ല്‍ പു​ഴ​യു​ടെ മു​ഴു​വ​ന്‍ ഭാ​ഗ​ങ്ങ​ളി​ലും ഡി​ങ്കി ബോ​ട്ടി​ല്‍ സ​ഞ്ച​രി​ച്ച് പ​രി​ശോ​ധി​ക്കു​ക​യും ചെ​യ്തു.

ക​യ​ങ്ങ​ളു​ള്ള ഭാ​ഗ​ത്ത് സ്‌​കൂ​ബാ ഉ​പ​ക​ര​ണ​ങ്ങ​ളു​ടെ സ​ഹാ​യ​ത്തോ​ടെ വി​ദ​ഗ്ധ സം​ഘം ആ​ഴ​ത്തി​ല്‍ മു​ങ്ങി​ത്ത​പ്പി​യി​ട്ടും ക​ണ്ടെ​ത്താ​നാ​യി​ല്ല.രാ​ത്രി ഏ​ഴോ​ടെ തെ​ര​ച്ചി​ല്‍ അ​വ​സാ​നി​പ്പി​ച്ചു. ഇ​ന്ന് വീ​ണ്ടും തെ​ര​ച്ചി​ല്‍ പു​ന​രാ​രം​ഭി​ക്കും.

Tags : Periyar river Local News Nattuvishesham Ernakulam