ശാ​സ്താം​കോ​ട്ട :ത​ദ്ദേ​ശ തെ​ര​ഞ്ഞെ​ടു​പ്പു​മാ​യി ബ​ന്ധ​പ്പെ​ട്ടു സ്ഥാ​നാ​ർ​ഥി ത​ർ​ക്ക​ത്തെ തു​ട​ർ​ന്നു ദ​ളി​ത് ഫ്ര​ണ്ട് എം ​സം​സ്ഥാ​ന പ്ര​സി​ഡ​ന്‍റും പ​ടി​ഞ്ഞാ​റെ ക​ല്ല​ട പ​ഞ്ചാ​യ​ത്ത് വി​ക​സ​ന​കാ​ര്യ സ്റ്റാ​ന്‍ഡിംഗ് ക​മ്മി​റ്റി അ​ധ്യ​ക്ഷ​നു​മാ​യ ഉ​ഷാ​ല​യം ശി​വ​രാ​ജ​ന് (59) വെ​ട്ടേ​റ്റു.

കഴിഞ്ഞദിവസം രാ​ത്രി പ​ത്തോ​ടെ ആ​ദി​ക്കാ​ട്ട് മു​ക്കി​ൽ വ​ച്ചാ​യി​രു​ന്നു സം​ഭ​വം. ആ​ക്ര​മ​ണ​ത്തി​ൽ ത​ല​യ്ക്കു സാ​ര​മാ​യി പ​രി​ക്കേ​റ്റ ഉ​ഷാ​ല​യം ശി​വ​രാ​ജ​നെ ശാ​സ്താം​കോ​ട്ട താ​ലൂ​ക്ക് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. സ​ഹോ​ദ​രി ഭ​ർ​ത്താ​വ് ബി​ജു (48) ആ​ണ് ആ​ക്ര​മ​ണം ന​ട​ത്തി​യ​തെ​ന്നു പോ​ലീ​സ് പ​റ​യു​ന്നു.​പ​ട്ടി​ക​ജാ​തി വ​നി​താ സം​വ​ര​ണ​മാ​യ പ​ടി​ഞ്ഞാ​റെ ക​ല്ല​ട പ​ഞ്ചാ​യ​ത്ത് മൂ​ന്നാം വാ​ർ​ഡി​ൽ ശി​വ​രാ​ജ​ന്‍റെ സ​ഹോ​ദ​രി​യും മു​ൻ മെ​മ്പ​റു​മാ​യ ഉ​ഷ​യെ മ​ത്സ​രി​പ്പി​ക്കു​ന്ന​തു​മാ​യി ബ​ന്ധ​പ്പെ​ട്ട് ഉ​ട​ലെ​ടു​ത്ത ത​ർ​ക്ക​മാ​ണ് ആ​ക്ര​മ​ണ​ത്തി​ൽ ക​ലാ​ശി​ച്ച​ത്.

ഭാ​ര്യ​യും ഭ​ർ​ത്താ​വും ത​മ്മി​ൽ ചി​ല പ്ര​ശ്ന​ങ്ങ​ൾ നി​ല​നി​ൽ​ക്കു​ന്ന​താ​യി പ​റ​യ​പ്പെ​ടു​ന്നു. ത​ന്‍റെ ഭാ​ര്യ​യെ വീ​ണ്ടും മ​ത്സ​രി​പ്പി​ക്കാ​ൻ പ​റ്റി​ല്ലെ​ന്ന് ആ​ക്രോ​ശി​ച്ചു ആ​ദി​ക്കാ​ട്ട് മു​ക്കി​ൽ സം​സാ​രി​ച്ചു നി​ൽ​ക്കു​ക​യാ​യി​രു​ന്ന ഉ​ഷാ​ല​യം ശി​വ​രാ​ജ​നെ ഇ​യാ​ൾ ആ​ക്ര​മി​ക്കു​ക​യാ​യി​രു​ന്നു. കൈ​യി​ൽ ക​രു​തി​യി​രു​ന്ന തേ​പ്പ് ക​ര​ണ്ടി ഉ​പ​യോ​ഗി​ച്ച് ത​ല​യി​ൽ വെ​ട്ടി. പ​രി​ക്കേ​റ്റു നി​ല​ത്തു വീ​ണ ഇ​ദ്ദേ​ഹ​ത്തെ നാ​ട്ടു​കാ​രാ​ണ് ആ​ശു​പ​ത്രി​യി​ൽ എ​ത്തി​ച്ച​ത്. ഉ​ഷാ​ല​യം ശി​വ​രാ​ജ​നെ ആ​ക്ര​മി​ച്ച സം​ഭ​വ​ത്തി​ൽ പ്ര​തി​യാ​യ ബി​ജു ഒ​ളി​വി​ലാ​ണെ​ന്നും ഇ​യാ​ളെ ക​ണ്ടെ​ത്താ​ൻ അ​ന്വേ​ഷ​ണം ഊ​ർ​ജി​ത​മാ​ക്കി​യ​താ​യും വ​ധ​ശ്ര​മ​ത്തി​നു കേ​സെ​ടു​ത്ത​താ​യും ശാ​സ്താം​കോ​ട്ട എ​സ്എ​ച്ച്ഒ അ​നീ​സ് അ​റി​യി​ച്ചു.

Tags : attacked nattuvishesham local news