ചെര്ക്കളയിലെ ശ്രീലിപി പ്രസില്നിന്ന് അച്ചടിച്ച കള്ളനോട്ടുകളുമായി ഓഗസ്റ്റ് 20ന് മൂന്നു പേരെ മംഗളൂരു സിറ്റി ക്രൈംബ്രാഞ്ച് പിടികൂടിയിരുന്നു. പ്രസ് ഉടമ പ്രിയേഷ് (34), പെരിയ കുണിയയില് താമസക്കാരനും കര്ണാടക പുത്തൂര് സ്വദേശിയുമായ അബ്ദുള് ഖാദര് (58), പുത്തൂര്, ബല്നാട് സ്വദേശി അയൂബ് ഖാന് (51), മുളിയാര് മല്ലം കല്ലുകണ്ടത്തെ വിനോദ് കുമാര് (33) എന്നിവരെയാണ് അന്നു പിടികൂടിയിരുന്നത്.
500 രൂപയുടെ 427 കള്ളനോട്ടുകളാണ് അന്ന് മംഗളൂരു ക്ലോക്ക് ടവറിനു സമീപത്തെ ലോഡ്ജില്വച്ച് സംഘത്തില്നിന്നു പോലീസ് പിടികൂടിയത്. തുടര്ന്ന് മംഗളൂരു പോലീസ് ചെര്ക്കളയിലെത്തി പ്രസും അനുബന്ധ ഉപകരണങ്ങളും കണ്ടുകെട്ടിയിരുന്നു.
പ്രസ് നഷ്ടത്തിലായതിനെ തുടര്ന്നുള്ള സാമ്പത്തിക പ്രതിസന്ധിയാണ് കള്ളനോട്ട് നിര്മാണത്തിലേക്ക് പ്രിയേഷിനെ തിരിക്കാനിടയാക്കിയായത്. ഒരു ലക്ഷം രൂപയുടെ കള്ളനോട്ട് അടിക്കുമ്പോള് 25,000 രൂപയാണ് ഇയാള്ക്ക് ലഭിച്ചിരുന്നത്.
യുട്യൂബ് വീഡിയോ കണ്ട് പരിശീലിച്ചതിന്റെ അടിസ്ഥാനത്തല് കള്ളനോട്ട് നിര്മിക്കാനുള്ള സാമഗ്രികള് കോഴിക്കോട്ടുനിന്നും ഡല്ഹിയില്നിന്നും വരുത്തുകയായിരുന്നു. ഗുണനിലവാരമുള്ള നോട്ട് നിര്മാണത്തിനായി ഉയര്ന്ന നിലവാരമുള്ള പ്രിന്റിംഗ് മെഷീന് വാങ്ങുകയും ചെയ്തിരുന്നു.