കോട്ടയം ആറുമാനൂരിലെ പരേതരായ കണിച്ചിറയിൽ ഏബ്രഹാം-മേരി ദന്പതികളുടെ മകനാണു ന്യൂഡൽഹിയിൽ താമസമാക്കിയ ഡോ. ജോർജ്. പാലാ സെന്റ് തോമസ് കോളജിലെ മുൻ മലയാളം പ്രഫസർ പരേതനായ സി.ജെ. സെബാസ്റ്റ്യന്റെ മകൾ സോഫിയയാണു ഭാര്യ. ഏകമകൾ ഹാറുക ജോർജ് ന്യൂയോർക്കിലെ യുഎൻ ആസ്ഥാനത്ത് ഉദ്യോഗസ്ഥയാണ്.
ജപ്പാൻ ഫൗണ്ടേഷൻ ഫെലോഷിപ്പിന് നാലുതവണ ഡോ. ജോർജ് അർഹനായിട്ടുണ്ട്. ജപ്പാനിലെ പ്രമുഖ സർവകലാശാലകളിൽ വിസിറ്റിംഗ് ഫെലോയും വിസിറ്റിംഗ് പ്രഫസറുമായിരുന്നു.
ജാപ്പനീസ് ഫോറിൻ മിനിസ്റ്റേഴ്സ് കമൻഡേഷനും മിയാസാവ കെൻജി ഷോറെയിഷോ അവാർഡും നേടിയിട്ടുണ്ട്. എഡിറ്റിംഗും വിവർത്തനവുമടക്കം 23 പുസ്തകങ്ങൾ ഡോ. ജോർജ് പ്രസിദ്ധീകരിച്ചിട്ടുണ്ട്.